完成第一次C6激光療程後的第5天(即4月10日)就是第二次療程的日子...這天是星期六,我又約了早上11時半時間,不用等就進入了房間....Pinky立即詢問我這幾天的情況,我也急不及待的告訴她我覺得面側很痕癢,而且起了不少暗粒,幸好勤做保濕面膜後情況有所改善...Pinky說我的情況實屬正常~
好了,立即便開始第二次的C6激光療程,可能有了上次的經驗,今次覺得沒有上次那麼痛...正當我以為自己開始習慣,誰知Pinky卻說今次要打到起痧!嘩,原來打到起痧係好痛架!比上次更痛,真係痛到眼淚水都出埋...果然想靚唔係咁容易,係要有代價的!
完成之後,我覺得兩邊面狹的皮膚好像向中間"拿"埋咁,不斷收縮之餘更覺得在不斷跳動,我懷疑如果皮膚燒傷應該係咁上下反應,哈哈~之後當然要敷番個面膜舒緩下啦,感覺係舒服左,但係其實依然係痛痛地!敷完之後Pinky回來幫我起膜,再塗防曬....我不斷話好痛,Pinky就話佢都有幫我試d激光先打上我塊面等我無咁痛...原來Pinky的玉手都打左一點起痧呀,真係唔話得~
起身第一時間去照下塊鏡,嘩,一望之下見到塊面好似損晒咁,血跡斑斑呀!Pinky送左個面罩俾我,真係要帶番個面罩行街,唔係應該會嚇親人!
因為咁樣,我之後幾日都唔敢出街呀!即晚面上起痧的地方更紅,好似浮晒出黎咁...我當然要做下保濕面膜,做完發現面膜上都有少少血跡呀,真係有d驚呢~
不過真係好神奇,一覺醒來發現紅印退左好多,有些損左既地方開始結焦....第3日退得更多,而且更覺得退印的地方那些斑斑真的淡了....這是連老公也同意的!看來真的有點效果啊!
大家可以睇下d相,第3張係起痧情況最勁的時候,第4張是已經開始退的情況...和未做C6激光療程前的第1/第2張相比,大家有沒有覺得斑斑淡了很多呢?如果大家看得仔細一點,應該會看到面毛也變了白色,整體皮膚白皙了之外還好像收細了毛孔呢~
- "Pretty Medical"
- 網址: www.prettybeautyspa.com.hk
- 電話: 2891 6879
