忙裡偷閒之蘇梅行 ~ 後記

其實我3大重頭節目係出發前都係用email reserve左架,不過一定一定要係當地打電話同佢地re-confirm,我落機後番酒店第一個任務就係打俾佢地re-confirm,佢地個個都唔記得email既內容架,要講好多次佢地先記得,情況如下:

外島遊 http://www.grandseatours.com/

基本上好似重新同你登記咁

海獅短聚http://www.sealionsearch-rescue.com/

係email到話會免費接送,點知打佢時個staff話無喎,我梗係同佢理論啦(佢話要3個人join先會free,唔係要收錢),最後我話係你老闆用email confirm我話得架喎,佢最後先算咋...不過當佢知道我間酒店係lamai既時候,佢就say sorry啦,話lamai佢地係會provide free pick up既,如果係chaweng或其他地方就要charge架啦

 Eranda Spa http://www.erandaspa.com/

係email confirm左會有free pick up,但當我俾左酒店地址佢時,佢先知我係住lamai而唔係chaweng...原來佢地只係pick up住係chaweng既客人,不過個spa manager好好,係email話俾錯左expectation我,所以會黎酒店接我,不過就唔會送我番去勒~~咁我都覺得ok呀,仲話走個程送去chaweng就得啦(其實係仲方便我添)...到打去時,佢d staff就唔知,講左一輪要搵番spa manager同我傾先記得咋

總之大家唔好靠晒email做booking,全部要再call去re-confirm先得架,不過原來係酒店打本地電話都要俾錢架,好彩都好平既,加埋晒都唔使200 bath.

之於地圖,指南咁樣,好多地方都有得拎

我就係靠呢個地圖行街街架啦

呢本spa guide好精美亦好詳細,我忍唔住拎埋番香港,下次再去時可以再睇添

呢個係南幽島既leaflet同入場費(當然係agent包左啦)

呢個算係唯一既紀念品,係外島遊出發前影既,只不過係100 bath,都唔係好貴呀

 

忙裡偷閒之蘇梅行 ~ Day 4

話咁快呢個蘇梅行已經去到尾聲啦,由於係早機番既關係,一早就要去機場啦

Samui,I'll be back soon! (呢句係老公講既,佢話呢個小島好寧靜,比希臘小島個種悠閒又有d唔同,我都覺得係有分別,不過唔知點形容)

機場實在好體貼,有免費飲品同小食俾大家添喎

睇下隻飛機,係咪好cutie呢

上機前同佢影幅相先

忙裡偷閒之蘇梅行 ~ Day 3.2

做完spa之後,佢送左我地去最繁榮既chaweng大街,我地黎左2日都係第1次行咋,時間已經去到差唔多5點!

條街好長好長,果然比去lamai熱鬧好多,商店一間接一間,係shopping既必到之處...由於一早同海獅玩再去做spa,我地都係靠早上個頓豐富早餐支持,於是去左burger king share左個餐頂下肚

基本上我地都無咩意慾購物,不過一場黎到點都要買d野既,咁我既首選當然係Boots既產品啦,不過我無用開呢個品牌都唔知邊隻好,最後買左一支toner俾老公同一盒花花膊眼貼,俾錢時有得抽獎,我抽中左下次購物有85折,於是我係下一間Boots加買多支clay mark勒

問老公今晚dinner點解決,佢睇左一陣本旅遊書,之後話去食Poppies~~好,咁我地就去呢到啦

同Pation一樣,Poppies都係幫住個海灘食野架,個view一樣咁正,時值7點左右,個天都未黑晒

我地叫左coconut,我地懷疑係咪係樹上拎落黎呢,你睇佢都無去晒皮架,話時話,蘇梅島真係好多棷樹架,成個山頭都係棷子樹,名符其實係棷林樹影呢~~

我地叫左個傳統泰菜套餐,5樣野分別係

蝦餅,冬陰公,泰式通菜,咖哩鴨胸同埋辣子雞肉

佢地好得意架,一個個小盎上,唔好睇佢好似細細碟咁,我地覺得份量剛好,仲好好味道添

老公不知幾滿意佢既選擇

食完飯,我地就打道回府,第1次叫的士,最後300 bath成交,我覺得都係貴左d架,不過個天開始落雨就放個司機一馬啦

 

 

 

 

忙裡偷閒之蘇梅行 ~ Day 3.1

早上同海獅玩完返酒店係12點左右,而12點半又會有人黎酒店pick up我地去今日第2個重頭節目,做spa啦!

今次我選定左Eranda spa,最主要原因係見到人話有pick up service,於是我又send email去問下呢期有無special promotion,結果佢地話包接送(過程有少少曲折,我會係後記講清楚架啦)同埋做緊一個叫"Eranda Summer Breeze"既promotion package,原價3900 bath,如果1p.m.前開始就只收2400 bath,所以我book海獅10點而做spa就book 1點開始,佢地12點半就黎酒店接我地啦~

由於太多推介既Spa都係附屬於酒店內,我想只係搵一間專門做Spa既,結果得番4,5間列入考慮之中,而Eranda Spa除左包接送吸引我之外,佢仲係獨佔一個山頭,好大自然feel呢,落左車要行拾幾級樓梯去reception,沿途有好多指示牌寫住"Keep quite"

呢個就係reception既入口

reception職員好親切,一坐低就有杯welcome drink,同我confirm package之後就俾我地選香薰油

遠望既景致令人心曠神怡

放好私人物品入locker後就去做第1樣野

Herbal steam & Plunge pool (約30 mins)

呢個係Plunge pool ,旁邊係個好似山洞咁既蒸氣房,好大自然

之後職員引令到私家房,首先係30 mins既

老公 -- Red clay body wrap

我 -- Sesame body scrub (手勢唔錯,d黑芝麻好香呢)

呢條就係行去我地私家房既樓梯啦~~

沖身後就係90 mins既 Eranda Signature Massage,嘩,真係好掂呀,全身所有部位都有按摩到,周圍都係青翠綠林,感覺真係同係香港既spa差好遠呢....

完成整個treatment後仲有refreshing既drink同小食俾我地添,成個過程無比relax同享受

老公舒服到唔捨得走呀!!

最搞笑係我地想俾錢時,職員叫我地等一陣,隔左陣就問我地要去邊送我地去chaweng,我地指左去iyara plaza之後就送我地去上車,我同老公好奇怪,點解仲唔收錢既

上車前老公再問佢收錢,點知佢話係free喎(其實佢係指個接送服務),我同老公即時好驚訝,然後佢先知原來未收我地錢,先上番去俾咋...我地見佢地做得咁辛苦,就咁走左實在於心不忍,結果我地都好誠實咁俾錢

2400 bath x 2 = 4800 bath

忙裡偷閒之蘇梅行 ~ Day 3

2006年6月23日

今日有2大重頭節目,首先就係同c9發音相近既sea lion相聚一刻啦

之前老公已經話好想參加呢個海獅短聚活動,我經email訂左23號早上10點既一節,由於海獅中心近Lamai沙灘,所以佢肯免費接送住係Lamai酒店既客人,就係咁,我又唔使自己搭車啦~~

我參加呢個1小時短聚,1日有3節(分別係10點,12點同3點),如果想玩耐d,可以參加佢個2.5小時既program,咁當然價錢會貴好多啦

10點呢節得我地同另一個芬蘭人家庭(不過只係爸爸同仔仔會玩),首先佢會簡單介紹下有關海獅既知識以及同海獅相處既注意事項

海獅原來好善良架,而且無特別既氣味,大家唔使怕架

佢好可愛呢,摸落又好滑喎

佢地仲懂得聽指令添喎,會取圈圈,又會跳欄...咁當然係聽訓練員話,唔係我話啦,而且佢都係俾面d食物先肯同我地玩咋

睇下鍚得我幾肉緊

老公玩得超級開心

黎張大合照先

當然,佢係唔俾我地自己影相啦,中心有人幫我地影既,然後燒埋所有相係一隻CD內,係website度寫係500 bath架,不過唔知係咪我地一pair pair人,所以我地一隻有晒我地2個既相,價錢係600 bath~~

呢個短聚收費係每位1500 bath,所以收費如下:

1500 bath x 0.85 (online booking原來有85折) = 1275 bath

1500 bath x 0.8 (沖哥又有discount coupon) = 1200 bath

600 bath (photo cd)

Total就係3075 bath (仲包埋酒店(只限lamai area)來回接送)

忙裡偷閒之蘇梅行 ~ Day 2.1

經過一日浮潛既戶外活動,我既體力都透支左唔少,當agent送我地返到酒店時,我地沖涼梳洗完都休息左一陣先再考慮夜晚既行程

由於我地既體力都係得番3成左右,我地決定只係Lamai既大街行下,兩旁都有唔少既餐廳同酒吧,行行下仲發現麥當當既足跡,老公話一定要同雙手合十既麥當勞叔叔影番張相喎!

行下行下,見到一個小型既夜市,數一數,都有6,7檔車仔檔,我同老公觀察左一輪,覺得都應該無問題,就決定簡簡單單係呢到食我地今晚既晚餐勒

呢碟炸雞只係25bath,即係大約5蚊咋,買時好香架,不過食落就太um啦,麻麻地

反而呢碟豬肉炒飯唔錯喎,都係30bath,即係6蚊咋,好抵食呢~~

之後我地去左7-11買左d飲品同零食返酒店睇世界盃

不過我真係太累啦,無幾耐就已經zzzz左啦,老公見無人陪佢睇波,就同我一齊早d休息啦

忙裡偷閒之蘇梅行 ~ Day 2

2006年6月22日

第2日食完個豐富早餐之後既節目就係外島遊啦~

我出發前已經用email訂左去龜島Koh Tao同南幽島(又名海鷗島)Koh Nang Yuan既tour,當然黎到Samui要打去re-confirm啦

我係幫襯Grand Sea Tour既,佢係胡慧沖個本《蘇梅好路數》推介既,仲有8折coupon,我無咩時間再去seach其他agent,咪信阿沖哥lor~~

個tour既價錢包左來回接送酒店,午餐,浮潛用具,仲有汽水添

佢地都好準時7點半到酒店接我地,就去佢地自己個私人碼頭等出發啦,出發前都有d飲品小食免費提供架

呢2個島都幾遠,坐快艇都要成1.5小時,好彩我同老公都唔會暈船浪,不過真係幾拖下架,頂唔順既真係要考慮清楚去唔去啦

之不過呢2個地方d水真係好清,係浮潛既熱點,我同老公都係第1次試浮潛,所以都有少少驚架,不過著左救生衣就真係唔使驚既...海底世界真係好靚呀,仲有好多唔同顏色唔同種類既魚添,我見到既有

青衣,珊瑚魚(e.g. Mo仔),海膽,劍魚,斑馬魚.......

雖然我地無防水相機,不過我地都有餵魚魚引佢地遊上水面影相架,d魚唔怕人架

我地既浮潛look,不過前一手都唔知邊個用過,真係有d唔衛生呢

呢度就係南幽島,其實係d沙將3個島連埋左

經過一日既浮潛,我同老公都晒黑左好多呀

呢個local tour收費如下:

1600 bath x 0.8(沖哥既coupon) + 1600 bath= 2880 bath