0907&0908的晚餐 ~ 茄汁千層蛋

2011年9月7日,星期三

扮完闊太就要返回現實,繼續當個精明慳家師奶,是以一連兩晚都煮晚飯!

無去買餸一個月,今日再去買又覺得食材價貴左好多,通漲真係好嚴重!樣樣都唔係好買得落手,唯有都係買番蛋呀,粉絲呀呢d廉價食材!

雖然狀態未回勇,但都搞搞新意思,逐塊蛋皮煎再疊起,每層放有茄汁,簡簡單單卻又能引起食慾,取名茄汁千層蛋!

另一樣就係炒粉絲,今晚就用了雞肉和蟹柳做配料~

加多個青紅蘿蔔煲豬瘦肉,順順利利又完成一餐...好辛苦先保持到成本價三十幾蚊架!

2011年9月8日,星期四

今日再接再厲,我只買了盒十多元的免治牛肉就弄了這一餐!

很明顯又是蛋,煎完就蒸啦!蒸水蛋一點不失禮,很嫩滑!其實我覺得好好味!

螞蟻上樹,其實又是炒粉絲!不過配料是牛,而且用來炒的調味是韓國豉油,所以味道又有點不用,好像比昨天的好吃一點!

這個菜呢,其實是幾日前打邊爐剩下的物資,因為已經放了幾天,所以今晚要吃掉它!

還有昨天未喝光的湯!今晚竟然不用二十元就有三餸一湯,很滿意!