Beautylife x Mask House Celebrity 蜂毒亮目膠原再生眼膜

2012年8月

這個暑假運氣不錯,在beautylife抽中試用這個韓國Mask House的蜂毒亮目膠原再生眼膜!
吸引我的除了是眼膜外,還有蜂毒這2個字!

由韓國帶起的蝸牛熱潮其實我也很想試
想不到竟然先試蜂毒,哈哈~

蜂毒=天然botoxl
可以去眼袋浮腫、去黑眼圈、去魚尾紋
嘩,好似好勁咁喎....
一盒$132,原來得3片架咋,好似少左d....

眼膜我好少敷,一來貴,二來通常只係敷眼肚位
有時覺得敷面膜都敷到眼肚啦....

呢隻眼膜就好好,
係眼罩式,整隻眼都有得敷!
而且呢隻眼膜係透明水凝狀
好似啫喱咁,好得意

我係第一次敷呢種質地既眼膜
打開唔會好似平時既面膜咁好多精華係袋入面
基本上包裝袋內好乾爽

敷上眼非常貼服
基本上唔會走位
冰冰涼涼好舒服
本來想敷20分鐘
但我發覺15分鐘後眼膜已經好乾
所以我就無再敷落去....

睇相覺唔覺有即時效果呢?
眼袋好似有輕微收緊
黑眼圈好似差唔多
眼紋略略淺左少少
比較明顯係雙眼周圍既皮膚都亮澤左...

總括黎講都算可以
但係我都係覺得貴左少少囉~