前排我覺得自己身體已經無特別唔舒服就入廚房煲水煮蛋,其實步驟只係開火毫無難度,但係被老公發現之後就話我做咩入廚房煮野食...唉,睇黎我一日未生,一日都唔可以恢復一家之煮既地位勒~
老公前日都有煮住家飯,不過都係之前出現過既菜式,即係必備蒸肉餅~~咁我就話可唔可以有少少新意呢...結果琴日老公真係煮左個好有新意既晚餐,就係有碟蒸魚勒~~
蒸魚係從來未係吳家出現過架,因為吳生唔食魚,所以我從來都唔會蒸魚既,最多都係炸魚...今次真係令我好驚喜,咁當然老公係一啖都無食過,成條魚都係我食晒啦~~唔好講笑,呢條魚都成四十幾蚊,一d都唔平,不過都蒸得唔錯,係個豉油就調得麻麻地啦~~
老公好鐘意蒸餸,佢話就咁放入電飯煲一齊煮好方便,所以每餐都會有一味蒸餸,今餐唔係肉餅啦,係排骨~~
另外仲有煎雞扒同埋薯餅,好豐富呀,我食左兩碗飯呢~~
食兩碗飯咁開胃呀~~咁吳小b一定會好好吸收的~~
回覆刪除[版主回覆04/06/2008 20:03:00]我一向都係一個飯桶,哈哈~
你老公真係好!
回覆刪除[版主回覆04/06/2008 20:03:00]佢都係睇在阿B份上啦~
你老公就好喇!!! 我而家又係負責煮果個喇!!
回覆刪除你胃口好真好呀! 食多d , 吸收多d 嘛!!
係呢, 你到而家, 重佐幾多呀?
[版主回覆04/06/2008 20:05:00]係呀,我一向都幾好胃口架,就算嘔個期都唔會唔食野呢~
我宜家大約重左8 lbs啦~
你老公真係好...
回覆刪除[版主回覆04/06/2008 20:05:00]算係咁啦~
你老公蒸的排骨都好有水準呀！！
回覆刪除[版主回覆04/06/2008 20:05:00]哈哈,ok咁啦~
你老公好錫你呀！
回覆刪除[版主回覆04/10/2008 21:55:00]哈哈,你老公都好錫你呀~
吳生吾食魚都蒸魚比你食, 佢好錫你啊!
回覆刪除哈哈, 食兩碗飯咁好胃口, 小b一定快高長大.
[版主回覆04/10/2008 21:55:00]係呀,呢排都食好多飯呢,肥死我就真~~
你老公真係對係好好呀，好幸福呵 ~~
回覆刪除[版主回覆04/10/2008 21:54:00]唔好咁講,我會面紅架~