最初知道懷孕時,第一時間就梗係計下幾時有得放產假啦~
點知囡囡既預產期係9月尾,而我份合約剛剛是9月中到期,當時我打去人事部問呢種情況如何處理,得到的答案是我最遲要6月申請產假,而我係符合資格放有薪產假既,不過如果唔續約,咁合約期完後既產假就無人工出啦~~其實我一向都唔擔心續約問題既,不過撞正放產假既問題搞到我都驚驚地....如果係私人機構大條道理話合約完,想告佢懷孕歧視都唔得添喎~
好在我呢度唔係私人公司,我諗應該都唔會咁衰想慳番個產假而唔同我續約卦~~不過一向都係最後個月先會簽續約文件既,我都急唔黎,唯有唔好諗佢啦~~
終於6月尾前遞紙申請產假,7月頭人事部出信俾我話批左70日有薪產假啦,我會放前2後8,9月16日開始,o岩o岩可以放埋中秋節既公眾假,唔使蝕左3日假俾佢,即係我13號就開始放假啦.....雖然我合約到期日係9月17日,不過既然佢批得70日有薪產假,續約既事應該係無問題啦~~
果然今日收到續約文件,仲唔拿拿聲簽左佢咩,而且新合約竟然加左人工呀,都有12.5%喎,簡直係意外驚喜啦
最開心係呢度既有薪產假係full pay既,唔使打8折架,加上仲加埋人工,真係估唔到我放產假既時候收入仲會多左添,哈哈哈,實在係太開心啦~~
囡囡,你腳頭都幾好喎,我除左係轉工情況下會加薪超過2位數既百份比之外,從來都未試過同一份工可以有呢個加薪幅度架,而且我係合約員工,一早對升職加薪無任何冀盼....可能就係呢份心理狀態令我好易滿足,所以今日見到呢個offer不知幾開心
恭喜哂, 諗住去邊食餐勁興祝下呢
回覆刪除[版主回覆07/14/2008 21:32:00]未諗呀,因為黎緊好多支出都唔知會唔會食番餐勁~
真係開心呀, 你個囡囡真係腳頭好好呀.
回覆刪除[版主回覆07/14/2008 23:18:00]最好繼續落去,哈哈~
真係開心呀, 你個囡囡真係腳頭好好呀.
回覆刪除恭喜你雙喜, 唔係, 係3喜臨門~~~
回覆刪除會出8折產假架? 我唔知呀, 我公司都係FULL PAY~
[版主回覆07/14/2008 23:19:00]係呀,因為勞工法例寫明產假薪酬最少要係平時既五分四,所以好多公司都只係跟法例8折出糧lor,肯full pay既唔多架~
恭喜呀, 不如妳好好慶祝一下, 食一餐全熟的菜宴呀. 呵呵~~~
回覆刪除[版主回覆07/14/2008 23:20:00]全熟的菜宴?咁都叫慶祝,唔好玩啦,你幾時變左搞笑既媽媽架~~
8折出糧?? 哎呀~~我第一次聽wo....
回覆刪除開心加開心~~你一定會生個開心果出來啦
[版主回覆07/14/2008 23:22:00]你一定唔係做HR啦,勞工法例寫架麻,所以好多公司都係出8折架咋,肯full pay既公司係好好架啦~~
我都希望囡囡第人係個人見人愛既開心果
你就好啦，今日已經confirmed咗冇職升冇人工加，過咗呢個年度，都係時候走人囉
回覆刪除[版主回覆07/15/2008 00:23:00]不過你唔係有筆可觀既花紅咩?我既人工點加都唔係高薪一族啦~
我都係fullpay,同埋加薪有xx% yeah~~
回覆刪除[版主回覆07/15/2008 22:44:00]咁咪好lor,so good~
美國好多公司都係8折出產假糧 不過呢邊經濟差仲邊有兩個位數字既人工加 有得加都算萬行啦
回覆刪除[版主回覆07/15/2008 22:44:00]咁美國既經濟又係差d既~
人家不搞笑, 怕有產後抑鬱呀! 不過..........似搞笑咩? 搖醒謙謙問下先, 嘻嘻!
回覆刪除謙謙 : = ="" (關我什麼事)
[版主回覆07/15/2008 22:44:00]係呀,你d回應愈黎愈風趣~
恭喜晒 ! 續約又加咁多人工. 我都會有 full paid 產假, 不過唔會加 double digit % 既人工囉. 我地跟政府個 pay raise 架, 得 3 幾個 % 咋...年年加一千幾百咁, 又無職升, 所以從來都無 mud expectation 架喇.
回覆刪除[版主回覆07/15/2008 22:43:00]其實我呢度一向都無得點加人工架,所以今次先會覺得驚喜咋~
梗係要大吃一餐啦~~大肚婆食大餐天公地道呀！
回覆刪除加咁多人工，真係羨慕～～
[版主回覆07/15/2008 22:42:00]點加都追唔到你啦~
小寶寶未出娘胎已經為妳帶來幸運, 希望佢既幸運會為你哋一家人延續落去啦
回覆刪除[版主回覆07/15/2008 22:42:00]我都希望係咁...哈哈~
係宜家時勢, 你間機構對你真係好好啦!
回覆刪除[版主回覆07/15/2008 22:41:00]表面睇都ok既~
B女真係好好腳頭 la, 爸爸媽媽一定大旺. 係呢, 你公司真係相當好, 是 statutory organisation 嗎?
回覆刪除[版主回覆07/15/2008 22:39:00]咪係成日俾市民鬧既機構lor~
好事 x 3 呀!!!!!!!!!! Yeah~~~~~
回覆刪除[版主回覆07/15/2008 22:40:00]係呀,yeah~
真好啊, 有人工加, 好羨慕呀
回覆刪除政府加人工, 我就無得加, 嗚嗚嗚....
[版主回覆07/15/2008 22:39:00]你個機構好似人工都ok架喎~
o甘多開心事一齊o黎，真係恭喜o西呀！你BBo甘旺你，好o既事一定會陸續有o黎o既。
回覆刪除聽到你o地個個都話加人工，真係好羨慕呀！我公司啱啱過去o果個年度有錢賺(都唔少呀！)，都無人工加，話預計o黎緊呢年生意會無o甘好喎！依家變相減人工，真係好心淡。如果唔係因為年尾去旅行，我一早就辭o左職嘞！
[版主回覆07/15/2008 22:39:00]不過點加都好,人工都唔係好高咋~
你就好喇..
回覆刪除我係度放有薪產假得6 個星期咋..好彩我仲有annual leaves~
[版主回覆07/15/2008 22:38:00]我以為香港10個星期已經少啦,原來美國得6星期咁少架咋...有d歐洲國家可以放1年架~
真係非常之好呀!!!
回覆刪除[版主回覆07/16/2008 23:29:00]係呀~
恭喜你呢 ...
回覆刪除[版主回覆07/16/2008 23:29:00]多謝~
WAH! 真是三喜臨門呀
回覆刪除[版主回覆07/16/2008 23:30:00]所以都幾開心呢~
恭喜你呀, 咁既時勢都有人工加仲有有薪產假, 你公司真係好...
回覆刪除你BB真係好旺你喎, 希望你既好運一直延續落去啦!
而家通脹咁勁唔加人工真係唔掂呀!
[版主回覆07/17/2008 21:18:00]我都希望好運一直延續落去~
回覆刪除恭喜你呀..記得之前你有提過吳生加左人工...依家你又加人工...囡囡真係好好腳頭呀.. 恭喜恭喜 !!
[版主回覆07/21/2008 22:19:00]你咁好記性,不過都已經係上年既事啦~
12.5%，good，恭喜哂呀，幫補了不少BB的支出呢！
回覆刪除[版主回覆07/27/2008 23:45:00]都叫ok啦~