為了不再一身肥肉,我終於的起心肝報了爵士舞班,雖然不知成效有多大,但總算盡點心力撥點時間去做運動,希望可以瘦一點啦~
本來想報工聯會近家的爵士舞班,因為價錢只是三至四佰元,可是已經滿額...最後給我報了更便宜的康文署爵士舞班,只是八十多元就有10堂,每堂2小時呢,非常抵玩~
明天開始逢星期二,四就要去九龍公園跳舞啦...雖然時間是晚上8至10,不過也要辛苦吳爸爸照顧囡囡了,我想只能盡量煮些更簡易的東西給吳爸爸吃...為了補償吳爸爸未來辛苦的日子,今天就買了西冷扒給他做晚餐,配上什菌螺絲粉也不錯吧~
終於正式用了Le Creuset的grill pan煎扒,隱約看到格格紋呢...不過還是不夠明顯,要再多作嘗試...今晚的晚餐也不算太貴,只花了六十元左右~
嘩，abby媽，康文署好平呀，我個陣報過健康舞，根本勁快full，所以都無報到呀>.<
回覆刪除[版主回覆10/05/2009 23:19:00]係呀,其實我報個班係抽籤既,抽到所以有得跳,唔知之後仲報唔報到呢~不過真係好平,所以報左先算~
真係人同此心喇, 我最近都研究緊報跳舞班減肥, 至少都算做0下運動健康D, 不過屋企附近的班唔太合時間, 而家諗住散報住公司的班先! $20一堂都還算平啦
回覆刪除不過我真係冇乜恒心, 又唔想成日留低老公一個人係屋企...
[版主回覆10/05/2009 23:58:00]係?你又研究緊呀...就算$20堂都算平呀,跳住先lor~
不過散報就係會無咁有恆心架啦,所以都係報一個course好d...我都係搞掂晒屋企d野先出去跳既...一係你又叫老公睇下有無course報下,大家同一時間,一齊上,上完一齊返屋企咪好lor~
你仲有幾多磅要減呀?? 跳舞應用會減得幾快...因為好攰呢..
回覆刪除[版主回覆10/06/2009 23:25:00]如果比生之前就仲有15 lbs,不過可以的話最好減多15 lbs,咁就去番結婚時的磅數~
碟野個樣好似出街食一樣, soooo 正~~!!
回覆刪除[版主回覆10/06/2009 23:25:00]都ok啦,哈哈~
LC煎扒係好得. 不過, 打格仔就可能要厚身D嘅扒先明顯得嚟又唔會煎老咗.
回覆刪除[版主回覆10/06/2009 23:27:00]我都知厚身好d,不過貴呀麻...所以買住薄切先啦,哈哈~
哈哈..咁未要成30 磅? 但係你睇落去唔似要減咁多喎! 我就差唔多...不過我諗真係要做下運動...因為周身好鬆咁...
回覆刪除[版主回覆10/08/2009 12:38:00]係呀,你話我肥左幾多呀!!
而且做下運動都好既~
咁康文署的跳舞班又幾平噃,上了幾堂覺得如何呢
回覆刪除吳爸爸自己一個湊囡囡慣唔慣呢
[版主回覆10/10/2009 12:35:00]都幾好呀,不過跳完好攰~
吳爸爸都無咩問題,只係abby就無咁早瞓,比我係到遲左1粒鐘先瞓~