因為一早已經幫囡囡join了私家的打針package,所以就算現在政府免費提供肺炎鏈球菌針我也會依舊到私家去打...健康院的姑娘還說為什麼不在健康院打,很多媽媽也回來打呢...算吧,已經付了錢...加上健康院好像有很多事故,私家打還是會安心點~
離開健康院後就到灣仔拿取Face的免費攝影禮卷,因為只限平日領取,既然今天放假有時間就去拿吧...之後回家休息一會,給囡囡吃點奶就要出發去打1歲針了~
私家的姑娘先和囡囡玩一會兒,之後告訴我1歲針有3枝,分別是MMR針(即麻疹針),肺炎鏈球菌針和水痘針...不過今次只會打前兩枝,因為MMR針和水痘針都是活性疫苗,不可以一同打的,所以水痘針要待1個月後才可以打呢~
姑娘說MMR針沒有肺鏈針那麼痛,所以先打....想不到囡囡打MMR針竟然沒有喊一聲,只是"拿"埋塊面,我覺得囡囡很厲害啊....姑娘也很驚訝的說想不到囡囡那麼瘦,沒有肥肉隔一隔也能這麼忍得痛,很少見....之後又玩一會才打肺鏈針,今次囡囡有喊,不過也只是喊了2,3聲,很快就安撫得到...相反隔壁房的寶寶都是打這兩枝1歲針,卻喊得很悽厲呢...真的覺得囡囡很叻女呀!
取了退燒藥後就和囡囡回家了,希望囡囡和之前打針一樣沒有不良反應啦~
abby好勁...D人話MMR好痛架~
回覆刪除[版主回覆10/05/2009 21:46:00]姑娘話肺鏈痛過MMR,不過MMR就易有反應,好多都會發燒就真~
我都係JOIN咗私家的PACKAGE打，但我考慮緊比唔比囡囡打水痘針好，因為有啲人話出水痘反而好呀，你有冇聽過呀？
回覆刪除[版主回覆10/06/2009 23:31:00]其實以前都唔會打水痘針既,我細個都係就咁出水痘架...所以我覺得唔打都無咩所謂,但係因為abby返學,出水痘就唔番得,要係屋企休息至好番,我無咁多假請麻,所以都係打左佢lor...而且abby好鐘意周身"r",如果咁細就出水痘一定"r"到留疤,所以最後都係決定打~
叻叻呀!政府支肺鏈針又係好粗, 我估都應該幾痛下..
回覆刪除[版主回覆10/06/2009 23:29:00]係呀,政府d針好似係粗d咁架~
abby好勁, 禁都唔喊
回覆刪除[版主回覆10/10/2009 12:25:00]我都無諗過佢會唔喊~