0504的晚餐 ~ 炸醬雞丁粉絲 上湯浸菠菜苗 煎蛋餅

2011年5月4日,星期三

假期後要煮飯真係無咩靈感,不過今日最後都有新煮意!第一次煮炸醬呀!原來炸醬好易整,仲好似係街食既味道架!

炸醬雞丁粉絲($15):

炸醬 = 蠔油2湯匙 + 茄汁2湯匙 + 豆辦醬1湯匙 + 胡椒粉 少許 + 麻油 少許 + 糖 少許 + 雞湯 少許

真係超惹味,好正!雖然有少少辣辣地,但囡囡竟然好鐘意食,狂食粉絲,又出現爭食情況!推介大家試試~

上湯浸菠菜苗($8):未買過菠菜苗,因為呢d係有機菜苗,特別貴架!今日見到特價$6,立即買黎試下!果真係嫩好多,食落無渣架!

煎蛋餅($4):因為驚炸醬太辣囡囡唔食,所以煎個蛋餅俾佢....

今餐成本價$27,又過關!