豆卜肉醬意粉

2011年5月18日,星期三

今晚的晚餐吃意粉是有因由的! 

今早送abby返學的時候

abby:今日邊個接我呀?

媽:今日爸爸接放學呀~

abby:我想媽媽接呀!

媽:媽媽今日接唔到你呀...

abby:唔好呀(唔肯再行,鼓起胞腮,好嬲既樣)

媽:(抱起abby)唔好嬲啦,媽媽真係趕唔到黎接你...你今晚想食咩呀?我買番黎煮俾你食啦!

abby:(諗左一陣)我想食意粉!

媽:好啦,今晚我就煮意粉俾你...咁爸爸黎接你放學啦!

abby:好野!

放工入門口....

abby:媽媽,媽媽,我要食意粉呀!-->(真係好記性!好在我都講得出做得到!)

媽:知道啦,今晚食意粉呀麻,我去煮啦~

煮好有得食...

abby:嘩,好野!(然後就大大啖咁食,份量有我同吳爸爸食既份量咁多!)

好在abby鐘意食野,所以都好易氹到佢,哈哈!

好在囡囡只要求吃意粉,還未會指定款式,所以就煮簡單的肉醬意粉吧!那些豆卜是因為昨天剩下的,所以就加在一起啦!今晚成本價$15左右吧!

實在自復活節開始就沒什麼動力煮東西,加上比較多的假期花費了很多....看來要好好收拾心情,回歸正途!

這幾星期煮的不多,有煮也是極行貨的東西,比較新的只有下面的煎魚餅,因為是我第一次買來煮,哈哈!