2012年1月11日 星期三

家長義工



一月份學校的主題都圍繞農曆新年

先有大掃除活動(小朋友要帶備圍裙及抹布回校進行清潔之用)

然後是一連3日的農曆新年年宵活動,當中有多個年宵攤位,例如搓湯丸、包餃子、剪紙、書法、中樂表演等等,所以早前已發通告邀請家長做義工~

其實我很有興趣回去當搓湯丸或包餃子的家長義工,只是我之前已報了故事媽媽活動(3月),觀課活動(3月),所以也沒太多假期可以去做義工...不過最後機緣巧合下卻被吳爸爸先做家長義工,他最後選了去剪紙攤位,相中是吳爸爸部份作品!

吳爸爸選了上午時段,所以一早送了囡囡回校沒多久就到家長集合時間,簡單講解就開始年宵活動了!

據吳爸爸描述當天囡囡那一班去玩搓湯丸和包餃子,就在剪紙攤位旁,所以也有和吳爸爸打招呼....但吳爸爸說很忙碌,根本無暇看囡囡玩的情況!

吳爸爸說他一個早上招待了2班,都是較高班的小朋友....小朋友蜂擁而上,吳爸爸簡直是剪到無停手!最搞笑是吳爸爸的拍檔是一位媽媽(基本上得吳爸爸一個男家長義工)到圖書館借了幾本剪紙書,但卻是不懂剪的...吳爸爸雖然什麼也沒準備,卻剪不停....相中是吳爸爸部份作品,吳爸爸說那位媽媽對他讚嘆不已呢!

另外囡囡還說有高班哥哥領著她去年宵買東西,老師給了她10元買東西...她說用了來買糖果,哈哈~

全日班還有團年飯活動,每位學生家長要準備2-3人份量的食物(雞、冬菇、菜)帶回去,學校則準備了羅漢齋...由於收到通告後翌日就是團年飯活動也趕不及做什麼特別菜式,便弄了蜜糖雞翼....想著甜甜的小朋友應該會喜愛!



年假前還有農曆新年慶祝會暨1月份生日會和新春家校活動(另篇詳述)

年假後學校有宣明會「你的紅封包」活動,真的節目豐富!

其實讀幼稚園真係幾好玩.....為何我小時候不太覺呢?

4 則留言:

  1. 原來幼稚園既節目真係好豐富喎,臭豬佢地一個月份都係圍繞農曆新年既活動,什麼團年飯、帶抹布返學校大掃除 ..... 黎緊返學後又係有紅封包活動,諗諗下依家 d 幼稚園老師既工作都幾繁忙 !!
    [版主回覆01/31/2012 22:41:03]係呀,宜家做老師真係幾辛苦架~

    回覆刪除
  2. 家長義工, 我地學校都有, 不過由於要返工, 我又難請假, 所以未有試過去做...
    [版主回覆01/31/2012 22:41:43]咁都無辦法~

    回覆刪除
  3. 因為小時太細個,有好多事情也忘了,可能當時也覺得好好玩啊
    [版主回覆01/31/2012 22:42:22]其實我都記得下幼稚園既生活架~

    回覆刪除
  4. 我囝囝幼稚園真的好多活動,我剛剛也當了家長義工,辦年貨準備盤菜宴,真的好好玩,而家d大假都係留返俾亞囝,遲d有家長日同觀課日都是我期待的....
    [版主回覆01/31/2012 22:43:52]我都好期待其他活動呢~

    回覆刪除