我地食完拉麪就去出名既狸小路行下,睇下野...今次志在探下路,尾2個日先諗住黎呢到掃手信~~狸小路係由1丁目到7丁目既,都幾長下架,不過講真又唔算好多野睇~~
行下行下見到Mister Donut喎,雖然我地食完拉麪好飽,但係我又好想食Donut喎,最後買左一件黑糖味~~唔,yummy
,甜味剛好又鬆軟,超贊~~我同老公又再搶住食呢
行左一陣我地都覺得累啦,係時間番酒店休息仲要pack好行李,聽朝一早又要坐JR去新得既牧場啦~~
番酒店途中見到電視塔就影幾張相留念啦...夜晚差唔多10點條街都真係幾冷清架啦(除左薄野個邊之外),而且好易就撞到香港人,因為係香港人先咁夜都仲去街街呢
本來我係預左搭1621班車番札幌既,不過最後我地都無去到帶廣既紫竹花園睇花,所以就可以提早一班車番札幌勒~~早一班車既時間係1453,番到札幌都要1717架啦~我地首先番酒店休息一陣,然後就要去睇下有無相機既叉電電線,幾經辛苦終於係專賣電子、AV產品既big camera搵到係日本o岩用既2腳叉電電線啦,折番都要HK$50架,就當買個教訓啦~之後我同老公分道揚鑣,佢好有興趣行big carmera,而我就當然去stella place行街街啦,我地約好一個鐘之後係big camera地下等...係呢短短一小時我終於都買到1對涼鞋同一件小褸(共2429 yen)啦
之後又係時間去食晚餐勒,今晚決定去《味の時計台》食拉麪...其實札幌有好多地方食拉麪既,例如拉麪共和國、一國堂、拉麪橫丁咁啦~~不過我睇左d介紹之後對《味の時計台》既粟米牛油帆立貝拉麪好有興趣,所以就決定去試下~~
《味の時計台》有好多分店架,不過就唔好去d加盟店,我諗味道會差少少,我地去左駅前通既直營店~
粟米牛油帆立貝拉麪係佢既招牌麪亦係最貴既,要1575 yen,味道當然唔能夠係香港食到啦,湯底已經贏晒...不過就無我想像中既好味,但係我覺得冬天食應該會好味d...而塊牛油亦令碗麪更香,不過對我黎講就油左d啦~~而帆立貝就好大粒,味道唔錯~~
老公就叫左叉燒拉麪,佢對個湯底十分滿意...我地另外仲叫左個啤酒+餃子餐(500 yen),老公話杯啤酒好好味,我覺得餃子都好唔錯...呢餐合共要3387 yen~~
我地係六花亭就係買左呢3樣野係火車到食勒~~
吉士卷:我一向係吉士既fans,呢條吉士卷當然o岩晒我胃口啦~~外層酥皮十分鬆脆,吉士甜度剛好,又雪凍左,簡直食到停唔到口~
士多啤利卷:老公係士多啤利fans,所以佢就買左呢個黎食...我只係試左少少蛋糕同cream已經食到濃郁既士多啤利味道,好味呢...老公唔夠1分鐘就將佢放左入肚入面啦~
牛奶布丁:見到咁白滑既牛奶布丁當然又要買黎試下啦,味道真係比今朝食既好好多...又香又滑,而且最低既焦糖一d苦味都無~~
其實係北海道,無論邊個地方,就算車站內既手信店都可以買到幾間出名既果子蛋糕做手信~~不過係帶廣就可以去到2間出名既本店,一間係《柳月》,一間係《六花亭》,以六花亭出名少少~~
柳月本店都好細間,不過入到去老公已經雙眼發光,佢當然買左一大盒野啦,仲有一定會買既"三方六"蛋糕~~之後去六花亭,呢間本店好大間呢,食物又好吸引,但係由於有食用期限,要買黎做手信都係最後幾日先買安全d...不過老公又點忍得手呢,最後買左一大袋仲有幾件出名既糕點諗住係火車上面食~~
我睇旅遊書話柳月本店有得參加製作體驗工作坊架,不過一諗係用日文教都係唔o岩我地d遊客去玩架啦
老公分別係柳月放低左2925 yen同埋係六花亭用左1285 yen~~
帶廣另一樣美食就係『豚井』勒,呢間就係好出名既《元祖豚井專門店》
今日係星期日,我地眼見市中心好多舖頭都休息無開門,好在呢間咁出名既食店有開咋,佢其實都係JR車站附近架咋~~我地大約1點左右到,由於店舖面積細小,所以已經坐滿晒,我地唯有等下啦~~
呢度既豚井分左4款,分別係華、梅、竹、松....旅遊書話"梅"最受歡迎,我地就叫左一碗梅(1050 yen)同一碗最貴既華(1250 yen)勒
黎到我地都唔知邊碗打邊碗
我地只係流晒口水,一食又係不得了
...從來無食過如此好吃的豬扒飯...雖然佢無除去豬扒既肥膏,係就係肥左d,不過就係因為呢d豬油令到碗飯又香又正~~而d豬扒唔係好似香港個d一係就鬆到無晒咬口,一係就鞋口...呢到既豬扒有咬口得黎又食到好鬆化,而且用炭燒過,真係好正呢~~
其實我地都唔係好食得出2碗既分別,不過食落d豬扒質感有少少唔同啦,不過我同老公都好專心咁食碗豚井,咁大碗我地都好快食晒呢~~
黎到帶廣除左食甜蕃薯之外,記住食埋豚井呀,簡直係不容錯過
