本來我係預左搭1621班車番札幌既,不過最後我地都無去到帶廣既紫竹花園睇花,所以就可以提早一班車番札幌勒~~早一班車既時間係1453,番到札幌都要1717架啦~我地首先番酒店休息一陣,然後就要去睇下有無相機既叉電電線,幾經辛苦終於係專賣電子、AV產品既big camera搵到係日本o岩用既2腳叉電電線啦,折番都要HK$50架,就當買個教訓啦~之後我同老公分道揚鑣,佢好有興趣行big carmera,而我就當然去stella place行街街啦,我地約好一個鐘之後係big camera地下等...係呢短短一小時我終於都買到1對涼鞋同一件小褸(共2429 yen)啦
之後又係時間去食晚餐勒,今晚決定去《味の時計台》食拉麪...其實札幌有好多地方食拉麪既,例如拉麪共和國、一國堂、拉麪橫丁咁啦~~不過我睇左d介紹之後對《味の時計台》既粟米牛油帆立貝拉麪好有興趣,所以就決定去試下~~
《味の時計台》有好多分店架,不過就唔好去d加盟店,我諗味道會差少少,我地去左駅前通既直營店~
粟米牛油帆立貝拉麪係佢既招牌麪亦係最貴既,要1575 yen,味道當然唔能夠係香港食到啦,湯底已經贏晒...不過就無我想像中既好味,但係我覺得冬天食應該會好味d...而塊牛油亦令碗麪更香,不過對我黎講就油左d啦~~而帆立貝就好大粒,味道唔錯~~
老公就叫左叉燒拉麪,佢對個湯底十分滿意...我地另外仲叫左個啤酒+餃子餐(500 yen),老公話杯啤酒好好味,我覺得餃子都好唔錯...呢餐合共要3387 yen~~
喂喂！你地食ｄ嘢，同我地上次食的都差唔多，連餃子都一樣，只係無飲啤酒！！同埋我地係下午食！ 我地都無去加盟店，理由同妳的一樣！ 我食個間要落地牢，唔知係咪妳食個間！ 粟米牛油帆立貝拉麪係好味，不過我地叫咗醬油湯底，食落無豬骨的好味，不過諗住兩碗麵用唔同的湯底，樣樣都試下！英雌所見略同，我地都覺得無想像中好味,即使我地係冬天食（２月係冬天定春天？ ）
回覆刪除Home Sweet Home: 老公同我都要左味噌湯底呀...你食個間係我地個間再前些少,因為我地食完向狸小路行既時候見到間要落地牢既~~拉麪點都要食既,不過睇下試邊間啦~~
回覆刪除