吳家吾居

2007年7月2日星期一

《飛龍在天》展覽

睇完十分精彩既清明上河圖之後,我地就要向科學館出發睇《飛龍在天》展覽勒~~

睇左咁多化石同埋體積咁龐大既恐龍,真係想像唔到以前既世界係咁既...我覺得呢個展覽最適合小朋友睇,好多小朋友都對呢d恐龍骨好有興趣~~

今次展覽既恐龍骨都好完整,睇住d骨我就幻想如果佢係活生生既話一定好得人驚...就係咁3個賀回歸既展覽就睇晒啦~~

國之重寶 - 清明上河圖

嘩嘩嘩,呢個展覽一定要去睇呀~~

我雖然唔算係好熱愛睇博物館既展覽,不過呢個《清明上河圖》真跡真係非睇不可

老公話就算係北京故宮都無擺真跡出黎展覽架,就算會擺又點會咁o岩身在北京呢~~今次展出之後怕且都要收藏番一段時間先有機會再展出勒~~

我地拎左11點既入場劵,今次無飛既人就真係唔入得啦...入到門口要檢查手袋,之後可以拎回歸行李牌紀念品,我要左黑色,老公要左綠色,都叫有用既~~

入到展廳,原來每人睇真跡只係得3分鐘既時間架咋...雖然每節係1小時,不過我覺得大家好快scan下之前既介紹然後就好去排隊睇真跡勒...睇完真跡先再慢慢睇番展版既詳細介紹啦~~

今次既展覽其實仲有其他畫作,不過睇完清明上河圖之後,其他都給比下去~~清明上河圖真係一幅令人驚嘆既畫作,對比上之法國印象派展覽,我比較鐘意清明上河圖,可能真係親切d卦~~

睇完真跡會送番個縮細畫卷做紀念,而我地仲花左$22買左本小冊子,哈哈,我一向都唔會買呢d野既,不過今次呢個真係令我想買番本書仔,可想而知吸引力幾大~~

大家仲可以上4樓既教育角係畫卷上印番幾個乾隆既玉壐印章添,我當然都有去印啦

真係極力推介呀,大家快d去睇啦~~

回歸十年的煙花

琴日7.1回歸除左去睇古蜀文明之外,我地仲拎左飛去睇8點半個場天象電影...但係琴日先醒起有煙花睇,朋友話尖沙咀應該好早就會封路,話我地好大機會入唔到去睇,仲叫我地去join佢地食小肥羊晚餐呢

我地睇完古蜀文明展覽搭火車出番尖東已經7點幾,真係開始封路,而海邊既廣場已經封左唔入得添~~閘口阿sir問我地做咩,我地話入去太空館~~佢叫我地出示張飛,之後就批准我地入去勒~~(不過阿sir都幾惡架)

估唔到呢張飛仲係睇煙花入場劵...我地太累,所以走左入太空館坐,坐到7點9先出番黎等睇煙花~~

好耐都無咁近距離睇煙花啦,低位煙花都睇到,仲聽到配樂添~~今年係最大型既煙花匯演,又真係好靚呢~~真係一片歌舞昇平既繁華景象~~我地仲睇到"中國"同埋"十"既字樣煙花呢...其中一段既配樂係香港始終有你,身旁既小妹妹唱得好流利呢~~個一刻我有一點點感動,覺得生在香港也是一件幸福的事,雖然它還有很多令人不滿意的地方~~

估唔到時間真係咁快,咁又回歸左10年勒~~10年前既我先剛剛成為大學生,宜家已經係一名c9啦...唔知再10年之後我又會點呢