北海道の初夏物語 ~ 全世界最長既木椅 Day 2.5

日本人既服務態度真係首屈一指,幸福典禮完成之後我地又再睇多一陣手信店,佢地都無因為典禮完成而離開~~最後我地主動同佢地講差唔多時間走,觀光部課長大久保先生問我地之後既行程係咩,我地話會搭巴士出番帶廣市轉JR番札幌~~佢問我地搭邊班車,我地就話未定,因為諗住係帶廣市食埋飯行下先番去~~

大久保先生主動話車我地出去JR站,真係太好啦因為我都唔知巴士要等幾耐,而且又可以慳番成1180 yen既巴士錢~~

大久保先生成日問我地搭邊班JR列車,原來佢係想知我地趕唔趕,最後佢知我地唔趕仲做埋導遊添~~好似呢個公園咁,佢唔講真係唔知有條全世界最長既木椅,真係用木製成架,足足長400米呀

我睇咁多資料同旅遊書都無提及過呢樣野呢,佢仲做埋我地既攝影師幫我地影合照~~

(呢個就係介紹木椅既牌勒,可以同一時間坐成770個人架)

除此之外,佢仲用車遊走帶廣市,指示我地想去既地方,例如我想去食晏既元祖豚井飯店,聽晚諗住食晚飯既北之屋台,出名既六花亭等等...經佢既指示我已經大約知道點行啦~~

佢既熱情好客真係令我同老公超級唔好意思呢,好似阻左佢好多時間咁,所以我對日本人既服務態度真係好欣賞~~