迷離莊園の奇幻眼界遊戲卡

迪迪尼粉絲的你是否對樂園內新開的怪獸大學充滿興趣呢?
不過PR姐姐今次沒有邀請我們試玩卻送了另一個寶盒給我!

看清楚了嗎?
是迷離莊園的精品呀~~~

叫做「奇幻眼界遊戲卡」
原來是大玩迷離莊園內奇幻庭園那種錯視概念...
一共有30張錯視卡
看你能否看出每張內藏的錯視玄機!

想不到囡囡很愛玩,要一口氣玩齊30張才罷休....
其中有好幾張的錯視效果比較特別,囡囡覺得很神奇呢!

玩完之後還嚷著要帶回校分享
考考同學仔呢~~~

多謝PR姐姐送給囡囡這套奇幻眼界遊戲卡
讓她的眼界又開闊了一點!

吳家玩具部 ~ 蠟筆玩具

真羨慕姑奶的少奶奶生活,收到瑞士手信沒多久,今天又收到姑奶來自日本的手信!不過今次收禮人是囡囡!

我不懂這個玩具應該叫什麼,以為就是讓幼兒學習辨別顏色又可以訓練手眼協調的玩意-->不過原來我和吳爸爸弄錯了,其實是設計給幼兒的蠟筆呢!

因為吳爸爸一開就教囡囡像積木的層層疊,所以我也沒留意原來是蠟筆來....幸好姑奶在面書內澄清是蠟筆,我才知道我們弄錯了!

雖然是蠟筆,但由日本設計就是會令人覺得與別不同,感覺好像很有style啊!還能令人以為是玩具呢,哈哈!

我實在很喜歡姑奶的眼光呢~

吳家玩具部 ~ 木制切水果玩具

今日囡囡21個月大啦,我們沒有特別慶祝,還回了奶奶家吃晚飯!

不過囡囡竟然有禮物收!大家不要誤會,不是6299送的是姑媽送的玩具!

姑媽送了一盒木制水果切切玩具,雖然我家也有類似的玩意,不過那套切水果是膠的,今次木制的我比較喜愛,也好為囡囡那座廚房加添配件!

吳家玩具部 ~ Mother Garden草莓廚房早餐店

我心儀已久的Mother Garden廚房木制玩具終於正式進駐吳家玩具部了!!!!

其實早在上年我已經想買,還想作為囡囡的一歲生日禮物,可是由於我搞不懂如何在淘寶網買東西,所以一直都未能購買...之後終於找到常常都在淘寶買東西的朋友幫忙代購,可是由於未能解決送貨安排(因為送貨時間不能選擇假日我們在家的日子,加上廚房玩具頗大不能安排送到辦公室,朋友也未能代收),因此還是未能行動!

就這樣月復月的過去,可是我還是對Mother Garden廚房玩具念念不忘,真的不想買其他款式給囡囡...雖然也有不少廚房玩具很精美,可是我就是鐘情木制的(我是不會購買要用電的玩具),塑膠制的其實我不太喜愛....最後終於想到可以找公公幫忙,就是將送貨地點改到公公自己的公司(有個大貨倉啊!),還能用公公的車把玩具送來吳家呢!

解決了送貨問題後,我就再上淘寶物色想要的Mother Garden廚房,本來只是打算買大約CNY$4xx ~ $5xx 多元那種款式,可是最後給我看到了這個新款早餐店立即被吸引!

(玩具只包括頭兩張相片的配件,最後一張相中的麵包蔬菜如要須另外購買)

不只可以玩煮飯仔,另一邊原來是個層架,可以用來展示食物化身早餐店,連開餐廳做生意也可以玩呢!這將可以讓囡囡模擬交易活動,當中實在隱含不少可以學習的常識...雖然這個階段囡囡應該只能玩廚房那一邊,但一件玩具可作兩個用途,我就覺得化算了很多,哈哈~(現在未有食物放於層架,所以我當了書架用,哈哈...一邊是玩具廚房,一邊是書架,很不錯!)

下圖是Mother Garden的廚房款式比較,我最初就是想買最小那個(日本賣$12000yen,約HK$1000,淘寶價介乎CNY$4xx ~ $5xx),左邊那個是最寬的,是豪華型廚房(在日本賣到19800yen,約HK$1800,淘寶價約CNY$8xx)...而我最後買的早餐店則是這期才有的(日本賣$18000yen,約HK$1500,淘寶價約CNY$800)

本來我未決定是否買早餐店,但原來四百多那款廚房很多間也缺貨...而我又覺得早餐店的玩法比較多,最後還是決定要早餐店了!

除了這個廚房,也順便買了一盒穿珠玩具(CNY$58,另篇詳述)....賣家送了個簡單類似七巧板的木制玩具給我,連3%手續費(淘寶網向香港人收取的手續費),折算港幣後共HK$1027...而運費則要HK$294...所以今次共花了HK$1321!還是比香港買或日本買便宜近千元(香港或日本買也要另付運費的啊!),而且香港也沒有這個早餐店賣呢!(文未列出一些可買Mother Garden玩具的參考網頁,如想到淘寶網買,只要打草莓早餐店搜尋就能見有那幾個賣家了!不想買早餐店就打Mother Garden,可以找到非常多賣家的!)

其實早餐店星期一已經送來了,只是公公今天才有空送來....嘩,真的很漂亮啦!我會將囡囡玩早餐店的情況另篇詳述!

-----------------------------------------------------------------

日本Mother Garden早餐店(另付運費)

http://item.rakuten.co.jp/mg-mail/401-31333/

http://item.rakuten.co.jp/mg-mail/c/0000000194/(其他廚房款式和價錢)

香港Mother Garden廚房木制玩具店

http://www.gogotoy.com.hk/products_mg21.htm

http://bbtoys.shopping.babysky.hk/shopping/list.html?pcat_id=37a8fc75294947c4a25bc478b5689a03&page=1 

http://loveurlove.com/views.asp?hw_id=30 

吳家玩具部 ~ 迷你煮飯仔

雖然我很少買玩具給囡囡,但其實我一直也留意著有關煮飯仔的玩具,特別是想買一座的廚房!但是一座那些廚房玩具價錢並不便宜,加上我看中了日本mother garden的木制廚房,可是香港沒有mother garden產品發售(有也是極貴的!),所以遲遲還沒有行動...

今天午飯時間去了megabox閒逛,終於忍不住買了一套煮飯仔配件玩具...最好的地方是有膠籃盛載著,容易收拾!而且價錢也不算貴,只是$55!就買給囡囡玩一下啦!(另外也買了一盒磁石英文字母,$18)

今晚又是我們兩母女之夜,因為吳爸爸今晚有部門聚餐...囡囡對新玩具當然有極強新鮮感,所以可以獨自一個玩了一段長時間(應該有半小時以上)...我可以安心的在廚房煮東西吃,是晚我弄了煙肉忌廉黑松露菌醬意粉,好味道!

吃完東西我和囡囡又一起玩了一會,之後便讓她自己一個玩,而我就去洗碗碟....完成家務後也是囡囡的睡覺時間,但囡囡竟然未玩夠,雖然聽我的指示把玩具收拾好,但放好後又要拿出來玩...幸好她其實也真的累了,所以少哭了一會也跟我入房睡覺了,9時左右睡著了,還好!

吳家玩具部 ~ 玩具魚缸

今晚回夫家做節吃飯,囡囡就見到姑媽和姑丈了...他們更送來了囡囡的1歲生日禮物 - 玩具魚缸~~

急不及待的就立即拆了出來玩,其實都是入形狀的玩意,魚缸分別有4個位可將不同形狀的海洋生物(魚,烏龜,蟹)放入魚缸中(打開中間就可以拿出來)...而每樣生物又可以按掣把其他部份伸出,都幾得意架~~

囡囡最愛紅色的方形魚,常常拿著不放呢...看來吳家玩具部愈來愈有規模了!

吳家玩具部 ~ TOMY小熊維尼多功能運動組合

星期日的天氣比星期六更差,整個上午也在下雨,更有雷暴警告呢~~不過吳爸爸如常回教堂,我就和囡囡留在家裡~~

今天是囡囡8個月大的日子,本來想好了帶她一起出去行街街的...不過因為落雨就打消了念頭~~不過我還是心癢癢的想去買野,哈哈~

下午見雨勢已經減弱,於是就由吳爸爸留在家照顧囡囡,讓他們二人世界好了~而我就繼續我第三天的sogo血併之旅...嘩哈哈,4點半我就出發啦~

其實我因為有教育及家居用品博覽的免費入場卷,所以就決定去看一看....為免跌入陷阱,我都只是看看攤位門面擺了,所以很快就離開了~~之後就去了看fisher-price的玩具開倉,一入門口就見到君佑一家啦(和abby一樣是924bb)...君佑媽收獲豐富,不過我就覺得麻麻地,好多之前係其他blog見到有興趣既玩具都沒有了...所以我又咩都買唔到~

同君佑一家話別後,我就轉戰cwb sogo啦~~本來今天不用帶左囡囡,我是想去買衫的,因為試衫方便麻....不過最後還是一件也沒有買~之後又走上看看Le Creuset廚具,我見粉紅色限量版番了少量貨,心思思的想再下一城...不過今天未能享有HSBC的9折,所以最後忍手了,或許看看星期五是否再來買啦~

最後落一層去睇玩具部,其實我一早在thankful week leaflet已對這個小熊維尼多功能運動組合有興趣,星期五那天也有看,當時幾乎是每個家長都手持一個呢,有些人更hold住3個...不過因為太大部,而且價錢$358在四百以下用不了HSBC卡的優惠,所以我也不急著那天購買~

今天星期日去看,玩具部少了很多人,而這部小熊維尼多功能運動組合還有4,5盒....而且問了sales可以再用sogo visa的95折優惠,所以原價$629減到$358後,還可以再平多十幾蚊,只要$340就可以了~

其實我很喜愛TOMY的玩具,我覺得比Fisher Price那些更漂亮....上次sogo thankful week我也用了同學送的coupon買了TOMY的益智嬰兒健身組合,想不到今次也一樣~

這個小熊維尼多功能運動組合變化多,可以變做學步車,又可以變做三輪車,而且有個玩具箱,又可以當做遊戲檯面,實在非常好,一個玩具可以變做4樣野...君佑媽說她已於福榮街買了,要四百多...所以今次sogo買真的很抵呢~

這個暫時是我買給abby最貴的玩具(不計教材),就當是8個月大的禮物吧....不過是要一直玩到3歲的啊...你知道媽媽我一個人抬著這個玩具回家多辛苦嗎?不可以那麼快就玩嫌的啊~

第三天sogo thankful week的成績:

TOMY小熊維尼多功能運動組合: $340

共花了$340

吳家玩具部 - Form Fitter

其實我無特別為吳家玩具部添置玩具,宜家所有成員都係朋友送的禮物~

今日lunch time我又出去行下啦,睇下睇下見到呢個Playskool既form fitter特價只係$29...原來平左係因為個包裝盒撕爛既關係,如果個sales唔講其實我係未發現既...不過無所謂,開黎玩都要拆左個包裝盒架啦~

雖然呢個玩具係寫住俾18month既BB玩,不過我都買左先...我記得係玩具反斗城好似賣五十幾蚊架~咁抵,買定都無所謂啦~~

就係咁我第一次真金白銀買左個玩具俾囡囡勒~

番到屋企囡囡見我拎住個新玩具就眼甘甘望住,表情非常搞笑,我一路拆囡囡就一路盯住,好似好期待咁呢~囡囡真係大個左啦,以前佢對住玩具係毫無反應架,估唔到宜家會咁主動喎~

唔知係咪有新玩具,今日無平時咁早瞓,所以我都無煮飯陪佢玩下....囡囡當然唔識入形狀,不過都玩得好高興,又拎下d小形狀,仲可以成個正方體都拎起添....終於要到8點半先肯瞓覺咋~

吳家玩具部正式成立

今日吳家玩具部終於正式成立啦,少少地有3大件玩具~~

Fisher-Price個份係一位畢業後今次第一次再見面既大學同學送既,佢已經有一個2歲既囡囡啦~

跳跳虎個份係ETnet舊同事兼大學師姐送既~

上面呢兩份都係要囡囡學爬先玩既,所以仲要等下先~

而中間最大盒既就係今日去sogo買既Disney益智嬰兒健身組合~~其實我一早已經想買類似既玩具墊,不過又覺得好貴,就算係賣二手玩具既Eco-Mama個d最平都要二三百蚊呢~

適逢又係每半年一度既Sogo Thankful Week,我當然又睇下有咩抵買既野啦~~其實星期五我已經去左一轉尖沙咀Sogo,有興趣買個Agnes B既袋,不過最後只係買左2盒北海道3.6牛奶咋(原價$29.5,特價$20.8)

可惜尖沙咀Sogo無玩具部同嬰兒部,我見到銅鑼灣Sogo有唔少玩具或者嬰兒用品特價,其中一份就係Disney益智嬰兒健身組合,所以襯住今日去左中環就落去買啦...嘩,銅鑼灣Sogo簡直係人山人海呀,所以買完即走,都唔想行啦~~好在我無自己一個黎買,因為份玩具真係好大盒呢,由原價$799減到$398...仲要我用小學同學送既Sogo禮卷買(雖然無得找番$2,哈哈),所以基本上都係小學同學送既禮物黎~

好心急想開黎俾囡囡玩下,不過今日出左成日街,我都好攰啦(因為揹住囡囡成日,膊頭都好辛苦,囡囡好重呀~)...所以都係聽日先玩啦~