2011年6月7日,星期二
想偷懶但又不想吃外賣,最好就是煮簡餐!
今晚我決定煮炒烏冬($15,煮左3包,係貴少少既手打烏冬黎架),配料有雞肉($7)、蟹柳($5)和雜豆!
這個炒烏冬最特別的地方是我下了黑松露醬來炒,哈哈哈!通常用於西餐如意粉的黑松露醬,其實也可以好百搭的...這次配烏冬我也覺得很夾,味道很不錯!
吳爸爸不吃蟹柳的,所以只給他雞肉...而我和囡囡當然就咩都有啦....大家都話好味道,3包份量都吃光,留不到飯盒了!
2011年6月7日 星期二
2011年6月6日 星期一
樂活一站「上門包糉服務」@端午節
2011年6月6日,星期一
在我搜尋YWCA的暑期課程時,我看到了這個樂活一站「上門包糉服務」的廣告...了解後很有興趣!我很愛吃糉的,自己吃掉一隻亳無難度!一直我也很想試試自己包,但沒人教不敢嘗試...這個服務不止幫你包,還教你包....而且是上門的,非常吸引!
但問題是一次包30隻,愛吃糉如我也吃不下吧!如果有人一起學,那麼糉和費用就可以攤分,而且人多一起學才夠熱鬧開心,還能支持一下本地家務助理,何樂而不為?所以我便問問有無人有興趣!
最後幾位靚媽(瑤媽、雞媽、彤媽、子又媽和我)終於夾好時間,決定安排在端午節當天學包糉來應應節!多謝瑤媽借出場地,舒適又寬敞的學習環境!
活動前已跟家務助理溝通好,包20隻鹹肉糉和10隻梘水糉(蓮蓉餡),家務助理也是當天才買材料(保證新鮮),來到後會立即清洗和醃制!
準備一輪,終於開始學包糭啦!家務助理先教包梘水糉,呢個包法比較易掌握!記住糉葉有分底面,葉脈突出一面向出!
看!我第一隻包的糉也算很不錯吧!
然後就教另一個包法去包鹹肉糉!我覺得呢個包法比較傳統,因為我多數都係食呢款包法既糭!但原來呢個包法比第一個包法係難好多!
包好之後好明顯係一隻變形糉!不過有難度先好玩,我決定要向難度挑戰!第二次包得靚好多啦,不過都係差少少!我相信工多藝熟,包多幾次我諗我都可以教人既,哈哈!
家務助理教要將糉烚最少3.5小時,然後再浸1-2小時就最好!鹹肉糉可以凍水落,梘水糉要熱水落...由於糉會浮,所以記得用隻碟放係糉上面先烚!
返到屋企第一時間就拎糉去烚!大家睇下我既製成品,都唔錯架!
拆開黎睇,個糉形原來都唔太差~
好耐無食梘水糉,蓮蓉餡都幾好味喎~
呢隻咁靚仔既當然就係出自家務助理手啦!
我覺得真係幾好玩,每人夾左$90,有得包,有得食,其實都幾抵呀!
2011年6月4日 星期六
團購 ~ 雲南之夏午市套餐@阿詩瑪
2011年6月4日,星期六
是日吳爸爸長週,而囡囡幾日前開始的咳咳因為好像嚴重了,所以決定帶她先看醫生才會合下班的吳爸爸吃午飯!
醫生看到囡囡就已經熱情的打招呼,了解病情後便開始替囡囡檢查!醫生一向都讚囡囡乖,今天更是讚不停!「乖」這個字差不多每句說話都有出現,更說囡囡BB時來看病就已經覺得樣子很乖...真的讚到我都覺得好誇張,不懂給醫生反應,哈哈!又是病發率最高的扁桃腺發炎及因而引起的氣管敏感...醫生更讓我聽他的聽筒呢!嘩,我咁大個女真係第一次用真正既醫生聽筒,真係聽到囡囡氣筒收窄架喎!醫生開左好多藥,我又無左$4xx....午餐還是吃便宜一點好了!
醫生在旺角,所以就拿了旺角可用的團購卷!是日團購午餐為雅蘭中心阿詩瑪的雲南之夏午市套餐 ~ $38 享用時令夏日小食＋正宗雲南米線＋滋味清潤特飲！(原價 $80) ,我買左2張!
時令夏日小食一款︰涼拌玉豆 (價值 $18) / 酸辣水餃 4隻(價值 $16) / 香醬涼茄子4件 (價值 $14)
我地要左1客香醬涼茄子,1客酸辣水餃
本身唔多好茄子,不過呢碟茄子真係好唔錯....想不到的是囡囡也愛吃,她吃了2件,我和吳爸爸才每人一件!
酸辣水餃都ok,我覺得少辣,吳爸爸就話辣,而囡囡也吃了1隻,當然我是用湯底洗走了醬汁才給她吃的!
正宗雲南米線一碗︰豬扒酸辣米線 / 腩肉炸醬米線 / 紫菜鮮菌米線 (價值 $34)
吳爸爸要了腩肉炸醬米線,原來一碗米線份量都幾多,好大碗~
而我則要了豬扒酸辣米線,湯底其實是普通清湯,是雪菜那邊才有酸辣味...所以給囡囡吃是沒問題的...而豬扒味道都不錯,囡囡也吃了一些!
滋味清潤特飲一杯︰冷 / 熱玫瑰蜜 (價值 $34)
我們各要了一熱一冷玫瑰蜜,味道不錯...囡囡喝光了一杯熱玫瑰蜜呢!
因為團購卷已包加一,不用再補任何費用,吃飽就走得啦!
2011年6月3日 星期五
近期晚餐(5/2011)
近期比較懶,唔係唔想煮就係煮得好求其,好多時都無影相紀錄~
呢個5月應該係煮得最少既一個月,而且無咩新煮意~
豆腐雞粒
白菜粉絲
芝士釀獅子狗卷 ~ 算係比較有新意,但我懶,放係電飯煲蒸,結果本來釀得靚靚獅子狗卷就變晒形!好彩無損味道,而且深受囡囡喜愛,佢一個人食左半碟!
某晚煮左呢個黑松露菌醬蜆殼粉
好耐無整既鹵水雞翼
豆卜肉碎炒粉絲
芥末沙律醬雞粒
鯪魚肉粉絲牛奶湯 ~ 呢個算新穎呀,真係用牛奶做湯底...鹹味牛奶湯原來幾好味架喎~
蒜蓉炒白菜
咁當然以上每一餐都唔超過三十蚊既
希望6月會煮番多d晚餐啦~
2011年6月1日 星期三
Beautylife x Enid ~ St. Clare聖克萊爾-Y18超緊緻臉頸精華
好開心連中三元!第三次終於抽中護膚品啦!
試用產品為St. Clare聖克萊爾-Y18超緊緻臉頸精華(50ml)!
雖然我一向塊面都尖尖地呃得下人,不過隨著年紀愈黎愈大,我都覺得塊面無以前咁尖,而且面珠有少少鬆lor!!!!都係時間用下有緊緻功效既護膚品啦~
包裝唔錯,老公話好高貴喎,好似好貴,哈哈哈~
乳霜狀,質地唔笠,搽完之後好快就吸收,有少少補濕效果,感覺唔錯呢!
至於緊緻效果,我諗短短2星期應該都睇唔到d咩?唯有比大家睇下前後對比照,自行判斷啦!
訂閱：
文章 (Atom)