2011 X'mas Buffet @ HARAKAN-S

 

2011年12月25日,星期日

Merry Christmas!

聖誕節我都喜歡去吃聖誕大餐慶祝一下....可是酒店的聖誕自助餐愈來愈貴,就算只找中午自助餐也一點不便宜....

本來打算再到去年吃聖誕自助餐的那間,價錢和去年相差無幾,只是就少了點新意...不過最後我也找到另一間有新意的地方吃聖誕大餐!

就是這間HARAKAN-S(原澗),是吃日本菜的,聖誕節吃日本菜有新意吧!

平常這間餐廳相當高消費的,想不到它在這個12月推出了這個周日任食自助餐,每位$388....
價錢看似不算便宜,但相對平時這裡的消費,$388可以有50款東西任吃絕對是超值呢,而且110cm以下的小童免費,即是說囡囡不用付錢,剛巧今年聖誕節在周日,於是我便決定訂這裡作為今年的聖誕大餐!

除了點菜紙外,也有些是出外取的....

每檯送的刺身!新鮮新鮮,我和吳爸爸也覺得鮮甜無比,超讚!

這裡的海膽很不錯....

很好味的和牛串!

鹽燒牛舌,雞軟骨......

炸得不錯的天婦羅...

好吃的西京燒.....

黑豚生薑燒意想不到的好吃!

自助的shabu shabu,那些和牛很有質素...(只是長期給一老婦佔據,可惡也!)

冷烏冬迷倒囡囡...

soba相對普通了些...

鰻魚炒飯也是一般

入口即溶豚角煮,好味到不得了.....

壽司和手卷系列,即叫即做,紫菜還是脆脆的,讚!

最愛軟殼蟹手卷,一流!

甜品只有這4款~

抹茶羊羹幾得意...

紅豆年糕燒得外脆內軟,很可愛...

抹茶和芝麻雪糕當然又香又軟又滑...我們是添了又添!

質素真的相當不錯!!!

雖然我還是覺得每位$388仍然有點貴,但起碼也是物有所值,就聖誕節來說也算非常合理呢...但如果是平日那麼高消費的話,我想價錢是偏貴了!

這餐聖誕大餐,我們都吃得很開心呢!

大阪王將@旺角

2011年12月17日,星期六

這個周末假期終於都不用去監考了,感覺真的截然不同!我們決定今天到西貢走走,出發前先在旺角吃飯!

這次我們去了大阪王將...其實我們還是第一次去吃.....

囡囡說想吃蛋飯,剛好吳爸爸也對這個天津飯很有興趣,就要了一個....滑滑的蛋之下其實只是白飯,不過那些汁味道卻不錯...吳爸爸和囡囡都非常喜歡那些汁呢!

然後我們選了一個餃子定食,配上炒飯....

炒飯味道普通,餃子當然不錯,但不至於很好吃,6隻要二十元還是有點貴呢.....

這餐剛好一百元,可以用citibank信用卡有9折,哈哈~

自家煮@11月

近來很多監考工作,所以休息時間實在不太足夠,好幾個晚上陪囡囡睡覺都不自覺的一同睡著了...就算能夠再醒來,晚上要上載相片都出現問題,所以很多blog都未能寫呢!


現在要紀錄一下11月自家煮的成績.....

2011年11月1日,星期二

很少煎豬扒,今日這些煎得不錯 ~ $18

煎了豬扒,所以這些雞翼便拿去蒸 ~ $12

加多碟菜 ~ $10 和 蒸水蛋 ~ $6...一共$46弄了4味菜,好飽!

2011年11月7日,星期一

這天簡單炒個烏冬,烏冬$10,蛋$3,芝士腸$12,一共$25煮了3人份量~

2011年11月10日,星期四

這天絕對是亂煮....腸$8+雞$12+粉絲$2炒埋一碟

另一碟就係金菇$4+豬肉絲$11+榨菜$3兜勻

成本一共$40~

2011年11月14日,星期一

這晚煮了韓式炒粉絲....


粉絲是吉吉島特價時買的,2包300g才$25,即1包才$12.5,超抵~



蘿蔔絲是從湯料處留用的...

紅腸半條約$7,再加青紅蘿蔔瘦肉湯$15...一共$34.5~

2011年11月23日,星期三

這晚來西式的....


特價小方包$4,自行加牛油和蒜蓉焗焗就成了好好味的蒜蓉包!

罐頭薯仔忌廉湯$10+肉醬意粉$16...一共$30~

2011年11月24日,星期四

 

天氣轉冷就想到煲仔飯,今晚就來個臘腸雞飯,臘腸是存貨,雞就要$12...另加蒸水蛋$3給囡囡...

本來以為家中尚有煲仔飯醬油,原來已經吃光了,所以就自行調較,雖然麻煩少少,但味道很不錯呢~

$15實在太抵,而且好好味!

2011年11月28日,星期一


這天買了盒免治肉$10和肥牛$18,一盒免治肉不想全做蒸肉餅,所以留了一半用來煎...

我發現加入麵包糠一起來做漢堡或豬肉餅會鬆化很多,大家不妨試下~


至於肥牛便加上粉絲$2和金菇$2一起炒,用紅燒汁炒好味道...這餐$32~

2011年11月29日,星期二

這晚都是簡單的紅燒燜雞翼$12....

腸仔炒蛋$5

加多個湯$13....一共$30~

原來11月共煮了8餐,平均每星期煮2餐,每餐大約$30-$40,還算合格!

BabyCafe @ Langham Place

2011年12月2日,星期五

雖然好耐無去朗豪坊,不過我都知道anglababy有份開的餐廳baby cafe就是位於朗豪坊.....

雖然我已經唔係後生女,亦唔係特別鐘意anglebaby,但既然黎到就不妨去試下....

好彩我地6點幾就到,唔使排隊就可以入座啦,不過就話要個半鐘後交檯.....

餐廳入面好多anglababy既相,特別係佢張巨形牆紙,吳爸爸話連佢帶左大眼仔都睇得好清楚喎,哈哈哈~

餐牌雖然得2頁,不過都有15款set dinner選擇,都要時間慢慢選架....set dinner $108 包頭盤/餐湯,主菜同餐飲,價錢都算可以接受,而且好似只係比午餐貴廿蚊左右,相對地午餐就無咁抵食~

吳爸爸要左頭盤沙律,新鮮的,只係份量比較少~

我就要了餐湯(蜆肉忌廉湯)連2個餐包上,味道一般,ok啦~

吳爸爸選了燒西班牙黑豚西冷配香草蕃茄醬(10安士)~

嘩,原來咁大塊....牛既西冷就食得多,豬既西冷都係第一次食,估唔到都幾好味架喎!

而我因應囡囡要求選了火炙鮭魚配香草蕃茄汁意粉

意粉份量幾多,味道不過不失~

而火炙鮭魚則相當不錯,非常嫩滑!!!

囡囡很愛吃,吃完一塊立即要求吃第二塊....好在都有4塊,我都有得食!

餐飲係指定既薄荷花蜜茶,我地無加錢轉其他飲品,就要呢個指定的,並選了熱飲...味道都幾得意~

雖然餐廳以明星做賣點,不過我覺得食物質素都算係咁,算係好味架啦,價錢亦唔算好貴,環境都算舒適...相信應該會深受年青人歡迎!