吳家吾居

呢d係多士黎架,佢地有好多唔同味道既醬,因為見好多人推介就去試下啦,

不過我同老公都唔係太欣賞,唔覺得好好味,所以我地唔推介俾大家啦.

食左個咁豐富既晚餐,我同老公就散下步,行下行下就去到夜市啦(其實都行左好耐啦,如果無時間就搭的士啦),好多人如果去唔到曜度曜就會黎呢個夜市代替...佢都唔算細架,一樣都好多野睇,我地都有繼續shopping,呢到仲有d好大型既燈買,可惜我地未確定新居用唔用得著,所以都無買到....

今日既行程係咁多先啦,呢度有地鐵,所以我地就搭地鐵番酒店,佢d散票好得意喎,係一個個coin咁架,有d似去買代幣,而我地搭開既BTS就一張張飛既.

好啦,番去香格里拉甜睡番晚先

今晚既晚餐我搵左間高級正宗泰國菜餐廳同老公牚台腳,呢間餐廳位於商業區,周邊有好多領使館同商務酒店,不過就唔係鐵路沿線,所以夜間比較靜,我地都搵左一陣先搵到,仲要前舖係佢既快餐部,穿過花園仔,後面先係餐廳,初時仲以為搵錯左,點解變左食快餐

唔知係咪真係好高級,一入門口只見得一台客,仲要係講廣東話,而且佢地已經埋單走人,得番我地2個,好似包左間餐廳咁,環境好舒服,待應服務仲好pro添,主動話同我地映相,唔知佢地係咪無客人太悶呢

我地試左好多野(見下圖),不過唔係太記得d菜名,只係記得d野食真係好有水準,好好味

椰子雞湯(唔係冬蔭功既辣,反而有種清新既味道)

咖哩羊腩煲(d肉炆得好淋好入味)

炒飯(用左糙米同埋有d腰果呀咁,好爽口架,幾得意)

椰子雪芭(估唔到呢個雪芭好味,超級清甜又唔會有雪糕個種heavy既感覺,真係意料之外,為呢餐晚劃上左個完美既句號)

係我地食到尾聲既時間,終於有一批外國遊客入黎食野啦,真係3台人都好似包場食野咁,我地食左咁多野,超飽,埋單都係二百幾蚊港幣,oh,咁好service既高級餐廳食得咁豐富都係呢個價錢,真係物超所值,我老公簡直愛上左曼谷呀!!

碰巧stay behind既日子正值假日,全亞洲最大既室外跳蚤市場<曜度曜>會開喎,於是做完SPA後隨意的吃了快餐做lunch就搭BTS去曜度曜啦,BTS站係要行少少路程先入到去市場架,不過沿途都有好多小販擺賣,如果搭地鐵就會係市場內有出口....

嘩,呢度真係好鬼大呀?真係睇中左就買啦,唔好諗住可以格價,因為你應該無咩可能記得點搵番之前間舖,好似個迷宮咁架,就係呢度,我同老公買左好多擺設用黎佈置新居,成為吾居既家品系列

價錢真係好相宜架,當然大家仲可以講下價添,不過呢日好熱,行到個人香汗淋漓啦

咁多收獲都係番酒店擺低同沖下涼先再出發食晚餐...其實走既時候我地只係行左好少部份,3分1都唔知有無呀

咁早d舖頭都未開,於是諗住去酒店附近做spa,係酒店做既價錢畢竟係貴左d,不過我已經搵左胡慧沖既推介,呢間spa係我book間酒店過少少,我諗3分鐘已經到,我同老公去到,佢地剛開門,佢見我地2個黎話可以assign間couple room俾我地而不另收費,咁當然好啦

最後我決定做個body scrpy+按摩,老公就做facial+按摩,首先我地選左鐘意既香薰,跟住就入房沖涼,佢地仲沖左d飲品俾我地,唔知係咩黎既,不過好好味喎

老公第1次做spa,佢覺得好新奇,沖完之後我就開始磨沙,老公就做facial,我覺得個磨沙就麻麻地,因為粒子比較粗,唔夠幼細,做起上黎有d痛,係HK咁好,老公就話個facial ok無咩特別,但係戲肉到啦,佢地既泰式按摩真係一流,舒服到唔知點形容,我不知不覺間就

左啦,我老公對佢地既技術簡直讚不絕口,真係讚到天上有地下無咁,睇黎佢已經愛上左做spa啦,haha

我瞓到師傅叫左我幾聲都唔知醒,我老公係隔離聽到我zzz到死豬咁,仲叫極都唔醒,佢話不知幾想笑喎,就咁就spa左3粒鐘,老公同我都意猶未盡呀

可惜我地得2日1夜係曼谷,仲有好多活動要做,就唯有走啦,埋單都係為起港幣6xx幾咋,如果係酒店做我諗起碼要2千蚊啦,不過我相信手勢一定更好....

2006年4月12日 星期三