0322的晚餐 ~ 芝士牛油焗什菌、奶油菜丸煲

今日既晚餐算比較清淡,就係

芝士牛油焗什菌:係超市見到好大包什菌,有金菇、冬菇,仲有好多不知名既菇菌,特價只係$5咋...咁抵無理由唔買啦...雖然買時都未決定點煮~~回家途中不斷盤算著如何處理這一大包什菌,最後想起有時在食店會叫的牛油炒什菌,所以就做了這個菜...還加上我愛的芝士,好味道

奶油菜丸煲:呢煲既食材都係普通既包心牛丸、墨魚丸、魚皮餃、小棠菜同埋鮮冬菇...不過最特別就係個湯底,我煮煮下想起奶油津白既奶白色湯底....所以加入左牛奶及淡忌廉,果然呃得下人喎...雖然我唔知真正既奶油津白既湯底係咪咁煮,不過似似地我就當得架啦....哈哈

老公今餐既評語係「點解今餐唔係3個餸既點解今餐無肉食既...」我話有包心牛丸喎,最後我無食過牛丸俾晒老公食,不過我就要包辦墨魚丸同魚皮餃,因為老公唔食既~~我諗都係維持番多肉既晚餐先得啦~

(其實我今日仲見到成隻春雞特價$13,所以都買左...不過打算試下整完整既焗雞,所以今日只係醃左...醃一晚留待明天才焗先好味呢...話時話都係第一次好似幫隻雞按摩咁去醃,又要拎係雞翼位搽d遮住既地方,又要放d醃料入雞腔內...都幾得意架~~老公聽晚有雞食啦)

0321的晚餐 ~ 左宗堂雞、螞蟻上樹

今日終於又可以煮番餐飯啦,我又搞搞新意思,整左兩款新餸:

左宗堂雞:係根據citysuper個食譜煮既,不過就無跟足,因為無將d雞拎去炸...雖然係第一次煮,不過味道似曾相識,好似我以前煮既泰式酸辣醬炒雞球...不過今次個汁就係自己調唔係現成買既

螞蟻上樹:原來都幾易整架喎,我覺得好好味呢...因為我鐘意食粉絲,所以食左好多呀

最後加多碟白汁肉碎扒菠菜,老公就最支持呢碟啦...我諗都有成3分2係佢食左落肚

0320的晚餐

星期日老公係旺角向不同遊戲店舖詢問加裝IC於wii的價錢...因為星期一晚要上堂,所以老公唯有今天放工後才能帶同我們的wii去改裝~~

回到家已經是8時多了,所以沒有準備家常便飯...一碟簡簡單單的炒烏冬就是今晚的晚餐了

不過老公覺得味道很辣,所以不停喝飲品...而我麻,就覺得味道很不錯

煮多些還可以準備明天的中午便當呢...這樣不過三十三塊錢

簡餐當然很快就吃飽飽啦...因為今晚有新的wii遊戲玩麻

 Cooking Mama

 龍珠

 撒爾達傳說

 Monster 4 x 4 (賽車)

 Second Opinion (超執刀)

 Bleach (漂靈)

相信呢期又會逛玩wii啦

一壽司

本來今日的主要節目是為我和老公買洗面乳,由於想試些新品牌增加新鮮感,所以看中了L'occitane的蜂蜜洗面乳,可惜在店舖試用時,我受不了那古典的氣味,所以放棄了,一時之間不知買什麼品牌好...最後空手而回

老公就在花墟買了枝富貴竹...晚飯本想去吃峰壽司的,不過不想等位...最後去了雅蘭的一壽司

因為之前吃了個很豐富的下午茶,所以真的不太肚餓...吃點東西當晚餐就可以了...所以我們只吃了5款

A5和牛手卷:味道不錯,只是牛肉太少了~~

三文魚壽司:正正常常的味道

芒果花之戀:這裡好像很多壽司也用上芒果,不過老公說吃不到芒果味

醬汁燒玉子:我很喜歡吃玉子,這裡有單叫的燒玉子...厚厚的很吸引,味道也還可以

蜘蛛卷:這其實是軟殼蟹卷,味道尚可...可惜軟殼蟹不夠脆

旺角這間店不用等位啊,晚上十時後更只收半價呢~~不過我覺得還是板前壽司比較出色,老公也有同感...不過這間店有很多熱帶魚,老公可以一邊吃一邊欣賞魚魚,也是個加分的地方

景霖米線

其實很多家米線也很出名,例如譚仔記米線、雲南桂林米線等...我和老公都吃過了,不過我們還是比較喜愛景霖米線多一點

第一次品嚐是在紅磡(芝麻綠豆甜品店附近)...那種麻辣湯底很是難忘~~就連怕辣的老公也覺得味道很不錯(雖然他會不斷的喝飲品)

後來得悉它在佐敦白加士街也有分店,對我們來說就方便多了....當心癢癢想吃米線時,它就是我們的首選...今天就去吃它吧~~

3點已經是下午茶時段

我的: 雲吞米線(小辣)+麻辣雞翼2隻+豆漿 ($18)

老公的: 豬大腸米線(小辣)+香草雞翼2隻+豆漿 ($18)

雖然是下午茶,可是份量一點也不少還蠻大碗呢...很飽很滿足~~