今日除左去廣華,仲要去埋睇私家呢~
3星期後既我又重左5磅啦,即係話我既孕期已經一共重左40磅
...唉,就算生完無左10磅,我仲要努力KO成30磅,點算
今日成個診所都充斥住普通話,好多agent好似帶團咁帶d大陸孕婦黎睇醫生,所以我今日等既時間仲耐過係廣華呀,成個半鐘有多呀...不過亦因此老公放工又趕得切黎見囡囡啦~
醫生見到我個肚都話大呀,仲話我d肚紋厲害添(連醫生見慣都咁講,真係好灰呢)...而且仲問我老公有無摸過我d肚紋,醫生帶點憐憫咁同我老公講"你摸下你老婆d紋,係"粒"落去架,即係皮膚組織因大肚而撕裂晒呀,好慘呢"....噢,聽完醫生咁講真係好感慨,我忍唔住咁問"咁點算呀?"....醫生話生完會縮番架啦,不過叫我一定唔好晒個肚,如果晒黑左就會好似西瓜紋咁好肉酸架啦....啊,收到收到,唔可以晒黑個肚,我會好好記住架啦~~
之後就睇囡囡啦,佢已經有2.9kg,即係6.38磅....醫生話雖然我個肚咁大,但係BB又唔算大碼,係中碼呀(同廣華姑娘講既一樣呢)...而我d胎水都好正常,真係唔知點解個肚會咁大,唔通多出黎個d都係肚腩黎?OMG
因為我係放前2後8,但係呢期返工都好快攰,而且盆骨位又痛,特別係坐低起身個下真係幾難受架...結果醫生開左一個星期病假俾我,等我可以休息多d...咁咪即係放前3後8,實在太好啦~~不過我星期一都會番工執埋d手尾先既,好在琴日已經handover左d工作俾替工同事咋,yeah~~
嘩真係唔經唔覺 好快就生得啦 緊張嗎 做媽媽真係個偉大啊
回覆刪除[版主回覆09/06/2008 12:34:00]係呀,唔知囡囡想幾時出世呢~
我個肚都係後期先跑出d紋, 不過老公成日安慰我話唔覺......算啦, bb健康都唔顧得自己。
回覆刪除係呢, 我都係37週+, 都係廣華生, 唔知會唔會撞到你? :)
好想BB快D出世......
[版主回覆09/06/2008 12:35:00]我老公咪又係成日話無所謂~~
或者都有機會撞到喎~
我睇過報導話啲agent真係一團團咁帶啲大陸孕婦去廣華生架，貪間醫院近佢地住既賓館喎，政府再唔正視呢個問題，香港好快就會畀啲大陸孕婦搞到雞犬不寧。
回覆刪除[版主回覆09/06/2008 12:37:00]宜家搵agent落黎生既都係去私家醫院生架啦(因為同公立一樣價錢麻)....咁當然公立醫院都依然有大陸孕婦,不過我覺得反而比私家少d添呢~
BB 好快就要出世啦!! 好緊張呀!!
回覆刪除[版主回覆09/06/2008 12:37:00]係呀,醫生話已經落左3分2盆骨位啦~
點解個醫生咁誠實．．．
回覆刪除[版主回覆09/06/2008 12:38:00]哈哈,我都唔知喎~
wow, BB 好快出世咯
回覆刪除咁又幾好喎, 醫生開多個星期病假俾你變左前3後8, 好正呀
[版主回覆09/06/2008 21:15:00]係呀,我份人其實唔鐘意番工,唔係想有多d時間照顧bb都唔會定前2後8,宜家可以早d休息都不知幾開心~
我一睇到你寫.. 就即刻摸下自己d肚紋.... 我唔識分係凹定凸呀, 不過我都係成個肚都係紋, 好得人驚呢
回覆刪除[版主回覆09/07/2008 22:53:00]條紋中間係凹架...我成個肚底都係,個肚愈大,d紋就愈勁,所以好慘呢~
咁好好休息下，快o的執埋個走佬袋啦！
回覆刪除[版主回覆09/08/2008 23:20:00]基本上都執好晒架啦~
40磅！又真係幾多喎，連醫生都話深，難怪你 。
回覆刪除吳先生都話唔介意，你可放心。
反而磅數要減和留意。生完後肚皮會幾鬆，D紋嘅顏色也會看落深一些，但遲D又會淺番。
最緊要預備好去醫院的用品，適得忍痛，留力生BB就ok！記得對腳要保暖。
[版主回覆09/08/2008 23:22:00]但係醫生無話過我太重,佢話我高大,體重正常喎~
知道啦,希望順順利利~
原來個肚皮會變成咁, 仲唔可以晒太陽...
回覆刪除所以話做媽媽真係偉大!
就快生啦, 好好休息, 準備做媽媽啦!
[版主回覆09/08/2008 23:23:00]我好羨慕個d無肚紋既媽媽呀~