39週了,又是時候回廣華做產檢~~出門前還落大雨呢,幸好屋企樓下有小巴直到廣華,不然都幾麻煩~
其實真的沒想到39週還要回廣華做產檢,都是慣常的檢查程序...助產士說囡囡比上次落左d,佢話落左5分2既盆骨位喎...不過並不能因此預計到囡囡何時出生,只說落得多既話產程就可以快d,落得少產程就耐d喎~
下次覆診日期就係囡囡既預產期啦,我問姑娘下次再見既話就係預產期啦喎~~姑娘話係呀,所以下次要見醫生,如果仲係無動靜就會約日子入院催生啦~
姑娘同我講話好多孕婦過左預產期都未生架,所以都係好正常,唔使擔心~~總之42週前出世都無問題既~~
其實我都係過晒預產期都未出世架,阿媽話我都係打催生針既~~唔通囡囡想學我咁...哎呀,唔好啦,我唔想催生呀~~囡囡,你不如乖乖地係預產期之前出世啦~~
沒有留言:
張貼留言