今日除左去廣華仲要去私家醫生度檢查~
因為醫生晏畫又有手術要做,所以又改左覆診時間去到夜晚8點~不過時間夜d又真係少左好多人喎~
估唔到2個星期時間我又重多左5磅啦...天呀
,再重落去我都唔知點算啦~但係醫生竟然無話我太重,反而擔心囡囡太重我會好難生...因為今日囡囡已經達到7磅啦~~
醫生叫我唔好食咁多甜野,如果唔係囡囡太重就會生得好辛苦...醫生每次都話我咁高大,廣華一定會要我等順產,等到最後都唔得先至會俾我開刀喎....其實我好高大咩?醫生好似講到佢其他孕婦病人好少好似我咁高大咁,真係奇怪~
雖然仲有一個星期就係預產期,但係醫生依然開左兩星期既綜合維他命同埋補血丸俾我...醫生話因為生產過程唔多唔少都會流唔少血,而且如果之後打算餵人奶既話,補充多d維他命葉酸等等點都比較好喎~
最後醫生話下次覆診我一定已經生左,佢叫我出左院之後打去約10日後覆診,主要檢查一下傷口既情況~~希望一切順順利利啦~~
咁你係唔係會考慮用人奶呀?
回覆刪除我睇好多資料, 都話人奶有好多好多好處播...
[版主回覆09/20/2008 22:19:00]係呀,一早決定會餵人奶架啦~
希望你可以順產唔駛開刀啦...........
回覆刪除[版主回覆09/20/2008 22:20:00]希望真係順順利利啦~
就來會有好一段日子唔見你了, 過來人的話: 有得訓就訓多d喇....唔係bb出左世, 無論咩時間你都無得訓.... 我湊左bb返屋企, 床仔就放係我隔離...但係...佢地好興訓訓下就ee哦哦... 我有時又驚佢嘔奶...總之就幾廿百萬樣野啦...
回覆刪除多d休息~
[版主回覆09/20/2008 22:21:00]我已經做好心理準備架啦...好在我宜家都仲叫瞓到下~
預祝你順產生個健康ＢＢ女，努力加油呀！
回覆刪除[版主回覆09/20/2008 22:22:00]多謝...承你貴言呀~
支持妳準媽媽, 祝妳順利生產~~
回覆刪除[版主回覆09/20/2008 22:22:00]多謝晒~
祝妳大日子一切順順利利呀 !!
回覆刪除其實政府醫院唔理高矮肥瘦都要自己試生......緊急先肯開刀。不過我都希望順產, 開刀即是兩種痛都要試過....好慘! 你女女好叻呀, 有咁重....我個奀bb ja....
回覆刪除好期待你的BB出世呀，要回來分享呀
回覆刪除