數一數,我諗我真係成年都無煮過餐住家飯啦~
既然囡囡已經出左世,而我又放完產假復工啦...睇黎都係時間重新向廚房出發~~
不過今時唔同往日,宜家煮飯要比以前更快手,所以我諗太複雜既餸都好難係平日煮架啦~
好似今日
6pm 放工即刻去買餸(只係買雞同菜已經要$27,貴左好多喎)
6:40pm 返到屋企即刻洗菜醃雞...剛剛可以煲飯,老公就抱住囡囡返到~~
7:00pm 我即刻就要邊泵奶邊餵奶(原來咁樣真係泵到多d奶架)...
7:15pm 之後同老公一齊幫囡囡洗白白
7:30pm 跟住我哄佢瞓,老公善後~~
8:00pm 囡囡瞓著我即刻要去炒埋碟菜
8:15pm 終於可以同老公一齊開飯啦~(仲留左個飯盒俾自己)
8:35pm o岩o岩食完就聽到囡囡喊,因為7點個輪囡囡唔係好肯食,所以宜家喊肚餓~
9:00pm 囡囡終於都食飽入睡,而老公就洗好碗~
之後終於可以休息下,睇下囡囡本手冊,執書包,上下網,老公就出去跑步~
我諗一個星期唔知可以煮到幾多日呢~~不過都要慢慢黎,事關太耐無煮野,廚藝生疏晒..今餐d飯落得多左水,味道還可啦...真係要努力下先得勒~
嘩．．．真係要分秒必爭，時間好緊迫呀！
回覆刪除[版主回覆12/02/2008 23:58:00]係呀,真係話咁快就差唔多要去瞓啦~
妳終於重出江湖啦 ~~我又有得偷師喇~~
回覆刪除[版主回覆12/03/2008 23:30:00]我諗係我偷你師先真~
你真係做得好好呀!!! 超讚!!! 呢d日子慢慢會習慣, 之後就唔會覺得咁辛苦架啦~~加油
回覆刪除[版主回覆12/03/2008 23:31:00]希望真係可以習慣到啦~
U r superwoman ar!! Can manage to take care bb, do housework & cook !!
回覆刪除[版主回覆12/03/2008 23:31:00]我無咩做housework架...洗衫呢d都依然係老公負責~
等你既新菜色等咗成年喇.............
回覆刪除[版主回覆12/03/2008 23:32:00]咁會令你失望啦,因為好難會煮新菜式~
可以安排得咁好，你同老公又有私人時間．．．好勁呀 ！！！
回覆刪除[版主回覆12/03/2008 23:32:00]分工合作麻...我諗你都可以架~
好忙呀
回覆刪除[版主回覆12/03/2008 23:34:00]嘩,估唔到有名人黎睇我個blog,真係榮幸呀~
係呀,放工之後其實都依然係咁忙...不過忙得開心~
你已經好犀利啦!!
回覆刪除俾我一定會手忙腳亂,不知做邊樣好。
[版主回覆12/03/2008 23:35:00]原來你都係9月媽媽,恭喜晒喎~
迫到埋身就無野唔得架啦~
你好好o野呀！有o左囡囡，又要返工，都可煮飯，果然係好老婆，好媽媽呀！
回覆刪除[版主回覆12/03/2008 23:35:00]哈哈,盡力咁啦~
臘腸蒸雞飯: 冬日必食呢!!
回覆刪除[版主回覆12/05/2008 13:04:00]係呀,冬天我實在整幾次架~
開始忙喇！
回覆刪除[版主回覆12/07/2008 20:16:00]係呀,無得番轉頭添呢...哈哈~