娘家親戚之街頭風味飯局

因為今日育嬰園既延長託展服務(簡稱延展)名額滿左,於是搵左公公去接囡囡放學~

點知公公仲搵埋婆婆同埋伯婆(即係我既伯娘)去接囡囡,3個長輩去接佢真係把閉呀~我同老公放工就去左公公既公司,餵飽囡囡先(因為我未到前狂喊要食奶),然後就同伯婆一家去食晚飯~

今次晚飯地點係大角咀食串燒(公公既朋友開架),因為店舖細,所以我地坐左係行人路食~估唔到囡囡咁快就試到係街頭食野既特式...哈哈~

其實伯婆伯公之前都探過囡囡一次架啦,今次就第一次見姨媽(我既堂家姐)...姨媽好肉地,睇下囡囡係姨媽既懷抱幾舒服~~姨媽見到囡囡好開心,佢話幾驚我唔帶囡囡出黎食飯...點會呢,我地兩公婆都出動既話,囡囡一定要跟住啦~

食到中途囡囡終於都瞓著啦,到9點幾我同老公就走先啦,睇下幾時再有機會見下姨媽啦~