直立式陶瓷暖風機

其實吳家一向都好溫暖既,就算係冬天室內既溫度都唔會話好低,所以我地一直都無諗過要添置暖爐呢樣家品~~

不過因為囡囡既出世,呢樣家品就變得重要起黎~特別係同囡囡沖涼時一定要保持溫暖唔好俾佢冷親...所以呢期都留意緊暖爐暖風機咁樣~

雖然平平地三百蚊左右都可以買到部,不過我又覺得個款唔靚,而且有小朋友既屋企都會買陶瓷暖風機,因為就算掂到都唔會"辣"親,安全指數高好多...而陶瓷暖風機既價錢就貴d,好d既都要七百蚊左右....至於油壓式個d我又覺得太大部...睇黎睇去都未有一款鐘意~

終於有日睇報紙介紹暖風機,見到呢部非常型仔既陶瓷暖風機好鐘意,o岩晒吳家對家品既要求,哈哈~而且仲有負離子淨化空氣既功能,有得較時間掣,又會轉...無論係外型或者內涵都滿分,只可惜既係價錢比較貴,仲要只有JC shop先有得買,要成$1268呀~

所以我就要再諗下,點知囡囡咁o岩又病左傷風喎...於是我就決定貴d都算啦,照買~~好在我再上網睇下有無其他地方有得賣,又咁o岩俾我見到永安12號開始一連3日大減價,見佢有呢部陶瓷暖風機賣,仲要限量發售,特價$998,平左成差唔多三百喎...即刻叫老公12號放工去買,就係咁吳居家品又添一位新成員啦~

2,500W Turbo 輕觸式LED陶瓷暖爐 

超薄`超平面, 輕觸式感應按鈕, LED顯示燈, 全功能搖控

負離子淨化空氣內塵埃

2級熱度調較(1,300W / 2,500W)

翻倒及過熱自動熄機功能，RoHS 驗證, 絶對安全

時尚強化玻璃底座