體能與遊戲工作坊&BB按摩班

(呢個就係書包櫃啦)

平時去育嬰園都係來去匆匆,今日我參加左育嬰園舉辦既免費活動 - 體能與遊戲工作坊&BB按摩班(因為吳爸爸長週唔可以同我一齊出席)~

家長們要除鞋著育嬰園提供既拖鞋,今日佢地徵用左向日葵組既課室,所以家長們就可以入到平時唔俾家長進入既地方啦~

(呢條走廊平時已經係家長止步架啦)

原來育嬰園每半年都有一個主題,9月至2月既主題係"體能與遊戲"~~首先由園長介紹下社會福利機構既SQS,之後就係一個powerpoint講下體能與遊戲對幼兒既重要...powerpoint入面用左育嬰園內平時小朋友活動既相片,各家長見到自己既仔女都會好興奮...估唔到Abby只係返左一個星期都出左一張相喎(張相我覺得影得囡囡好model呢...哈哈)姐姐話到畢業時就會有本相薄入番所有係育嬰園影既相俾家長架啦..(我好期待呢,相信一定好得意~)

(向日葵課室既一角 - 今期主題:聖誕節)

之後就係教家長們幾個親子遊戲,又教左兩首歌仔等我地番屋企同BB一齊唱,而且一邊唱一邊有動作呢~

(向日葵課室既一角 - 今期主題:生果)

終於到左我最期待既BB按摩班啦,本來佢地都打算俾我地同自己既BB一齊邊學邊做,不過因為天氣凍同埋最主要係之前有小朋友出水痘,因為未過隔離期,所以唔可以同BB一齊做~~

今次教左按摩手,腳,肚同埋心...都好容易,不過BB合唔合作俾你成功按摩就要試下先知啦~