星期日安排了去做facial,不過因為只是做了激光後3天,美容師建議還是遲一點才做facial比較好,所以最後沒有做facial只做了body massage...因此多了點空閒時間,最後去超市辦點貨也買了一點餸煮晚飯...很少於星期日下廚了,也只是簡單弄了個
芝士薯仔焗雞球($15):因家中已沒有椰汁又忘了買,所以就煮個最簡單的薯仔雞....味道比較清,所以也讓囡囡吃了不少~
腐乳炒通菜($4):很久沒有自己炒通菜吃了,因為常常把通菜炒到黑晒...不過我終於知道什麼方法可以令通菜不會炒到變黑...原來只要下一點醋來炒就能保持翠綠的色澤!成功呀,今次炒得好好呢!
清保良煲瘦肉($17):難得星期日有時間,所以決定煲老火湯...因為之前一口氣買了一pack4包的清保良湯料,所以就繼續煲清保良!
一大煲湯當然能分幾天飲,所以今晚星期一仍有老火湯喝!由於之前99話會上來,所以我沒有去買餸,可是最後不見人,因此我還是弄了兩餸一湯做晚飯~
黑醋排骨($13):這個排骨其實是星期日買的,本來就打算留作星期一晚飯的食材...依然kit mak的食譜煮,簡單又好味!老公非常愛吃呢~
菜圃煎蛋:因為沒有去買餸,只好看看廚房有什麼物資好了...最後弄了這個菜圃煎蛋,囡囡也相當捧場,還因此學會說"蛋蛋"~
雖然簡簡單單,我還是很滿意自己弄的晚餐,哈哈~
腐乳炒通菜係my favourite呀.....原來要加醋....多謝分享!
回覆刪除[版主回覆04/20/2010 21:50:00]係呀,呢個就係炒通菜係秘技,哈哈~
黑醋排骨，我喜愛呀..................
回覆刪除[版主回覆04/20/2010 21:50:00]我同老公都好鐘意架..宜家都好岩你食呢~
係味一開始炒時就落醋就ok o架喇?
回覆刪除[版主回覆04/20/2010 21:51:00]係呀,一開始就落,然後先炒~
可否分享Kit黑醋排骨的食譜呀?
回覆刪除[版主回覆04/22/2010 09:36:00]無問題~
黑醋排骨食譜(from Kit Mak,即係上過美女廚房做評判個靚女廚師呢~)
1.排骨切件,沖水,瀝乾後調味(生抽,鹽,糖,生粉) 拌勻備用 2.燒熱油,放入排骨,煎至金黃色,盛起 3.燒熱油,加入醬汁(鎮江醋3湯匙,老抽1湯匙,糖3 至4湯匙,水3至4湯匙) 4.排骨回鑊炒香,煮至醬汁收乾,加生粉水煮稠至醬汁沾 滿排骨即成~
Thanks, 今個星期日會試0下!
回覆刪除當然識Kit Mak呢, 電視, Roadshow, 報紙都見到佢, 上完美女廚房, 對人氣真係大有幫助!
[版主回覆04/26/2010 12:33:00]試左未呀?
我都係睇美女廚房先識呢個kit mak咋~
Thanks, 試左整喇, 雖然食譜看來與平時的糖醋排骨相差不遠, 但整出來比一般「糖醋排骨」香濃惹味, 所以我老公實鍾意啦!
回覆刪除唉, 其實煎過梗係特別好味啦, 奈何美味與健康永遠是敵人, 所以真係要計住數, 久唔久先食一次!
我都係睇美女廚房先識Kit Mak, 之後就到到都見到佢喇!
[版主回覆04/27/2010 12:21:00]其實煎都唔係用好多油,我覺得都OK健康喎,真係要控制得咁嚴緊呀?
我都係初學煮飯...見到你寫呢個黑醋排骨咁簡單, 等我都試下整先! thanks for sharing!
回覆刪除[版主回覆04/29/2010 22:39:00]呢個真係好容易,就算無煮開飯都煮到架,快d試下~