兒童節午餐@姬子皇朝

難得山長水遠來到了數碼港,吳爸爸說不如去姬子皇朝飲茶!

嘩,獨市生意一定好貴...不過今日兒童節,算啦,就入去飲餐貴茶啦~

打開餐牌,都真係幾貴...茶芥$15位,小點$15,中點$30...我已經唔想再睇落去,哈哈~

最後,小小地叫左3樣小點 ~ 牛柏葉,叉燒包,鳳爪...一碟帶子XO醬炒腸粉$48...之後有位嬸嬸拎住碟蛋撻問我地食唔食,新鮮出爐喎...咁俾囡囡見到又點可以唔要呢,無奈地要左呢碟中點....

味道其實都唔錯,但係又唔係話好好食啦....不過環境係好靚既....但係真係好貴,只係食呢幾樣就要二百啦,好在HSBC卡有9折,咁唔使二百都走得...呢度都係試一次就夠~