11月16日,星期二
昨天又是為囡囡的教育基金,醫療和意外保險供款的日子!又無左5位數既錢,真係肉都赤埋,每每於這種時候就會覺得還是做在職媽媽好一點!
看來今天還是節省一點煮住家飯吧!好,廿一蚊可以煮到這個3餸晚餐!
薯仔炆雞翼($14):下班後到超市買到特價雞翼,$10有10隻,抵!洋蔥,薯仔,紅蘿蔔則趕到街市買,每樣都只是用了半份,所以半份的成本只是$4!雖然要炆到薯仔,紅蘿蔔和雞翼軟淋,不過有LC幫手,半小時就已經炆到想要的效果!
螞蟻上樹($4):這個是用上之前留起的半盒特價免治豬肉,成本只是$3...加上廚房存貨,一大包粉絲只取了一扎,為起只是$1....$4就煮到一大碟!
蟹柳炒蛋($3):這裡用了4隻蛋和2條蟹柳,主要是給囡囡吃的!
照慣例就是我留了飯盒做明天的午餐啦!其實我除了喜歡煮食之外,我更享受自己能用有限的預算和時間煮到豐富的晚餐,真的很有滿足感!這一餐大約花了1小時便能開飯(如果不是囡囡在我煮飯期間扭抱哭鬧,相信應該可以更快完成!)
味道麻,看到吳爸爸添飯,囡囡不停要求吃這個吃那個,就知道不太差吧!
希望努力維持3餸的自家煮晚餐!!!這個月要慳啊!(我連sogo都不敢去呢!但我真想去買東西啊!)
廿一蚊可以煮到這個3餸晚餐 <== 勁！真係唔夠你玩！
回覆刪除[版主回覆11/17/2010 10:27:00]都唔係時時得架,要買到特價野先可以,哈哈~
wow, impressive that you only used $21 to make 3 dishes....even have leftover for your lunch tomorrow.
回覆刪除[版主回覆11/17/2010 10:28:00]最開心就係煮到餐平靚正既飯~
三個餸都好好味喎~ 我又食
回覆刪除[版主回覆11/17/2010 10:29:00]我呢d真係普通過普通啦,邊夠你地煮既吸引...你煮既我次次都想食架~
可以出書教整慳家菜
回覆刪除[版主回覆11/17/2010 10:30:00]不過就算出左都應該無人買,大家都好捨得買食材煮野!
其實我都成日參考呢啲又平又好味嘅家庭餸，不過好似小咗啲蔬菜喎！
回覆刪除[版主回覆11/17/2010 11:19:00]有紅蘿蔔同薯仔喎...我同吳爸爸就無所謂啦,abby就無俾佢食雞翼,主力食蟹柳蛋,紅蘿蔔同薯仔,肉碎都係俾左好少佢食咋...所以都ok既,哈哈~
你係邊到買餸呢?可以咁平!
回覆刪除[版主回覆11/17/2010 14:39:00]油麻地街市同埋附近既超市...不過唔係成日都有特價貨架~
WHY 唔多比肉碎 abby 食? 唔好架?
回覆刪除仟而家成日要食肉呀....變左食肉獸...
[版主回覆11/17/2010 14:40:00]其實俾肉碎食係無問題既,只係我又唔想佢餐餐都食咁多肉,所以呢日俾少d等佢食多d蘿蔔同薯仔lor~
你個炒蛋好靚呀! 我想問下你點樣可以炒到個蛋咁嫩呢?
回覆刪除[版主回覆11/17/2010 14:43:00]炒蛋唔同煎蛋,要快手炒,仲係蛋汁時就要不停反,反到大致凝固但未係好熟就會咁既樣架啦~
未凝固就反, 咁咪會散晒?
回覆刪除你意思即係要不邊反, 未乾都反, 直到唔係水水的就ok?
[版主回覆11/17/2010 15:00:00]係呀,大致上係咁...反時又盡量將d蛋堆番埋一齊就唔會散開晒架啦~