工作忙,忙到下班後根本沒有時間去買餸...到超市都沒多少選擇,都是買最大路的雞翼,香腸,肉餅等回家再煮,總比吃外賣好一點吧!
2011年1月16日
肉餅太大盒,所以一半蒸一半煎,雖然材料一樣,但煮法不同就當兩款餸也不錯!
這碟香腸最特別之處是整碟都是由囡囡切粒的,哈哈!
難得吳爸爸買了湯包回來煲湯,囡囡相當捧場,比我和吳爸爸都飲得多!
2011年1月17日
這天只煮一個餸,薯仔豆腐炆雞翼!這天買的豆腐超嫩滑,好好味!
2011年1月19日
這晚煮的都是即食東西,吳爸爸要了一丁麵,我和囡囡則吃烏冬....配料是水餃和雞肉串燒!
嘩,你咁忙都仲自己煮,真係一個好媽媽,好老婆
回覆刪除[版主回覆01/25/2011 22:41:00]只係好過食外賣少少咋~
點解你哋唔食菜呀!
回覆刪除[版主回覆01/25/2011 22:44:00]其實每餐都有少少,第一餐有雜豆(abby真係會食晒d雜豆架),第二餐有薯仔同豆腐(佢無食雞翼但食晒d豆腐),第三餐水餃內係菠菜餡...加上吳爸爸煲既湯有蘿蔔同粟米,abby都食唔少,所以都有足夠既蔬菜架,反而其實d肉係我地兩公婆食多d架~
小小分享 -
回覆刪除你可以試下星期六日得閒啲，買多啲餸 醃好分一份份放入冰箱，咁就可以慳番平日買餸嘅時間 .
另外亦可以滾一大煲魚湯，再分好一份份放入冰箱。如果煮麵 / 通心粉都可以做湯底，有營養又好味。
[版主回覆01/26/2011 13:48:00]多謝你既貼士,不過星期六日我都放自己假,所以多數都係出左街...
我老公唔食海鮮既,所以佢唔飲魚湯,我從來都無煲過...不過都可以試下,只係俾我同個女飲既,哈哈~