2011年3月28日,星期一
這晚其實沒有買餸,只用家中的食材,所以配搭有點奇怪!
千層薯片配芝士腸冬菇白汁闊條麵,好長的名字其實只是想大家知道有煮了什麼....但我其實覺得幾好味!
這晚的以闊條麵為主,但當中夾著少許意粉的,口感變得豐富一點!配上冬菇其實都幾夾!
千層薯片是焗的,切了薄片可以焗得快點....加上人見人愛的芝士腸,吃得很滿足!
2011年3月28日,星期二
我和吳爸爸還在咳,所以主力都想以蒸煮菜式為主....
很久沒有吃蒸排骨,所以就弄了這個豉椒排骨,好味!
豬肉薯仔煲:家中尚有薯仔,不想配雞所以買了豬肉片!加上菠菜,蟹柳,鳴門卷是但做了個煲仔菜!想不到味道又可以啊!
茶碗蒸:我和囡囡都很愛吃蒸水蛋,但常常蒸水蛋有點悶...今晚試下做茶碗蒸,不過用上心形兜!一人一個,我很滿意....賣相算是做到我想要的效果,味道也很好,大家都很喜歡!
兩晚的晚餐,成本價都是三十多元,達標,哈哈!
你真係好有心機, 當你做菜時, 你囡囡在家嗎? 你竟可以做得這麼花巧呢? 自有小朋友之後, 我都沒有花時間在廚房了, 加上現在有了姐姐, 從前買下的心愛餐具都收了起來, 好像連廚房都不再屬於我了
回覆刪除[版主回覆04/01/2011 10:05:00]煮晚飯囡囡當然在家啦,但準備派對食物(時份量多時)就會帶她去嫲嫲家玩,讓我專心和快一點煮東西~
其實我已經無煮比較複雜的菜式,呢D都係簡單野,不過排得靚少少,感覺好似正d,哈哈~
我總覺得要食工人煮既野好似好怪咁,我想囡囡大左會記得小時候媽媽煮飯的味道,這是一個很重要的回憶!我不想將這個回憶讓給一個無關係的工人佔有!
不過我好明白你有2個小朋友,真係會分身不暇....等佢地大多小小,無痴你咁多,你就可以煮番多d野俾佢地食啦~
你地宜家病好未呢
回覆刪除[版主回覆04/02/2011 21:37:00]仲有d咳呀~
妳真的很犀利呢，吳爸爸好幸福...
回覆刪除[版主回覆04/06/2011 13:10:00]如果你直接問吳爸爸,佢一定話唔係lor,哈哈~
你叫吳生黎問我,大家都姓吳,我一定會好認真咁話佢知,佢真係好幸福呀..
回覆刪除關於你講呢個"對媽媽廚房之回憶",我真係覺得你係一個好媽媽,好touching,我相信我將來做到一半好似你咁好的媽媽!
[版主回覆05/09/2011 00:33:00]多謝你呀~