2011年6月6日,星期一
在我搜尋YWCA的暑期課程時,我看到了這個樂活一站「上門包糉服務」的廣告...了解後很有興趣!我很愛吃糉的,自己吃掉一隻亳無難度!一直我也很想試試自己包,但沒人教不敢嘗試...這個服務不止幫你包,還教你包....而且是上門的,非常吸引!
但問題是一次包30隻,愛吃糉如我也吃不下吧!如果有人一起學,那麼糉和費用就可以攤分,而且人多一起學才夠熱鬧開心,還能支持一下本地家務助理,何樂而不為?所以我便問問有無人有興趣!
最後幾位靚媽(瑤媽、雞媽、彤媽、子又媽和我)終於夾好時間,決定安排在端午節當天學包糉來應應節!多謝瑤媽借出場地,舒適又寬敞的學習環境!
活動前已跟家務助理溝通好,包20隻鹹肉糉和10隻梘水糉(蓮蓉餡),家務助理也是當天才買材料(保證新鮮),來到後會立即清洗和醃制!
準備一輪,終於開始學包糭啦!家務助理先教包梘水糉,呢個包法比較易掌握!記住糉葉有分底面,葉脈突出一面向出!
看!我第一隻包的糉也算很不錯吧!
然後就教另一個包法去包鹹肉糉!我覺得呢個包法比較傳統,因為我多數都係食呢款包法既糭!但原來呢個包法比第一個包法係難好多!
包好之後好明顯係一隻變形糉!不過有難度先好玩,我決定要向難度挑戰!第二次包得靚好多啦,不過都係差少少!我相信工多藝熟,包多幾次我諗我都可以教人既,哈哈!
家務助理教要將糉烚最少3.5小時,然後再浸1-2小時就最好!鹹肉糉可以凍水落,梘水糉要熱水落...由於糉會浮,所以記得用隻碟放係糉上面先烚!
返到屋企第一時間就拎糉去烚!大家睇下我既製成品,都唔錯架!
拆開黎睇,個糉形原來都唔太差~
好耐無食梘水糉,蓮蓉餡都幾好味喎~
呢隻咁靚仔既當然就係出自家務助理手啦!
我覺得真係幾好玩,每人夾左$90,有得包,有得食,其實都幾抵呀!
嘩..我覺得你包得好好呀..而且依個活動好有意義...我地D新一代都唔識包糉..有家務助理上門教又方便, 而佢地識既野又有人願意學..我相信佢地都教得好開心!!
回覆刪除[版主回覆06/09/2011 15:11:00]我都覺得呢個服務幾好,我個位家務助理好nice,大家都包得好開心呀~
原來有咁好既野, 等我出年都約D媽媽們學下先~
回覆刪除[版主回覆06/09/2011 15:12:00]真係好唔錯架,學識左,下年可以自己包再送俾屋企人試下~
個服務又幾好喎!
回覆刪除[版主回覆06/09/2011 22:45:00]係呀,下次你都試下呀~
今天第一次吃. 咸粽真的好味. 又不太咸. 不錯不錯
回覆刪除[版主回覆06/10/2011 11:41:00]係呀,我都覺得幾好食~
又真係幾好玩喎
回覆刪除[版主回覆06/10/2011 14:43:00]值得推介架~
好好玩呀!下次叫埋我呀~?
回覆刪除[版主回覆06/13/2011 13:46:00]整野食你有興趣呀?咁我下次都搵埋你啦~
回覆刪除真係包得似模似樣啊！看來你在整野食方面真係好有天份呢！
其實我奶奶係包糉高手黎，年年都會包一大堆派街坊，而且整得唔肥又好味！好可惜遇著我呢個懶整野食既新袍，所以咁多年來都冇跟佢學過呢！
[版主回覆06/13/2011 13:47:00]其實包落呢,我覺得似做緊勞作...所以作為美術老師既你應該覺得好玩既,哈哈~