CPK悠閒下午茶

老公今日依然係短週,懶洋洋的兩口子沒有收到肚餓的訊息...結果是3時多才去吃東西~~

老公選擇了海港城的CPK吃下午茶,但份量卻像在吃晚餐

我們一向愛吃CPK的沙律,所以就叫了一個燒雞凱撒沙律(半份)...老公又想吃薄餅,於是點了乾蕃茄辣肉腸芝士薄餅~~下午茶的優惠只是加$10就可以有兩杯飲品罷了(還要是叫了全份沙律或薄餅或意粉才可呢)...我要了Iced Tea,老公要了雪碧...這些飲品當然是無限添飲啦,數一數,我也飲了5,6杯呢~~

我們坐在窗口位置,有無敵維港景陪伴份外覺得舒暢,沙律保持水準,只是略嫌雞肉乾了一點...而薄餅則香噴噴,批底薄而脆,很是美味...CPK還是海港城這家分店最好吃

我飽得決定今晚不吃晚飯了,但其實我只不過吃了三份一個薄餅,老公吃了三份二呢...十分厲害

0510的晚餐 ~ 焗咖哩雞飯

呢幾日都懶懶地,唔想煮幾味餸咁多...見屋企有2塊雞扒,半樽咖哩醬,3分1盒淡忌廉,於是決定煮埋佢~~

係屋企樓下買d薯仔同洋蔥就整呢個焗飯做晚餐勒

整體黎講都幾好,洋蔥又炒得好味,薯仔又夠淋,咖哩味又好味道....唯一差左d既就係d飯啦...唔知點解我到宜家煲出黎d飯都係時好時唔好,今日就硬左少少,好在有咖哩汁一齊食就無咁覺勒~~

0508的晚餐 ~ 白菜豬肉雲吞、粟米燒賣

今日下畫受女人既神經痛搞到好辛苦,痛到連老闆都見到....可能呢期我唔係太多野做,所以老闆叫我早d番屋企休息...所以3點半我就決定離開公司番屋企休息下~~

不過番屋企前都兜左去街市買餸,由於胃口又唔大,而且我想包雲吞好耐架啦,所以去左買雲吞皮...一場黎到就買左半斤上海雲吞皮,半斤廣東雲吞皮,承惠$12.5~~原來同樣半斤重,上海雲吞皮得25塊,廣東雲吞皮就多好多~~跟住買左十蚊免治豬肉~~

番到屋企即刻換番d舒適服休息下,跟住開始整點心...餡料未加白菜前就用黎做燒賣既餡,我為左Joey妹妹仲加左佢最愛既粟米粒入去...如果效果好既話,下次佢同Joey媽黎我屋企玩就可以加多個親子廚房環節,食佢自己親手包既燒賣勒

至於雲吞呢,身為上海人既我自小已經食好多親戚包既雲吞,我憑住小時候睇麻麻包雲吞既模糊印象又自己包起上黎...不過我覺得包得好醜樣呀,睇黎我都要搵日睇下正式應該係點包既先得~~5點半搞點晒我就上床休息等老公番黎先蒸燒賣,淥雲吞~~

今日真係好論盡,整點心時已經界親手指,點知蒸燒賣時又俾d蒸氣淥親,好鬼痛呀不過製成品唔錯喎~

粟米燒賣:味道都可以,我整左12粒,老公食左四分三呀~~

白菜豬肉雲吞:雖然包好左個樣好醜(老公竟然話包得似模似樣喎),不過淥好左個賣相又唔錯喎...原來自家制同買急凍個d雲吞真係差好遠架...我食左12隻,老公食左13隻...好飽呢

0507的晚餐 ~ 韓國辛辣麪

今日又要上堂勒,不過屋企都無咩食物喎...突然好想食辛辣麪,所以就落樓下既超市買左幾包....好耐無食啦,好味道...唔好講笑,我試過係間韓式快餐店叫左個拉麪,點知佢竟然用辛辣麪當拉麪喎,個次仲收我廿幾蚊添喎~~

食完碗麪仲有老公鐘意食既雪夾糕做甜品,好平架咋,$9.9就有10件...抵食又好味

RMK唇膏

今日食完午餐就係時候去做d c9野勒,之唔係去拎免費RMK唇膏

之前收到電郵,九龍酒店西武琴日開始每日10點同2點都會有免費禮品限量派發...我當然唔可以場場都去啦,不過睇完覺得RMK唇膏好吸引,係貨size黎架,賣$210呢~~所以決定去睇一睇,如果太多人咁就算啦~~

差唔多2點到已經睇到人龍啦,我就派老公去數下人頭,因為限派200枝...我去到原來係141,老公係142...咁當然無顏色選擇,不過隻色都好靚,係42號既shiny pink gold....粉紅得黎又見到點點閃呢...果然係我鐘意既shiny喎...老公幫我拎多枝,呢到成$420啦...so happy