今日既晚餐有三餸一湯,分別係
香草煎豆腐漢堡:
買左免治牛肉同豆腐,但係唔想整麻婆豆腐呢類菜式...最後決定將豆腐整爛混入免治牛肉內做成漢堡拎去煎,咁又變左樣新菜式勒
...混入左豆腐既漢堡一路煎一路會出水架,煎完多左個汁呢~~煎好勒,表面睇唔覺有豆腐,不過食落就會覺得好香既豆味...而且塊漢堡唔會實的的,好鬆軟架~~
豆醬金菇炒豬肉絲:
老公成日都叫我買豆醬炒野俾佢食,今日係超市見到有豆醬賣,仲特價添...所以就買左炒左呢個餸俾老公食...我自己就對豆醬麻麻地,不過老公好似食得好滋味咁...話我買得o岩,味道好似佢細個食個隻喎~
梅菜蒸肉餅:無特別啦,因為要留飯盒先整埋呢個餸~~
冬瓜豆腐湯:好耐無煲過湯水啦,但係又唔夠時間煲老火湯...咁只好煲個簡單而我又鐘意飲既冬瓜豆腐湯...清甜好味呢
飯後仲有琴晚未食晒既青提子呢...好飽啊
除左椰汁焗雞,其實芝士焗菠菜寬麪都係好早期就已經整得好成功既菜式,不過已經好耐無煮~~今日去超市只係買左盒雞柳同青提子,之後去citysuper買左菠菜....如果煮飯又好似唔夠餸,所以就諗起呢個好耐無整既焗意粉
不過屋企無菠菜寬麪,而我又醒起之前試過兩種唔同類別既意粉一齊煮效果好好特別有口感,所以今次就改左用意粉同寬麪做成雙意勒~~加埋雞柳一齊煮有番多d肉,老公仲鐘意
...今日老公除左用口講左幾次好味道之外,仲以行動證明...不斷咁食呀食
~~本來焗左咁大兜,我仲諗住可以留到飯盒,點知都係俾我地食晒,一滴汁都無剩呀
食完焗意粉就同老公一邊食青提一邊睇電視...寫意既生活咪就係咁之麻
...不過今次買既青提大就大粒啦,不過有核既...淨左少少
~~
仲要提一提今日係citysuper除左買菠菜之外,我仲見到有幾款意大利既調味品特價,係平左好多個隻
...我本來想買黑醋汁,不過已經無晒啦
...退而求其次之下,我就買左呢個青檸酒汁海鮮醬(LIVIO LEMON LIME),相信用黎煮海鮮應該好得....唔記得左講平幾多添,係由原價$80減到$20呀
...平左$60咁多,我就唔執輸買番枝勒~~如果大家有興趣,記住買番枝黎用勒
前幾天買了米,所以今日可以煮飯食啦
今天的菜式包括
蠔油肉碎炆紅燒豆腐:平時多數整麻婆豆腐或家常豆腐,今天轉一轉,用上紅燒豆腐...雖然材料很相似,不過吃時感覺不一樣...老公很愛吃呢,一餐飯的時間就讚了2,3次
...更將這碟餸由我面前轉到他面前呢~~
滑蛋炒腸粒:今天這碟蛋真的炒得很滑,我很滿意呢
...老公問我是不是加了牛奶...哈哈,今天什麼也沒有加,但竟然炒得這麼好~~
咖哩金菇肥牛粉絲煲:咖哩味道濃淡得宜,金菇爽口,肥牛嫩滑....味道很不錯啊~~
雖然今天的晚餐都是很容易弄的餸菜,不過真的煮得很可口啊...超讚
前陣子在七七的blog看到麥當當推出Hello Kitty玩具...雖然我不是Hello Kitty的粉絲,不過也覺得這幾款玩具很可愛又得意...昨天無意中在麥當當的網頁看到這4款玩具就叫老公一起看,還不斷說得意呢~~
沒想到今晚放工回來,老公說有東西送給我...原來就是其中一款Hello Kitty玩具,很開心,很驚喜呢....因為我已經忘了這件事...啊,老公...多謝你那麼細心,今天就去麥當當吃午餐換給我....過來給你一個吻吧~~
錫錫
這個相機玩具像個萬花筒,不過看見的是不同的kitty造型,按掣就轉一轉...貼紙當菲林
...我很低能的叫老公來拍個照,告訴他變了kitty踏單車~~老公不依的叫道要當Dear Daniel...呵呵呵
