今日既晚餐有三餸一湯,分別係
香草煎豆腐漢堡:
買左免治牛肉同豆腐,但係唔想整麻婆豆腐呢類菜式...最後決定將豆腐整爛混入免治牛肉內做成漢堡拎去煎,咁又變左樣新菜式勒
...混入左豆腐既漢堡一路煎一路會出水架,煎完多左個汁呢~~煎好勒,表面睇唔覺有豆腐,不過食落就會覺得好香既豆味...而且塊漢堡唔會實的的,好鬆軟架~~
豆醬金菇炒豬肉絲:
老公成日都叫我買豆醬炒野俾佢食,今日係超市見到有豆醬賣,仲特價添...所以就買左炒左呢個餸俾老公食...我自己就對豆醬麻麻地,不過老公好似食得好滋味咁...話我買得o岩,味道好似佢細個食個隻喎~
梅菜蒸肉餅:無特別啦,因為要留飯盒先整埋呢個餸~~
冬瓜豆腐湯:好耐無煲過湯水啦,但係又唔夠時間煲老火湯...咁只好煲個簡單而我又鐘意飲既冬瓜豆腐湯...清甜好味呢
飯後仲有琴晚未食晒既青提子呢...好飽啊
好犀利啊, 你會自創新菜式, haha
回覆刪除3餸1湯好豐富呀! 下次留多個飯盒俾我呀, 唔該晒!
回覆刪除幾有創意喎呢個牛肉豆腐, 等我都試吓先. p.s. 妳個blog d 相整得幾靚喎.
回覆刪除見到都想食呀, 個牛肉豆腐餅, 好正! 仲有, 可唔可以教吓我蒸肉餅點先可以"唸"d呢, 即係唔好噤"鞋", thanks!
回覆刪除豆腐餅, 呢度都有得買材料呢! 佢地整前將豆腐壓好餅後用厨房紙巾壓好水先煎, 可以好香脆同無汁出o架!!
回覆刪除Innis:你平時點整肉餅呀?我都唔知有咩秘方喎...我諗有幾個可能性: -肉餅有無撻下佢,啄下佢呀?就咁搞埋一齊唔好食架 -肉餅係咪太薄呀?咁樣好易蒸得過火,所以就"鞋" -蒸之前有無加d凍水呀?咁樣肉餅蒸出黎會滑d架 你試試會唔會無咁"鞋"~~ c9july:過獎過獎,我d相用一個photocap既freeware整架~~ V&E:你唔嫌無菜既話,我都好樂意包你伙食架 La La:都唔算自創既...有時睇睇埋埋d食譜隱約記得一d做法咪膽粗粗去試下lor...唔係食黎食去都係個d款式,老公唔悶我都悶呀
回覆刪除敏敏敏:原來要咁樣先會脆既...我會記住,下次再煮就會更加好食~~
回覆刪除多謝你既訂閲！嘩！你整啲食物好靚呀！BTW, 我想問下你啲相點整架呢，好似好多張Polaroid 0甘，係邊隻software 先整到呢？
回覆刪除周太太:我見你都成日煮野,所以要訂你個blog黎睇下lor 我d相一係用photocap黎整,一係用picasa黎整架...你講個效果就係用picasa黎整既,去呢到download就得架啦 http://picasa.google.com/
回覆刪除吳太：哦！你唔講我都唔知有呢個software 添！謝謝你呢！
回覆刪除