吳家吾居

2007年6月28日星期四

0628的晚餐 ~ 北海道旭川火頭山拉麪

今日老公要上堂,所以8點半先番到黎,我就煮左係北海道機場買既火頭山拉麪做晚餐~

火頭山係北海道旭川拉麪村其中一間出名既店,無記錯既話香港以前既拉麪橫丁佢都有開舖呢~~雖然我無去到旭川拉麪村,不過係機場見到又唔使雪藏就買左盒番香港勒~

味道都唔錯,不過無我地係旭川間一藏食既拉麪咁好食~~不過麪條都仲好新鮮彈牙,不過老公覺得麪質有d似廣東既雲吞麪,不過就當然係粗d啦...所以佢就無咁鐘意食~~不過味道當然都好唔錯~

北海道の初夏物語 ~ 北海道神宮例祭 Day 1.4

去日本最能體會當地傳統文化既節目就係去睇祭祀節慶啦,可惜我睇左好多本旅遊書都搵唔到我去呢段時間有祭典,多數都係7,8月,6月大型既Yosakaoi索朗節又已經完左...好在最後比我發現到有《北海道神宮例祭》,呢個祭典係6月14日至16日,今日好在中午到達北海道,所以趕得切係最後一日趕去感受下~~

出閘之後都有唔少人往圓山公園出口,我地當然跟隨人流行啦~~上左地面就已經見到北海道神宮祭既旗幟飄揚,雖然好多人一齊入去公園,不過一踏入公園我卻感受到那份廣闊和寧靜...地下是原始的沙地,不像香港鋪滿地磚石屎,而且有很多很多樹木,而且生長得很高,抬頭也望不到樹頂呢~~旁邊有個大捧球場,很多小朋友在玩呢...此情此景實在不能在香港的公園看到,我覺得維園也不能令我有這份感覺~~

經過小小的神社就轉入了擺滿攤檔的小路,沿路有不少女士也穿上和服呢,老中青都有~~初段的攤檔售賣的物品並不吸引,不過愈行就愈精彩...到神宮附近時近有很多不同的小食攤位,我和老公一邊看一邊流口水呢~

坐在樹蔭下的和服少女~~

小食攤位有:葫蘆蘋果、香腸、不同顏色的果茶和泡冰、串燒、炒麪、燒餅、脆皮香焦等~~還有很多傳統遊戲...綠色那隻公仔在日本很受歡迎,我見很多人都有購買呢~~

大家估到這些一包包是什麼嗎

終於行到盡頭就見到神宮啦,點都要影幾張相啦~~(你地睇下我副眼鏡,在強烈既陽光之下真係變左色呢~~今次既旅程發現呢隻鏡片既敏感度極高,所以全程我既一雙眼睛也很舒服...老公也對它的功效很是欣賞,狂嚷著也要一雙~~很多時他開不了眼照相就會強行拿走我的眼鏡帶上拍照呢)

這麼多美食,無理由唔食少少架,最後我地選了下面3樣食物:

燒餅(300 yen):有蝦有蛋做餡,比平時吃的燒餅不同味道...那隻蛋和蝦配上燒餅原來是十分好吃的呢~~

藍色泡冰(200 yen):老公見顏色特別就要了,我也不知是什麼味道,不過味道不錯~~

炸雞(300 yen):嘩,這個炸雞是給它的香味吸引,味道實在好,香噴噴熱辣辣,超正~~

最後終於看到祭典儀式,很多學生穿上特別的服式上山,十分熱鬧...很開心能夠趕得切來到這個祭典~~

北海道の初夏物語 ~ 任坐地下鐵 Day 1.3

我買既5日JR pass係明天才開始使用,所以之前買單程票由機場到札幌~~

今日既行程都係札幌市,其實遊市中心步行都無問題架,不過我查到原來今日係《北海道神宮例祭》既最後一日,所以我放棄左係市中心睇札幌市計台、北海道廳舊本廳舍呢d到此一遊既拍照景點~

由於例祭會場有2個,一個係北海道神宮既所在地圓山公園,另一個係中島公園...2個公園都係搭地鐵去方便d,所以我決定買張地鐵1 Day Pass,1日內任搭,咁樣用黎去第二個地方都得麻~~

而且平日既地鐵1 Day Pass係要800 yen既,但係星期六日反而會平d,只係500 yen~~今日正值星期六當然買1 Day Pass抵啦,如果淨係搭一個站都要俾200 yen架

放好行李就出發去地鐵站啦,我決定去北海道神宮既所在地圓山公園感受地道日本人既節慶~~

圓山公園都好大下架,你地睇下指示牌,裡面仲有動物園、球場、競技場咁架~~因為個指示牌既公仔好得意,所以我又影低佢~~

2張地鐵1 Day Pass,又用左1000 yen勒~~

2007年6月27日星期三

北海道の初夏物語 ~ 東橫INN札幌駅北口 Day 1.2

半小時車程就到達札幌了,一連2晚我都會住在《東橫INN札幌駅北口》,由車站只需徒步2分鐘就可到達,酒店斜對面更已經有地鐵站16號出口,地理位置實在很優越

它的價錢也很經濟,一晚為9240 yen,如果冬天更有折扣呢~~房間雖少卻很整潔,大堂有3部電腦供住客免費上網,我們也曾有使用呢~~職員也能用英語溝通,很不錯呢~此酒店對沒有時間享用酒店設施的我倆實在很合適,因此我們對此酒店也真的很滿意~~

而且更有禮物送呢,我要了一條手巾仔而老公要了對男裝襪...另外附送的潔面包還有Q10的面膜和Hairband呢,老公也有用來敷面

大家可以預先在網上預訂,給予訂房編號就可以check in的了,這時才付錢的呢~~

http://www.toyoko-inn.com/hotel/00066/index.html

北海道の初夏物語 ~ 新千歲空港 Day 1.1

6月16日(星期六)

終於都等到轉機時間啦,呢程機我同老公都怒瞓希望叉足電唔好影響第一日既行程~

12:55我地飛抵北海道既新千歲空港,個度既入境人員動作果然無香港咁有效率,無辦法啦,呢度係北海道,就連工作節奏都一樣係悠悠閒閒既...排隊期間環顧四周只有在我們前面的一對情侶是香港人,原來也不獨是我們選上這個冷門的方法前往北海道(這對情侶我們在第4天於富良野的行程還撞上數次呢)

取了行李我們第一個要到的地方就是機場內的JR旅遊中心,因為我們不是自駕遊,所有行程都要靠乘搭JR列車,所以我的行程連坐那一班列車都已經擬定,一次過買晒車票就唔使煩啦~那裡的職員可以說普通話,英文和韓文...那天就是一位會講普通話的職員幫我辦理訂票手續,不過我覺得她的普通話也真是很普通呢...不過總比說日文好

為了節省時間,我已經在網上預訂了5日(17號至21號)的JR Hokkaido Rail Pass(18,000 yen x 2 = 36,000 yen ),不須浪費時間在這裡填申請表,只要告訴訂票編號就可以取證了~~ 不過因為我還有些觀光巴士(富良野號 1,000 yen x 2 = 2,000 yen,美瑛號 600 yen x 2 = 1,200 yen) 、觀光列車和小樽-札幌welcome pass (1,500 yen x 2 = 3,000 yen)要另外預約,所以也花了一點時間~~

(這2張就是JR Hokkaido Rail Pass啦)