真開心,今日又有住家飯食啦~~吳家二鑊今晚大顯神威,煮左3餸1湯,味道仲好唔錯呢~
肉碎豆腐:有我至愛既豆腐,不過今日老公係超市買既,要成五蚊盒,好貴呢~~加埋成廿蚊既免治豬肉都唔好睇少呢味普通餸菜~
蒜茸炒白菜仔:一向對菜都係麻麻地既我,唔會覺得好好味,不過都會食咁啦~
茄汁焗豆:老公見屋企有罐頭就用黎做一味餸,其實我對焗豆麻麻,不過今日又覺得酸酸甜甜好開胃,所以都用黎撈左好多飯食~
蕃茄薯仔煲豬骨:上次煮蕃茄炒蛋用剩左2個蕃茄,所以老公今晚就決定煲呢個滾湯...好味道呢~~
今餐老公煮完出黎又話為左我而落少好多調味,佢試味覺得非常淡喎....但係我試均晒所有菜式,一d都唔覺得淡味,如果佢再落調味我就應該會覺得鹹架啦....好彩佢就住咋,都唔明佢既味覺係咩構造,咁濃味都話淡...不過呢餐好成功,我仲可以留飯盒添
真係要以掌聲鼓勵
~~我既主廚地位會唔會不保呢?
吳生, 你好抵讚呢(掌聲鼓勵)
回覆刪除吳太, 當然唔會地位不保啦, 你哋可以夫煮婦隨, 好恩愛呢
你哋廚藝咁厲害, 遲吓可以考慮開埋餐館tim喎
[版主回覆02/28/2008 23:17:00]哈哈,你真係過獎啦...我地既出品自己食就得,要收人錢就有排都未得啦~
吳生，
回覆刪除你唔鐘意食菜架？
回覆刪除[版主回覆02/28/2008 23:18:00]係呀,我一向都唔鐘意食菜架...宜家好好多,起碼會食下,讀書個時真係一條都唔食架,d同學個個都知我對綠色食物有恐懼症架~
茄汁焗豆好食呀！你唔係o甘鍾意食都食o甘多，一定係因為老公煮o既關係嘞！
回覆刪除茄汁焗豆好食呀！你唔係o甘鍾意食都食o甘多，一定係因為老公煮o既關係嘞！
回覆刪除[版主回覆02/28/2008 23:19:00]呢排食野既口味有d唔同,加上老公特別煮出黎就開胃d lor~