一早已經打算看Harry Potter第6集,雖然很多人看後都說不好看,很悶等評語...但我們依然決定看它作為我的生日節目(因為有生日贈卷呀)!
星期五,3:40pm,The Grand的大院...我們入場時一個人也沒有呢....哈哈~
除了生日贈卷,還有爆谷送呢,真體貼~
由於我們一早已經將預期降低,看後我和老公都覺得沒有大家說得那麼差吧...我是沒有看小說的人,不過每一集電影也有看...老公是看了小說也同時看了每集電影的人...但我們也覺得這集ok的,兩個半小時,我們沒有看錶呀...不覺得太長~
當然這一集沒有一個特別的目的,拍得也不夠緊張...但我覺得作為整個故事的一部份沒有問題...如果獨立的只看這一集或許是會不明所以和覺得很悶~
我在期待它的最後一集呢~
老公除了喜愛吃椰汁焗雞之外,其實也很喜愛吃沙嗲王的白咖哩系列,每次到沙嗲王吃飯必會叫白咖哩豬扒/雞扒飯的...所以我很早已經想自己試煮的了...只是白咖哩汁要如何做是完全沒有頭緒,又找不到食譜,所以就一直沒有機會試~
之後某一天在笨B媽媽的blog看到她煮白咖哩雞扒飯,還詳盡的列出製作過程,我就打算一試的了,可是那枝白咖哩粉偏偏買不到,沒有一間超市能找到,所以仍然沒有機會試~
就這樣過了年多,我終於在永安的超市發現那枝白咖哩粉,二話不說的就買了它($12)...今天終於可以試煮這味等候多時的新菜式!
因為我懶,沒有買什麼香矛,檸檬葉來煲湯底...只是用普通的雞湯,不過味道也算可以...但當然不能和沙嗲王比較,我想我煮出來的味道只有6成相似...
雖然比不上沙嗲王的白咖哩,但我也覺得很不錯的了...這個白咖哩一點都不辣,不過就很香,很合老公的胃口呢...今晚的白咖哩雞扒碟頭飯算是成功了,成本價三十元有找,還留了飯盒呢~
來到第7堂了,今天囡囡不肯午睡,所以心情一般....上半堂由吳爸爸陪伴,囡囡不肯由爸爸和她玩搖小船呢~
之後下半堂改由我來上,吳爸爸有節目,約了朋友去書展啊~
第二個環節是包著小玩具引BB們拆開,但囡囡不太有興趣,沒有去打開包裝紙的意慾~之後改放小玩具入袋仔,要BB們拿出來...這個方式好一點,囡囡多點興趣,肯自己把袋中的玩具拿出~
最後是要BB們用雙滕跪著行(要成L型的),梁姨姨說這是訓練大腿肌肉用力的提升方法,不過真的有一點難度,因為一來BB跪了就想站起來,要不就想用手放在地上要爬....最後借助小圓椅才能做到一點點...相信在家也比較難做練習啊~
1個月又過去了,10個月的囡囡是如何的呢?
體重:仍然維持在15磅左右~
身高:不知道,但我覺得不算高
口部發展:
牙齒:兩隻上門牙出了1個月也只是出了半隻,相信應該是一對大板牙...另外旁邊的牙齒已看到白點,相信也快要長出來了~
手部發展:
依然只會做拍手、揮手、舉手,愛拿東西等...未有新動作
足部發展:(是9-10個月發展最急促的一環)
爬行:終於會爬了!!!!!不過囡囡不是懂得爬就周圍爬,要引她才會爬多幾步呢~
站立:現在可以自己由躺著-->轉身-->坐著-->自行扶著東西站起來!!!囡囡想站起來的意慾比爬行大很多,特別在BB床上最愛扶著床欄站起來看我們~
步行:除了懂得爬和自行扶著東西站起來後,囡囡終於嘗試開步行了...不過比較喜愛用學步車來行...如果我拖著她,她反而只會站著~
語言發展:
發音:終於能叫爸爸媽媽了,不過只是發音罷了,不太知道誰是爸爸媽媽呢~但是叫爸爸媽媽的比例是9:1,整天不斷的在爸爸爸爸爸爸................想聽她叫媽媽是非常困難的~
行為發展:
懂得和我們玩耍,最愛拿下我的眼鏡,怕"芝"...
睡眠質素:
仍然不錯,依然維持8時左右睡覺....但午睡時間少了,因為會自已在BB床站起來,不肯睡呢~
進食情況:
很好,如果飲奶,每次都可以KO一枝7安的....吃粥/爛飯每次一個大人碗的份量~
我覺得囡囡算是一個文靜型的BB,相比其他BB她算能安定的坐上一段時間...我非常欣賞呢~
我的生日月又收到和民張$100 coupon,本來諗住琴日囡囡300日大去食飯慶祝用左佢,點知99突然的到訪令行程取消...以為今日再去一定無問題啦,點知99又上左黎,不過老公竟然叫99睇住囡囡,我地兩個出去食喎...所以最後就成為左二人世界既晚餐勒~
叫左巨峰提子梳打,有買一送一...另外食左
鮭魚野菜卷:好味,非常新鮮,味道清新
帶子蟹肉丸子:呢個麻麻地,老公又唔鐘意食蟹肉只係食左一粒
串燒盛合:都算ok~
和風石鍋蘸湯麵:其實同拉麵無分別,不過就好似過橋米線咁食法
其實今餐我係食不知其味既,因為我實在太掛住家中既囡囡(我好少會咁既,只係因為唔放心由99湊住)...不過老公當然無好似我咁坐立不安啦,佢覺得佢阿媽湊得無問題麻....總之呢餐我地食完就速速埋單番屋企勒~
不過今餐扣左coupon好抵,只係$75.6咋...而且我地都食得幾飽呢~
話說之前同朋友去左Elements間Caffe Vergnano 1882食晚餐,用左goodtimes卡既優惠...不過照我理解,優惠應該係惠顧食品半價,最多可以扣$200...但係餐廳就話最多只可以扣$100...咁因為我無帶本書仔出黎,就唯有接受餐廳只係扣除$100...不過餐廳話只要証明到係佢地錯,會退番錢俾我~
於是第二日我就拎埋本書仔去,點知佢地睇左段文字都話我理解錯誤....雖然我知我英文唔好,但係我未至於理解能力有問題喎..."The Discount may be limited to a maximum value. For example, for the offer "save 50% off the food bill - max value $100" you will save $100 on any food bill greater than $200, you will save 50% of the amount (i.e. if the food bill is $150, you will save $75)." -->咁佢地係max value $200,有咩理由最多扣$100呢???但係既然佢地係都要咁講,我再爭拗落去都係無用既,於是我決定番去寫投訴信~
本來諗住直接寫去俾餐廳既,不過諗諗下決定寫去goodtime卡個邊求証個優惠情況先(因為我問老公時,老公都話我理解錯喎)...好在goodtime卡個邊覆我話我既理解係岩既,仲幫我同餐廳個邊跟進添...幾日後我就收到餐廳既回信勒~
Dear Miss Yan,
I refer to your e-mail from Goodtimes about the confusion of the Goodtimes membership discount by our staff.
I would like to apologize for the error made by our company in confusing the discount details. As a result of our investigation, we found that our new staff made a confusion with another discount offered by another media. From the bill, it showed you had spent $448, to the goodtimes offer, you'll save $200. Therefore, your actual payment is $248, but only $100 was deducted.
To prevent re-occurrences we have improved staff orientation and training. We assure you that this will not happen again.
Would you come to our Elements shop at your leisure for the return payment $100 or
if you don't want to refund, you can choose a pizza in the a la carte menu in any price.
To show our goodwill, we would like to offer you a Caffe Vergnano 1882 coupon book to compensate you for the inconvenience.
We look forward to receiving your further visit. Thank you!
Yours sincerely,
Ivan Cheung
Creative Director & Marketing
所以話呢,有時係需要據理力爭既....退回$100同免費薄餅之間,我要左pizza...星期五叫左佢最貴既四季薄餅($148)外賣番屋企,呢個pizza好味過上次同朋友食個個...我同老公一人一半就當係晚餐勒,都好飽呢~
而另外個本coupon book,其實就係有好多張$5 coupon,岩用黎叫野飲用lor,不過睇黎我都無咩機會用架啦,慳得$5咁少,哈哈~
琴晚煮完鹵水拼盤,今晚再接再厲,不過組合唔同左...我今日買到炸豆腐啦,相片睇唔到,其實d豆腐鋪滿碟底...另外買左牛展黎鹵,味道都ok啦...加埋剩下既紅腸,就成為左今晚既鹵水拼盤2勒~
另外簡簡單單煎塊雞扒,炒碟菜芯又一味餸~~本來就諗住煮兩味,不過係樓下裕記買雞蛋時,因為宜家買滿$10而唔要膠袋可以平$1,於是見到$2.5一袋既腸粉就買埋,咁就過$10可以有折啦,哈哈~
所以煮多左碟XO醬煎腸粉,今日煎得好好味...我一向都鐘意食腸粉架啦,所以食左好多,就連老公都食唔少,$2.5一大碟,食到不知幾飽,好抵呢~
今餐成本價約三十蚊~
我終於都買左三文魚扒煮俾囡囡食啦....其實一直我都想煮架啦,只可惜我覺得太貴,所以遲遲未買,反正亦有好多其他食材,唔一定要煮三文魚既~
咁岩上星期見到超市既三文魚做特價,只係廿蚊左右,比平時都平左差唔多十蚊架...所以就買左一盒番屋企啦~
三文魚果然有豐富既魚油(就係omega 3既來源),不過有d太肥既地方我都唔會要....之前見有d bb食完三文魚會敏感,所以我第一次煮既時間只係放左好少,睇下囡囡反應,好在無任何敏感情況...咁之後既粥我就落多好多勒~
又聽聞d三文魚煮完好腥...不過我又唔太覺喎,我覺得好香三文魚味就真~~我用左芝士同薯蓉黎配三文魚,所以好好味既芝士三文魚薯蓉粥就登場啦...囡囡食得好快呢~
屋企有條紅腸,今日放工搭巴士時係度諗點樣整d紅腸好...唔想炒喎,結果諗起鹵水拼盤既紅腸...於是就決定整鹵水拼盤~
鹵水拼盤:我當然無時間自制鹵水汁啦,所以都係去買現成一枝枝既番屋企,買盒雞翼,2隻雞蛋,加埋紅腸就成為左個拼盤勒~~(本來想買埋豆腐架,不過街市已經無晒炸豆腐買啦)...個拼盤當然唔止相中咁少啦,因為有部份已經入左飯盒~
蒜蓉炒菠菜:其實一盤拼盤已經有三樣食物,咁另外就只係煮一碟菜就算啦~
今餐成本價約$36,不過其實枝鹵水汁未用完既,應該仲可以煮多幾次~
我其實是有很多影片有興趣看而還未看的，特別是囡囡出生後才上畫的影片...很多都已經出了VCD/DVD...是時間買點來看了....可是我又覺得買回來看不化算,VCD質素不佳不想買,DVD售價又太貴...加上買了回來看一次之後要找空間放也是一個問題~
其實一向我都覺得租黎睇抵好多,只係我家附近已經沒有這一類店舖....所以我想join回那些網上租賃影碟的服務(07年時免費試用了1個月感覺很不錯,不過之後沒有join)...最後沒有join的原因是月費貴了一點(百多元/月)
終於前幾天忍不住搜尋一下這類網上店,那時我免費試用的一間已經於年初結束了...不過還是有幾間這類的店舖,我選了一間叫MovEx的,join了月費$68的plan(可以一個月內借3套影片的DVD),這個價已經是我找到最平的了~
我join了後的第3天就收到第一套戲 ~ 家有囍事2009
好似很久沒有看笑片了,家有囍事系列相信我們這一個age group是一定會記得的,這套2009有幾幕都會令你想起從前的畫面,雖然內容是胡鬧一餐的了,不過我和老公卻看得很開心(前段囡囡更和我們一起看,她看得非常入神呢,不過看了一會兒我就要她去睡了)
本來未有咁快去origins補貨既,不過今年我既生日月收到origins寄黎既生日優惠(以前都無既),就係送50ml旅行裝洗頭水以及可以以$100換印花(因為平時係$200先有一個印花架),加上吳爸爸又話要買d控油lotion咁...
所以就去左買野啦,少少地買左一枝美白洗面,一枝drink up,一枝有機line既lotion(呢枝係吳生要架,成$480,超貴!)...就係咁買左8百幾,有8個印花,仲拎左幾包美白line既sample添~
吃完午餐就去搭小巴返屋企,係小巴上聽到收音機話掛左3號風球,不過一d雨都無喎~
即時諗起下午仲要唔要番幼潛呢?我記得手冊寫住話3號風球係唔使番既~
本來都諗住唔使番,點知返到屋企發現我miss左個call喎,原來係幼潛既bonnie姨姨打黎,話今日會照常呀(可能因為之前已經停左課3星期,再停可能都無時間補堂啦)~
好在今次既3號風球無點落雨...我地出發同返屋企都唔使開遮呢~
可能都因為打風,今日得4個bb返黎,仲要有1個扭眼瞓,成堂都唔肯玩,結果就只有3名寶寶上堂勒~
開頭既唱下歌仔,摸下唔同質感既東西,之後就係推大波波勒~
今次推大波波,梁姨姨話係要bb學反手推個波出去既,因為平時都無咩機會用反手,abby都算掌握到梁姨姨有讚囡囡呀~之後就要bb扶住波波企係度,呢個環節abby做得最叻....一來波波係有一粒粒突起既,囡囡唔怕摸到...二來姨姨們係不斷係度拍打緊個大波,即係bb們係扶住一個震動中既波波,但係囡囡依然扶得好穩陣....三來我係無扶住abby架,只係係佢後面...abby表現出色,令兩位姨姨大讚(因為兩位姨姨都記得abby係唔肯爬既)
而今日既重點環節就係爬過障礙物,呢樣對abby黎講真係好有難度呢,因為abby仲未爬麻~不過abby一樣要試,仲要今日得3個bb玩,好快就輪到,要爬好多次呢~
梁姨姨個邊首先好似個小滑梯咁既,首先要爬兩級,之後爬幾步就落斜....然後相反方向,上斜先,之後爬幾步就落級....而bonnie姨姨個邊就好似跨欄咁,一個矮d一個高d,不過就係要爬過呢兩個欄~~
頭個1,2 round,abby都未有發脾氣,雖然郁幾郁又放軟左手腳,不過都算係完成到(唔好誤會,abby無爬既,係姨姨扶住佢黎郁)...不過到3,4round,可能開始攰加上佢本身唔鐘意爬,所以開始有喊下,或者成個攤係度休息,總之就唔願意玩落去....最後勉強叫完成左啦~
今日可能少人,最後梁姨姨都有少少檢討...abby呢,已經進步左好多,不過都係要係屋企同佢做多d爬既活動喎....希望囡囡keep住進步,下次上堂可以爬比大家睇啦~
今日放工要去交收火槍,所以無時間買餸,加上老公聽日training亦唔使帶飯盒,所以今晚就煮意粉啦~
今日有小小新意就係用左珍珠帶子黎配意粉,d帶子仔係超市買新鮮既,特價只係$11.9一盒,都唔算好貴...d帶子味道都可以呀~
我都煮多左份量,老公唔留飯盒,但係我要留呀....而我又因為懶所以用左現成既意粉醬黎煮,如果加加埋埋(意粉醬,帶子,火腿,意粉),呢餐大約$34,每份都係$11左右,抵呀~
原來老公生飛滋,所以琴晚既咖哩雞唔係好岩佢食....所以今晚決定煮d清淡唔刺激既菜式...所以今晚煮左兩味都係蒸既,分別係
鹹蛋蒸肉球($7.5): 老公最鐘意係食蒸肉餅啦,不過肉餅唔夠鬆化,所以我宜家都係習慣蒸肉球架啦~
蒜蓉豆豉蒸豆腐($2.5):豆腐就係清淡得黎又健康既食材,我仲好鐘意食添...今次就簡簡單單蒸豆腐,不過落重味架,所以今次又滑又好食~
蕃茄肉碎煮蛋($7.5):我以前通常都係煮蕃茄炒蛋,但係其實我覺得自己煮得一d都唔好食架...今日用新方法,d蛋係預先煮左先,然後切開一件件,到煮蕃茄時整個汁先再放番d蛋入去...今次煮得好食好多呀,加埋肉碎味道仲豐富d,唔錯呀~~
今日三味餸完全符合生緊飛滋既老公食,佢好明顯胃口比琴晚好好多....當然唔少得就係留飯盒啦....今餐廿蚊都唔使,very good~
之前一星期因為要交收火槍既關係,所以都無時間買餸煮飯...真係唔想再食街外野,今日無論如何都要煮番餐飯食~
不過無時間諗新野,都係是但煮d啦....簡單野不離炒蛋,灼菜...加多味咖哩雞煲就搞掂勒...仲留到飯盒啦...已經好多日無帶飯番工,lunch time好苦惱呢~
今日呢餐成本價唔使三十蚊呀~
