我的生日月又收到和民張$100 coupon,本來諗住琴日囡囡300日大去食飯慶祝用左佢,點知99突然的到訪令行程取消...以為今日再去一定無問題啦,點知99又上左黎,不過老公竟然叫99睇住囡囡,我地兩個出去食喎...所以最後就成為左二人世界既晚餐勒~
叫左巨峰提子梳打,有買一送一...另外食左
鮭魚野菜卷:好味,非常新鮮,味道清新
帶子蟹肉丸子:呢個麻麻地,老公又唔鐘意食蟹肉只係食左一粒
串燒盛合:都算ok~
和風石鍋蘸湯麵:其實同拉麵無分別,不過就好似過橋米線咁食法
其實今餐我係食不知其味既,因為我實在太掛住家中既囡囡(我好少會咁既,只係因為唔放心由99湊住)...不過老公當然無好似我咁坐立不安啦,佢覺得佢阿媽湊得無問題麻....總之呢餐我地食完就速速埋單番屋企勒~
不過今餐扣左coupon好抵,只係$75.6咋...而且我地都食得幾飽呢~
我諗個個老公都係咁, 覺得比99湊住冇問題啦~ 我都怕比99湊, 佢d方法一定唔合我心意, 自己媽咪就唔同~
回覆刪除[版主回覆07/22/2009 12:24:00]exactly呀...
好正wor, 你幾時生日傢?
回覆刪除[版主回覆07/22/2009 23:20:00]7月最尾個日呀~
$75.6? 好抵呀~!!
回覆刪除[版主回覆07/22/2009 23:20:00]因為有coupon呀麻,哈哈~
生日快樂呀~你又係7月架?
回覆刪除你地食咁少就飽喇?俾我地一定食勁多,所以好少去呢d地方食,因為太細碟,填唔飽我地個胃.... 我地實在太大食喇~!
[版主回覆07/23/2009 22:00:00]其實真係夠飽喎,哈哈~
我係7月尾生日架~
現在和文好渣無以前咁好
回覆刪除[版主回覆07/28/2009 22:11:00]都ok架~