這晚我們和平常一樣回99家吃晚飯,
可是發生了一件不尋常的事!
我...我...我....竟然...竟然....在99手中搶回囡囡!!!!
我真的沒想過我有此膽量,
原來為了教好我的女兒,任何人都阻不了!
* * *
事緣囡囡這陣子很愛扭計,一不如所願就會以喊及瞓地來表示不滿,在家時我和吳爸爸會先解釋為什麼不如她所願的原因,如果不被接納繼續扭,我和吳爸爸都會由她自己發脾氣...通常她瞓一陣地冷靜下來,又見我們不特別理會她就會起來,這時我會將開手等她走來,一邊擁抱她一邊向她再次解釋剛才的事情....一向都行之有效,快則幾分鐘完成,慢也不超過一小時~
可是這晚在99家情況不同了,當我如常告訴囡囡不是所有東西都可以拿來玩時,囡囡當然不依的大哭大鬧又瞓地,我和吳爸爸就像平常一樣採取強硬態度...可是6299當然就不想囡囡喊啦,先是62叫囡囡走到她身邊看電視,那我也算了....跟著99拿出奇異果來給囡囡吃希望她不要再哭....這行動其實我已經很不滿,這不是變相在鼓勵她的扭計行為嗎?扭計還有東西吃,這完全是錯誤的訊息!不過我還是忍著,而囡囡初初也耍大牌的搖頭不吃,99卻仍然哄她吃,哎,真的激到我紮紮跳!其實我和吳爸爸都已經開口叫99不要給囡囡吃東西,可是99就是沒有聽下去!
最後囡囡也決定去吃,吃的期間我一直盯著囡囡,可是囡囡就是在逃避我的眼神,不敢直視我,這算什麼?就像在告訴我她有靠山可以不用聽我的話!當囡囡吃完了這個奇異果,囡囡又指左另一個生果示意要吃,我和吳爸爸便向她說不能再吃了,很明顯囡囡的反應是即時大喊....我正準備走去向囡囡說道理時,99已經抱起了她來哄,還向我說為什麼又要弄哭她呢?而且正準備抱開囡囡,這下我可不能再忍了,女是我的,我在教她你為什麼來插手做架兩!
那一刻一股無名的勇氣爆發,我在99說完這句話後立即從她手上抱回囡囡並嚴正的向著99說不能這樣哄她的,轉身把囡囡抱了入房放在床上任由她哭,再對著囡囡講道理!結果不用5分鐘,囡囡不再哭,我問她剛才是否不對,她也點頭表示知道,還開始回復笑面呢!這一刻我覺得自己做得很好,我給囡囡知道媽媽是不會退縮的,不要試我的底線!也給6299知道女是我的,我在教女時不要插手!
其實我已經不多將囡囡交給99湊,只是回來吃飯也出現這種場面,我實在不敢想像如果給99湊的後果會如何?我其實一向也不會這樣頂撞6299的,可是這次真的不容我再退縮,因為囡囡已經開始懂事了,不能像之前那樣隻眼開隻眼閉來對待!要是開了頭,我這個當媽的還可以如何教女兒呢?
我很希望6299會識趣不要再發生這種事,可是我相信這些事還會陸續有來....我是做好了心理準備,我在做新抱方面的分數是會不斷遞減的了!不過只要在做媽媽方面的分數高就可以了!
我要教好女兒是沒有任何人能阻止的!
Really happy to see you and did enjoy a lot during our unpected dinner.
回覆刪除[版主回覆08/07/2010 22:15:00]我都好開心,本來我好攰架,唔知點解食完餐飯竟然好精神~
妳一定係一個好媽媽，囡係妳既，要教好女兒是沒有任何人能阻止的-----> 一定係啦，加油 :)
回覆刪除[版主回覆08/07/2010 22:16:00]多謝支持...教小朋友比煮飯難好多呢,哈哈~
nice to meet u....餐飯食得好開心.....支持你既教女態度....我諗我有小朋友時都會咁做
回覆刪除[版主回覆08/07/2010 22:17:00]多謝支持....第日你有左小朋友就會更明白架啦~
Well done, 我支持你~!
回覆刪除[版主回覆08/08/2010 00:31:00]多謝支持!
認真, 換轉是我, 我都會, 老人家一套真的過時, 絕對支持你! 不過, 我99一直也不敢這樣做! 我真的慶幸我99從來也不會過問我如何教Curtis, 反之, 公公婆婆才是一個倒蛋的人, 有時真的給這兩老氣C我, 好彩是自己父母, 就算頂阻完也沒有問題, 但真的難為了我嫂嫂啊!
回覆刪除[版主回覆08/08/2010 21:53:00]你99真好...其實我99都唔係話好差,但係總有野我唔鐘意lor~
你地都忍左好耐先出手 , 要扣分都無法子 , 我支持你的做法 ,6299 點諗唔重要 , 又唔係成日要對住的 , 最重要老公支持你就得 , 最怕老公企係 6299 那邊唔幫你仲話番你轉頭到時仲煩呀
回覆刪除[版主回覆08/08/2010 21:53:00]係呀,真係忍唔到先搶番個女架咋....
"我都好開心,本來我好攰架,唔知點解食完餐飯竟然好精神~ 可能你做咗一啲自己覺得係對又有意義的事囉！我都好怕囡囡對得老爺奶奶或公公婆婆多, 老人家唔係親身湊都用縱容方法, 想博孫女歡心, 事後阿媽就會用好多功夫去重新教導佢地對同錯, 要做個堅持的阿媽真係唔容易, 但見到Abby的反應, 你應該好安慰！
回覆刪除[版主回覆08/08/2010 21:55:00]或者都有關係,哈哈~
so far abby都係聽教既,不過就真係要有耐心先得~
100%支持
回覆刪除[版主回覆08/15/2010 13:59:00]多謝支持!
AGREE, 我都試過咁樣, 唔係話唔比佢老人家錫個孫, 但唔係縱容law..我99試過為左唔想我個女喊, 意圖係我手上搶我個囡黎抱, 結果我頂唔順, 堅持抱走個囡, 兩個女開始大, 真係唔想佢再係度湊啦.....都係果句, 唔係唔比妳錫, 但我教女就唔可以插手, 唔係邊個都無情講, 唔可能為左顧及在6299心目中的形象而害左個女嘛~
回覆刪除[版主回覆08/26/2010 23:48:00]係呀,我都好明白佢地好錫個孫,但唔係話喊下就即刻投降lor,有邊個小朋友唔喊架~
我都忍左好耐架啦,但無講又唔聽唯有搶番個女黎教啦~
I understand how you feel...I have this dilemna too. I hope Man Man will have a close relationship with his grandparents but I really don't want them to spoil him. My own parents, they will listen to me and respect the way I teach Man Man but in-laws... so much more opiniated and so much harder to deal with!
回覆刪除[版主回覆11/08/2010 21:38:00]經過呢次我覺得6299係收斂左少少,不過當然仍然會有意見,但無相大雅的我都會忍下lor~