今日又係去廣華做產檢既日子,今次檢查既時間好早,係8點9,我早左5分鐘到,點知原來係開9點架喎,早知就唔使咁早到啦~~
不過可能比較早,而我又係睇助產士小組既,所以好快就到我檢查~~
政府既檢查真係好簡單,都係驗小便,量血壓,跟住就係用胎心機聽心跳,今次好快就搵到囡囡心跳,姑娘show俾我睇個頻率係153下,屬於正常~~
之後就摸肚勒,姑娘話size正常,而子宮底就去到肚臍位喎...之後睇下我有無水腫,再問我BB有無郁,一切正常之後就約下次覆診時間~
姑娘話下次檢查係時間要再抽血同驗血糖,就係傳聞中好難頂既糖水測試,希望杯糖水我頂得住啦~
為左安心，抽血糖既難飲糖水都要頂住呀
回覆刪除其實我未有之前做body check時都曾經飲過一次，都頂得住
唔駛擔心呀
[版主回覆06/16/2008 20:07:00]我諗應該無問題卦,哈哈~
係呀!前一晚12點開始就唔好飲食啦!(水除外)我個時就係早上見肚空空,就飲杯媽媽Milk,點之去到姑娘話唔得,要下次去過,記住呀!
回覆刪除祝:母囡健康.
[版主回覆06/16/2008 20:07:00]但係姑娘只係叫我之前唔好飲咁甜既野,無話咩都唔飲得喎~
為什麼你們個個都要抽血糖的.
回覆刪除我係深水埗的健康院就冇啦?
冇驗唔知道得不得呢?
[版主回覆06/16/2008 20:08:00]唔知喎,我見個個都要驗架喎~
咁快就去到傳說中的 "糖水test" 喇~~~
回覆刪除呵~~你睇返我個blog就知道個糖水test~~~其實都唔係好難je, 分兩/ 三次快手飲完, 跟住..玩psp/ nds/ 睇報紙/ 睇書......總之就分散自己既主意力啦~~~
重點係~~千萬唔好坐近toliet位~~因為人地d嘔聲好影響嘛.....
比預約時間早dd到, 咁樣就可以快飲快等快抽血快走人
袋定d餅仔, 一做完咪食d野頂肚先囉
呵~~一講開呢d野就等唔到口添~~好長氣呀~~
咁快就去到傳說中的 "糖水test" 喇~~~
回覆刪除呵~~你睇返我個blog就知道個糖水test~~~其實都唔係好難je, 分兩/ 三次快手飲完, 跟住..玩psp/ nds/ 睇報紙/ 睇書......總之就分散自己既主意力啦~~~
重點係~~千萬唔好坐近toliet位~~因為人地d嘔聲好影響嘛.....
比預約時間早dd到, 咁樣就可以快飲快等快抽血快走人
袋定d餅仔, 一做完咪食d野頂肚先囉
呵~~一講開呢d野就等唔到口添~~好長氣呀~~
[版主回覆06/16/2008 20:08:00]收到,一定要一take過~
但我上次去廣華做血糖測試, 佢d糖水都真係好鬼甜.. 飲完都小小想作嘔． 好彩姑娘俾小小水我飲稀釋下．
回覆刪除[版主回覆06/16/2008 20:10:00]其實我都好怕太甜既野,不過希望順利搞掂~
其實都唔係好難飲~~~ 都ok架, 不過係就係甜d~~~~
回覆刪除我見到有人攞埋個lemon去, 自制檸水, 佢話係d姑娘教, 會冇咁難飲(我冇, 所以唔知係咪)~~~ 你都可以試下~~~~
[版主回覆06/16/2008 20:12:00]可以咁架咩,真係唔講唔知喎~
唔洗太擔心，比我想像中好，唔係太難飲架...
回覆刪除[版主回覆06/16/2008 20:13:00]係就好啦~
傳聞中好難頂既糖水測試??? 係咪個個都要驗架? 有無話幾多週要驗架?? 聽到我有d驚添~~
回覆刪除[版主回覆06/16/2008 20:13:00]我見好多人都要驗架喎,我就係29週去check~
我做不織布手工架~有空來看看，睇下有無野用來送比朋友或者自己用~
回覆刪除一切正常就好啦! 平常心啦 =)
回覆刪除依D經歷第時講返俾囡囡聽, 睇阿媽生佢幾辛苦..
[版主回覆06/16/2008 20:14:00]哈哈,佢都唔知幾時先會聽就真~