今日足足等左一粒鐘先可以見醫生,因為好多大肚婆黎睇呀~其中一個仲係內地孕婦,佢好似有個agent陪佢一齊黎見醫生,仲講左好多到時既安排,不過呢個內地孕婦超肥又坐得唔多斯文,坐係梳化度打開晒對腳,係人都見到佢條內膽呀,好核突呢~~
基本上我都無咩唔舒服,去私家醫生度檢查都係想見下囡囡...今日醫生又再照下3D立體相啦,囡囡上次用隻手遮住半邊面,今次好少少,只係遮住個嘴仔...呢張相都影得囡囡幾靚呀,哈哈
我既體重已經累積升幅到25 lbs啦,不過囡囡都係得九百幾克咋喎...我問醫生我係咪太重,囡囡係咪太輕,但係醫生話無問題,好正常喎....既然係咁我就放心啦~~又要四星期後先見啦~
真的好清楚呀.
回覆刪除我個間就得2D. 所以小妹都係得黑白色. 我要等她出世先知道她的盧山真面目啦.
[版主回覆06/19/2008 22:22:00]無所謂啦,bb日日都唔同樣既~
我初時唔識睇你張相，淨係見到一舊野咁，依家就睇到佢對眼 & 隻手啦.....
回覆刪除[版主回覆06/19/2008 22:22:00]咁就o岩勒~~
相信是agent來的, 去取出世紙時, 很多都是agent幫他們處理的.
回覆刪除我比妳殘忍, bb出世前2個月, 等候看醫生時, 感覺他在動, 原來是遮住自己不比看, 不單用背對外, 用手遮臉, 完全看不到. 下次我聰明, 又是等見醫生時, 他又在動, 我跟他說, 媽媽比錢來看你, 你不比我看, 我不會比你睡覺, 呵呵, 結果今次比你看到塊臉, 呵呵))))))))!
[版主回覆06/19/2008 22:22:00]哈哈,你呢個媽媽真係厲害~
25 wk 幾 bb 有 900 幾 gram, 好標準喎, 唔使擔心...keep up the good work 啦 !
回覆刪除[版主回覆06/19/2008 22:21:00]標準就好啦,其實我都唔想佢太大隻,哈哈~
張相睇得好清楚呀！
回覆刪除[版主回覆06/19/2008 22:20:00]係呀,我都覺得睇到唔錯~
我都睇唔明張相添！
回覆刪除[版主回覆06/19/2008 22:20:00]呢張好易睇架啦,右手邊係個頭,中間個隻係手,bb隻手舉起左遮住左嘴仔lor,睇唔睇到呀?
我淨係識睇隻手仔同個頭～～
回覆刪除[版主回覆06/19/2008 22:18:00]咁未o岩lor,張相就係見到頭同手呀~
好清楚呀張相...隻手手都睇到呀...BB都睇到呀...
回覆刪除[版主回覆06/22/2008 22:55:00]係呀,我都覺得好清楚~