雖然我無買幾百蚊枝既防妊娠紋膏黎搽,但自3個月起我都每晚沖完涼之後塗上body lotion或者olive oil係肚皮位置...一直都相安無事既~
可能我個肚圍實在太大啦,6個半月已經去到40吋既境地,結果星期六晚當我如常搽olive oil既時候,竟被我發現肚底已悄悄地出現了幾條妊娠紋
...d妊娠紋梗係以為係肚底出現我就唔知啦...不過一樣被我見到,個一刻真係好唔開心呀
即刻叫老公幫手睇清楚,佢梗係安慰我話無所謂啦....雖然著衫會遮住無人會見到,但係個肚花晒實在令人好沮喪....6個半月就出,幾時出到囡囡出世呀~~~
我相信肚肚會繼續漲大,但係再漲大就表示會出更多妊娠紋,真係令人煩惱....希望只係出呢幾條就算,唔好再多啦,求下你啦,我唔想個肚變左花面貓呀
我之前用了幾百元的lotion, 不過一樣敏感.
回覆刪除之後朋友叫我用mothercare 的cream $39. 已經用緊第2枝了. 仍然安全. 希望生完之後都冇野啦. 不過朋友說生完一定會有的.
唔緊要啦，最緊要母女健康！
回覆刪除[版主回覆06/24/2008 18:35:00]我唯有咁樣安慰自己啦~
唔好唔開心啦~~~為咗bb無計啦~~~我都好驚有呀!!
回覆刪除[版主回覆06/24/2008 18:36:00]但係好難會開心呢...不過我都知無辦法,唯有希望唔好再出啦~
我都驚有妊娠紋呀, 晚晚一定搽 lotion, 仲要睇下有無爆出黎, 我依家個肚都有 38" 喇, 好驚除時爆出....
回覆刪除[版主回覆06/24/2008 18:37:00]好多人話最後個月先黎爆架,但係我咁早就出所以好唔開心呢~
呢樣野似乎大肚婆都係無可倖免了...
回覆刪除唔緊要啦, 生完肚肚靚番晒
不過 bb 女大得好快喎, yeah
[版主回覆06/24/2008 18:37:00]弊在出左係唔會退架,只係無左d紅色,但係條痕係依然存在架~
呢d野真係無得避架~~不過我到生得時都只係得3x"肚仔, 同你真係無得比, 所以有時我見到我媽個肚咁花, 我都覺得佢好偉大架~~
回覆刪除其實如果安慰d咁諗.....就算未生之前都無人會打開個肚皮周街行架啦, 我個肚花唔花無人知既~~生完後修左身, 變返個索媽咪得囉haha
[版主回覆06/24/2008 18:39:00]我老公咪話無人會睇到lor,佢話得佢一個知無所謂喎...但係佢唔明白對女人黎講唔完美就係唔完美~
我希望你的會淡返啦, 因為有D人話會淡返唔多覺, 繼續努力搽油呀, 不要停!!
回覆刪除[版主回覆06/26/2008 20:43:00]但係色淡條紋仍在喎,所以都係咁灰~
都預咗會有，唔駛咁灰！除非你想着bikini！
回覆刪除即使無紋，肚皮都會變鬆，一團摺肉都好嚇人，有排收！唔避得咁多！
[版主回覆06/29/2008 15:50:00]嘩,你講到咁恐怖,更灰添~