我成日同老公講要係囡囡出世前玩多d,去多d街,拍多d拖...老公都非常贊成~
前幾日我就同老公講點都要帶我去唱下卡拉OK,於是星期六老公就提議去唱K lunch,我地去左Red Box,d歌好似比Neways新,而且d食物都好味d喎,不過就貴少少,唱左2個半鐘,埋單$106~~
囡囡都好似幾鐘意聽爸爸唱歌喎,每當爸爸唱佢都會郁既,好似仲鐘意過聽莫札特...哈哈~
最搞笑係入房之前,我地問簽咩卡有優惠,經理話只有學生證先有折,咁佢就問我地有無,仲要問左2次咁多...老公之後話睇到我咁大個肚,都無理由問我地有無學生證啦,真係唔識點應佢呀....哈哈~
星期五講完, 你就即刻去...
回覆刪除[版主回覆06/29/2008 22:23:00]係呀,老公記得又o岩時間咪去唱lor~
呵~~我大肚時都係讀緊書架....人地明醒你jetso嘛.....haha
回覆刪除[版主回覆06/30/2008 23:53:00]哈哈,老公覺得佢咁講好似佢呃左未成件少女呢~
我都好想去唱k....但又怕d音響歌聲太大聲....嘈親bb
回覆刪除[版主回覆06/30/2008 23:54:00]可以較音響既大細架麻....第時出左世就真係唔帶得佢去啦~