我雖然頂住個肚,不過都依然決定去做CFA既監考員,無法啦,除左要好似某超市廣告咁慳得一蚊得一蚊之外,我都要賺得一蚊得一蚊,當係幫補下d奶粉錢都好呀~~
我諗都應該無咩大肚婆會做監考員,現場所見,我只係見到一位大肚既考生咋~不過我著左件螢光既監考背心就遮晒我個肚,d人都唔知我係一個大肚婆~~
今日有見到邊個我識既人既,就係老公既姐夫,我細妹既男友,兩個大學師弟,仲有一位大學同學...而且我既大學同學仲係坐係我監個組添喎,考完晒我地仲一齊去搭機鐵,順便傾下近況,因為自從係我既婚宴見過佢之後都無約過出黎啦...今日見到仲唔傾都夠~
不過話時話,今日既機鐵好多人,無論係我一早搭去淨係搭番屋企都無人讓坐,雖然我都唔係好恨有人讓坐個隻,不過話晒呢班車既乘客係CFA既考生,都算係有學識既一群,但係唔讓坐不特止,仲同我呢個大肚婆爭位坐,禮讓個位係我喎,咩世界呀~
就算俾你考到做到專業人士,咁樣既人格質素都唔方可以有咩作為啦~
下，真係好差喎，大肚婆都唔讓，我而家返工經常有好心人讓座
回覆刪除你講得啱呀，真係慳得一蚊得一蚊呀，我都有補習賺外快
[版主回覆06/10/2008 20:11:00]我返工搭車一定有位坐,唔使人讓坐..咁耐試過一次係電車有個嬸嬸讓坐咋~
好少唔讓座的，個日Ｄ人真係差少少喎！
回覆刪除[版主回覆06/10/2008 20:11:00]但係我係試過一次有人讓坐咋喎~
唔, 世風日下...
回覆刪除[版主回覆06/10/2008 20:13:00]咪係~
香港公民教育既失敗
回覆刪除[版主回覆06/10/2008 20:14:00]都係自私架啦~
依家香港人既質素不論學力高低都差咗好多呀..............
回覆刪除[版主回覆06/10/2008 20:14:00]因為太功利lor
你都係CFA監考員？我都係。你有冇監其他試呢！
回覆刪除[版主回覆06/10/2008 20:15:00]都有既,不過通常要六日既試我先等閒監,好似樂理/acca呢d都會監架~
是呀, 當時大肚, 讓坐都是女人或者好似好粗獷的男人, 西裝的真是不多覺.
回覆刪除[版主回覆06/10/2008 20:15:00]但係個日同我爭位既係後生女喎~
係呀! 無人會讓大肚婆o架!! 阿婆就暈都唔會讓o架!
回覆刪除[版主回覆06/11/2008 23:24:00]咁都唔一定既,不過我無遇到lor~
而家d後生仔女好多時都唔會讓座, dup低頭當望唔到你大肚就算呢 反而d 公公婆婆就會讓座
回覆刪除[版主回覆06/11/2008 23:25:00]係呀,反而年紀大d既先會讓坐~
我遲d會見兼職監考員同報到室主管,請問記唔記得應徵兼職監考員考咩呀?會唔會考英文同普通話呢?Thanks!
回覆刪除[版主回覆12/01/2011 15:13:31]我無特別in過喎,初初做替工填左份表,跟住就入左個pool入面,有需要時就會call我去監下lor~