睇開吳家食品既朋友相信都知道椰汁焗雞係吳生既至愛,由於好少餐廳提供呢味菜式,所以為左滿足老公口腹之慾,我將佢成為左我既招牌菜,耐唔耐都會煮下俾吳生食~
焗爐已經好耐無開啦,想煮椰汁焗雞好耐,今日終於見有雞件特價$10,所以就買黎煮下,買多2個薯仔($3),加埋屋企半個洋蔥同埋椰汁就夠材料整勒...雖然我無買到mosarella芝士,只係用屋企枝芝士粉拎去焗,不過都一樣咁好味,焗緊之時老公已經入黎話好香...結果今日老公添左好大碗飯呢~
咁大兜椰汁焗雞,煮多味餸就咩都夠勒,咁當然煮埋琴晚留起既半包菜心($3.5),本來諗住煮菜心炒牛肉既,不過見豬肉絲特價($6.5),所以就改為炒肉絲...呢餐成本價$23~
今日除左留我自己個飯盒,老公都想留添,不過因為佢話同事習慣星期五出街食,所以佢先唔留咋...老公話下星期開始可以煮多少少份量留埋飯盒俾佢喎~
你呢餐飯又抵又好味呀！
回覆刪除[版主回覆02/05/2009 23:17:00]要慳埋慳埋俾囡囡用呀麻...哈哈~
嘩...個椰汁焗雞睇已經知道好食啦... 你好叻呀... 我只是蒸下排骨... 煮下雞翼咁....椰汁焗雞難唔難做呀?? 如果唔難等我第日試下先...
回覆刪除[版主回覆02/06/2009 14:37:00]其實都唔難架,不過要時間煮同焗lor~
嘩！又見吳宅招牌椰汁焗雞，難怪吳生要添飯啦～～
回覆刪除[版主回覆02/06/2009 14:37:00]係呀係呀,招牌菜又出場勒...哈哈~
椰汁焗雞...我都好鍾意食...不過依家真係好少餐廳有得食....
回覆刪除我尋日都係食菠菜...但我工人唔知點洗...超多沙
[版主回覆02/06/2009 14:38:00]咪係lor,真係好少餐廳有得食...
點解d菜會有沙呀,我會將d菜浸一陣然後再洗,你叫工人試下咁樣啦~
嘩,原來你係個廚神,椰汁焗雞你都能整得咁好味,勁呀
回覆刪除[版主回覆02/06/2009 14:39:00]哈哈,邊係呢..你咁讚我會唔好意思架~
睇你個blog好似睇緊飲食雜誌呀 , 勁!!!
回覆刪除[版主回覆02/06/2009 14:40:00]邊係呀...都係家常小菜之麻,你個blog先係飲食指南(特別係自助餐),哈哈~
唔係飲人人識ga, 我咪唔識lor!! 而且我地係要整家常的野, 你諗諗佢啦!!!! 我地之前諗出果本9月新娘blog記, 你就負責教煮野食啦!!
回覆刪除[版主回覆02/06/2009 23:03:00]其實我諗你肯煮一定ok架~
哈哈,如果真係出得成,我無問題架
初到貴境，看你的椰汁焗雞很吸引，想請教點煮？
回覆刪除[版主回覆02/07/2009 23:44:00]椰汁焗雞都係無師自通,所以方法都好簡單...
1.將雞件切件醃起(生抽,糖,胡椒粉,麻油,生粉)再泡油備用
2.以洋蔥起鑊再炒薯仔,放入雞湯將薯仔炆淋~焗爐預熱10分鐘~
3.放入雞件炆幾分鐘,倒入棷汁...如覺太多汁,可加入少許芝士等個汁無咁水...
4.放入焗盆,撤上芝士/棷絲拎去焗至金黃即可
注意:
雞扒應該係最好味既部位,不過其他位置例如雞胸/雞柳都可以
雞湯不用太多,可以夠炆淋d薯仔就可以
棷汁宜選用特惠牌,唔係因為平,而係無其他牌子咁杰,我試過其他牌子太杰唔係咁好食
其實如果無焗爐都煮得,不過就係棷汁雞lor~