今日想食意粉,所以去超市都係買整意粉既食材~
其實超市每日都有特價食材,所以我每日放工都係睇下有咩岩買...好似今日我就買左煙黑椒火腿(特價$9),辣肉腸(特價$11),雞扒(特價$11)...不過要睇清楚到期日,今日買呢d都仲有成個星期先到期,所以都ok架~
因為屋企無晒麪粉,所以唔可以自制白汁,咁我就買左包Carbonara意粉醬($13.9),用左半包煙黑椒火腿黎代替煙肉,但係無肉老公會覺得太寡,所以買雞扒一齊煮...當然係街食既Carbonara就唔會有雞啦,哈哈~
老公都話好香呢,我用白酒蒜茸炒過d意粉先架,味道真係唔錯,都幾似街食既Carbonara,如果屋企有mozorella芝士就好啦,一定更加好味~
今餐成本價$35,本來想留2個飯盒既,不過半包意粉只夠留多一個飯盒,下次要煮多d先得啦~
你真係好勁o架..成日都煮咁多野...我無你咁叻呀...唉..
回覆刪除[版主回覆02/11/2009 00:21:00]都係簡單快捷既野...abby瞓左我就有時間煮lor~
原來用白酒炒d意粉..會香d...等我星期日試下....
回覆刪除我通常只會蒜蓉炒.....我最鍾意整Pizza hut 個隻同茄汁意粉
[版主回覆02/11/2009 10:07:00]係呀,用白酒炒過好味d架,不過唔使落太多,少少就得架啦~
咩意粉我都鐘意食架,不過我鐘意白汁多d,所以整白汁機會大d,不過其他款式我都會整架~
Carbonara意粉醬係咪一pack pack 呀... 等我找晚上試下先..
回覆刪除[版主回覆02/11/2009 11:07:00]係呀,我買既係一包包架~另外都見到d一樽樽既,不過就貴好多,要成$3x~
上個星期日, 難得屋企只係得一家三口, 我都諗住下煮, 不過...只係準備個仔既通粉就無晒d時間, 不過我煮多左, 所以我自己都有份食, 老公就....翻熱個送俾佢咋....
回覆刪除[版主回覆02/11/2009 11:31:00]我諗第日要煮埋abby個份應該都推遲我同吳爸爸既晚飯時間~
你去煮叫老公睇住諾諾咪可以夠時間lor...你係咪唔捨得離開諾諾太耐呀~
真係好想試食下呀,好好味咁呀,相信第時abby一定係胖豬豬呀,因為你整既野太美味啦,好食到停唔到口
回覆刪除[版主回覆02/11/2009 14:16:00]我諗會有機會既,第日abby d生日會我請大家黎開party食大餐啦~不過味道就唔敢包一定好味喎...哈哈~
好精美既意粉
回覆刪除[版主回覆02/11/2009 14:17:00]多謝多謝...要影相所以整靚d個賣相,哈哈~
淨係睇個賣相已經好吸引呀!
回覆刪除[版主回覆02/11/2009 14:48:00]多謝...我最鐘意整得靚靚咁影相,食都食得開心d...哈哈~
妳o個邊真係多特價貨喎～～我呢邊無乜，就算有好多都要即日食～～
回覆刪除仲有，個意粉賣相好得呀！
[版主回覆02/11/2009 16:07:00]係呀,我特登影俾你睇架...真係有特價架,哈哈~
係喎,你覆左我地gathering個日得唔得閒未呀?
有咁平的 carbonara汁??? 我見到的都成幾十蚊ga!!!
回覆刪除[版主回覆02/11/2009 17:11:00]係呀,不過係一包包既,呢個係正價黎架,唔係特價呢~都唔係間間超市見到,咁岩見到就買左,隔離係另一隻牌子既carbonara汁,一樽要成$3x~
我下次買影低個牌子俾你睇下,味道都唔錯架喎~
我昨天也是弄這個意粉, 不過用了墨汁意粉, 另外煲個蕃茄薯仔洋蔥牛肉湯.
回覆刪除[版主回覆02/11/2009 21:31:00]係喎,用墨汁意粉煮都好,等我下次試下先~
之後有機會睇到個牌子記住share埋俾我聽呀, 因為我好鍾意carbonara汁!
回覆刪除[版主回覆02/23/2009 00:02:00]無問題,下次再買影俾大家睇~