話說星期一晚同囡囡返左99度食飯,不過個晚囡囡只肯由我抱,又唔肯係麻麻度瞓,令麻麻好失望~
結果星期二99話拎湯同齋上黎俾我地,其實係想見囡囡...可惜因為囡囡正在熟睡中,所以99又無奈地離去~
天呀,今日99又話煲左花膠湯拎上黎俾我地...其實今日老公約左朋友食飯,不過因為約左8點,所以都俾99拎野上黎先~~
除左2壺花膠湯,99仲買左炸魚塊同埋蕃茄蛋豬扒俾我地做餸,叫我煲飯就得添~我地就唯唯諾諾咁話好,費時話佢知我地約左人~
99上黎時我地剛剛準備同abby沖涼,於是99就第一次睇住我地同囡囡沖涼勒~~今日囡囡有對麻麻笑,99即刻開心晒,仲話abby認屋企,係屋企就心情靚喎~
囡囡滿足左麻麻之後,麻麻開始轉移視線話我地間屋,呢度有無抹,個度有無洗,點解次次上黎都係一樣既床單.....跟住又問我地嬰園收幾多錢...呢一切一切就係為左鋪排叫我地請工人...其實99耐唔耐就提起叫我地請工人,每次見到都講,就算宜家返嬰園返得好地地都仲起要我地請工人,話有人幫我地做家務,又可以湊囡囡,又比嬰園平,覺得我地既選擇好奇怪~
夠啦夠啦,點解仲要係呢個問題上討論,我同老公講左幾百萬次唔鐘意請工人,工人唔可信,工人唔識湊,又要俾地方佢瞓...我地選擇已經好清楚,可唔可以接受唔好再提請工人呀....屋企係唔夠有工人黎得乾淨,不過我地覺得ok就得,你睇唔過眼就唔好摸上黎又話呢樣又話個樣,唔上黎咪大家都好lor,你又唔使覺得唔順眼,我地又唔使覺得好煩好討厭~
我真係唔想再聽到請工人呢三個字!!!!!!!!!!!!!放過我啦
點解要迫我地喎~我覺得宜家咁樣幾好呀,我地都唔怕辛苦,你就唔好阻止我地啦~
唔好噤勞氣喇 或者你老工係時候同你99講清楚喇 由佢做仔既出聲會好d既
回覆刪除[版主回覆02/12/2009 23:34:00]老公一早講左啦,99講唔掂個仔咪黎煩我lor~
妳99想你地請工人，無非都係想囡囡日日夜夜在家中，佢隨時隨地都可以探姐～～好少見妳咁勞氣，calm down calm down
回覆刪除既然你兩公婆覺得現在的安排係最好，就照自己意思辦事，最緊要老公企自己呢邊！
[版主回覆02/14/2009 17:10:00]你真係心水清...其實我都覺得係,99只係想玩唔想湊,如果有工人佢就可以點工人做,佢就係度玩....不過我係唔會俾呢件事發生既~
我坐月時.... 99每隔2日來一次, 之後佢對眼不停係我間屋四周圍望, 又會講e講路.
回覆刪除係呀...99好驚我老公, 所以有咩野事都來煩我. 叫我傳話.
[版主回覆02/14/2009 17:15:00]我坐月時99同62係差唔多日日上黎,真係人都癲
咪係lor,講唔掂個仔就襯阿仔行開左同我講,其實佢之前講既野我係隔離一齊聽,都唔明點解又要同我單獨講多次...我都係聽完就算~
你99開始嚟料喇，好似JK話齊，佢都係想為自己可以隨時上嚟見Abby而鋪路，所以你千祈唔好動搖你地既決心。我好明白對住啲煩99既心情架，上嚟發洩完就冇事架喇，堅持.......堅持........!!
回覆刪除[版主回覆02/14/2009 17:16:00]我無動搖,我只係覺得好煩,講完又講,唔興都俾佢講到興啦~
大家都做左人阿媽, 亦都係人地既新抱, 我明白有時唔可以抱住 "講道理" 既心態面對老人家時, 係會好火滾的, 唔岩聽的做新抱又唔會駁咀, 所以...聽過就算啦, 因為我地實在做唔到d咩
回覆刪除難得老公同你同一陣線, 有佢既支持已經好好啦
講真我好欣賞你既堅持同做法, 只係我無本事去學, 或者~~呵~~下一胎先啦
是旦搵d野hea下你奶奶囉, 如果佢既concept係請工人 = 屋企乾淨, 求其去搵個家務助理囉, 每星期一次, 每次3hrs, 包抹窗/ 洗toliet/ kitchen, 拖個地同埋執下個廳
不過最好再搬遠d啦 haha (應該係最唔work但又係最好既方法 haha)
[版主回覆02/14/2009 17:19:00]係呀,我多數笑住口黎聽,只多講幾句解釋下,仲係咬住唔放就唔理佢或者叫佢同個仔講,話我話唔到事~
其實請鐘點我都接受到,都有諗過清潔好間屋等99唔好再煩,不過老公連鐘點都唔鐘意,唔肯請~
搬屋,我暫時仲唔會考慮住~
點解多數奶奶都係咁, 我將來一定唔會係咁架...
回覆刪除[版主回覆02/14/2009 17:20:00]其實我99都無咩野,算係好好,不過今次真係好煩...............
我覺得請工人有好有唔好.....我99好like 工人....因為我大女出世時, 由一出世就係佢揍大...佢就覺個好辛苦...到我老公環境好d ,我地先請工人...等佢唔駛咁辛苦....我99仲當佢係女咁.....friend 過打band.....而我同我老公都係Lazy...所以工人對我地來說係好.....
回覆刪除而我有位教友,佢就BB一出世請工人,但他1個月換左7,8個...最後佢選擇唔請工人,交到育嬰園揍...so call他個仔巳3 歲...都好好同埋育嬰園對小朋友自理能力有幫助...
若你決心不要工人的...就要企硬....
[版主回覆02/14/2009 17:23:00]我唔反對人家請工人,我明白當中的身不由己...只係我同老公接受唔到,而宜家既方式我又覺得無問題,所以無論99講幾多次都好,我地都唔會改架....不過講咁多次真係令人好煩厭~
哈哈，我都衰過一次，上次個菲傭簡直不知所謂，又懶又污穢，炒左佢之後奶奶幫手湊，但係都太辛苦．．我下個會請印傭，希望好ｄ～
回覆刪除你既然有了決定，應stand firm，選擇一個自己最舒服的生活方式～～
[版主回覆02/14/2009 17:26:00]係呀,聽到太多朋友請工人既經驗,知道請到好工人既機會真係幾低....長輩們唔知道,以為有人服待就係好,都唔了解當中有幾多問題~~我已經無意勞煩屋企人,亦唔打算請工人,所以無論99點講,我都會堅持宜家既決定~
Don't be angry la, "left ear in, rite ear out"... haha
回覆刪除[版主回覆02/14/2009 17:27:00]其實我一向都有採取呢個策略,不過實在太煩,所以上黎吐下苦水~
你奶奶真係好錫Abby喎！突登上去你屋企，Abby係o米佢第一個孫呀！
回覆刪除其實你o地都o甘大個人，自己鍾意點選擇都係你o地o既事，最緊要自己開心，覺得無問題，不過老一輩o既，就係o甘，想你o地跟佢o果套去做，出發點係好，不過又真係好煩。我諗你奶奶之後都會繼續提"請工人"呢個問題，唯有忍o下啦！真係無辨法呀！
我覺得我奶奶同你奶奶有D似，又係照顧得我o地無微不致，每個禮拜，我o地上去食飯，都有靚湯、生/熟食物、生果攞走，有時真係食唔切，但係跟住o果個禮拜上去又比o野我o地，間唔中我o地都會話Do野仲有未食完(唔敢次次都話未食完呀！)，佢又會問，食o甘耐o既? 感覺好似我無煮飯o甘(純粹個人感覺，奶奶未必係o甘o既意思)。
其實奶奶買埋o野比我o地，係好事o黎，起碼我唔駛放工o甘趕，不過變o左好多時唔到自己選擇，而且成日都要食D放o左係雪櫃好耐o既o野，曾經試過一連兩三個禮拜都係食o果兩種菜，真係好鬼悶，但係買埋比你，又點可以要求o甘多。真係有好有唔好，不過如果可以揀，我情願奶奶唔好比o野我law。
[版主回覆02/14/2009 17:29:00]係呀,第一個孫呀~
我都覺得你99同我99既行為好相似...其實我知佢對我地好好,比起其他人既99真係算唔錯,今次其實我都知佢唔想我地咁辛苦而講請工人,不過我地已經解釋過點解唔請,但係佢依然講完又講,咁令人好忟呀麻~
請工人真係一件好辛苦既事! 有得揀...就梗係唔駛請好啦!
回覆刪除我都係冇辦法先要請...而家都頭痛緊!
囡囡返嬰園果度係點架? 返幾多個鐘頭架? 湊得好嗎?
[版主回覆02/14/2009 17:33:00]我明白大家點解請工人,只係我地覺得有其他可行既方法,所以唔想行呢一步~
囡囡返嬰園OK呀,我地不知幾放心...返8am - 6pm,而我地通常要多一個鐘延長去到7pm...放工就去接佢返屋企~
真係比阿 thy講中左!!! 你不如快d去搵左個家務助理去執屋, 少個佢叫你請工人的借口先!!!
回覆刪除[版主回覆02/14/2009 17:33:00]其實我都唔mind去請家務助理,不過老公連鐘點都唔鐘意請呀,咁我都無辦法~
really horrible to have 99, how about part time maid just for cleaning stuff
回覆刪除[版主回覆02/14/2009 17:34:00]其實我99都係一個好99黎既,係今次實在太煩o者~
鐘點我老公都唔肯請呀,佢唔鐘意有人搞自己間屋~
唉...又係99...
回覆刪除我99久唔久都有話我地又乜又乜
我都老公都無理佢,佢有佢講,我地有我地做!
我老公同99一講到錢,我99就即刻收聲(99怕佢要攞$出來)
真係好有效嫁!!
[版主回覆02/14/2009 17:36:00]哈哈,我99唔太計較錢架,不過我老公唔會要99既錢,所以佢唔會用呢個方法~
為甚麼耍Abby過夜呢？BB過常會認人或認地方。萬一半夜揾阿媽咪攞嚟衰！
回覆刪除你99都幾搞笑喎！之前有無係婆婆個邊瞓過？
等Abby大D，有需要才請partime囉！我都係請partime咋！
[版主回覆02/14/2009 17:39:00]啊,唔係要abby過夜...只係平時abby係屋企8點就已經會瞓著,但係係麻麻度就算放晒蚊好眼瞓都係唔肯瞓,一走呢,出左門口無幾耐就係我懷中熟睡,所以麻麻唔開心lor~
我都覺得請partime都ok,不過老公連partime都唔鐘意~
唔好激心...relax... 其實99出發點都係為你地著想, 佢可能無同你地一齊去嬰院視際過,所以唔了解其實果度係好專業一定好過工人湊啫. 原諒佢, 或者罰佢上黎同你地抺屋囉, 哈哈哈.
回覆刪除[版主回覆02/14/2009 17:41:00]其實我無野,只係個晚聽完覺得好煩,所以上黎發洩下...
同99講過啦,佢有自己既觀念都無辦法~
上黎同我地抹屋,唔好啦,一來太辛苦佢,二來都唔知會將我地d野擺去邊,真係唔搞好過啦~
(Empty)
回覆刪除[版主回覆02/14/2009 17:41:00](Empty)
而家咁多人都請工人, 奶奶以為請工人正路D呱...可能佢又肉痛ABBY返育嬰院呢...俾佢知多D了解多D應該會好D.
回覆刪除[版主回覆02/14/2009 17:44:00]係呀,佢見人地有工人使好正咪想我地請lor~
我地唔係無解釋,只係99佢聽唔入耳,咁都無辦法~
我老公都係ga!!!! 所以我等佢0呂佢唔係屋企先叫鍾點來!!!
回覆刪除[版主回覆02/14/2009 21:03:00]哈哈,原來要咁呀~
我奶奶都係咁既人，係咁叫我地請工人，係超級煩音之下，我曾經屈服請咗，結果領嘢~~~貼 $$買難受，最終炒咗，晒$之餘得個吉
回覆刪除但我奶奶宜家又不停咁繼續話"唔得嘅....要請個工人至得"，次次見到就講一次.....
唉...所以話呢，遇上個好奶奶，比遇上個好老公仲難
[版主回覆02/15/2009 00:03:00]試過唔得仲繼續要請?真係唔明點解咁鐘意請工人?
息怒息怒!
回覆刪除唉, 奶奶係咁0架, 我發現無論點講, 佢地的想法都唔會改變, 所以都係保持禮貌, 不作回應, 由得佢講, 希望佢快d講厭啦, 不過又會開第二個topic了, 始終她的寄託係哂你地度, 都好難stop佢的熱情
[版主回覆02/23/2009 00:01:00]係呀,點同佢講都無用,真係激死~
息怒息怒!
回覆刪除唉, 奶奶係咁0架, 我發現無論點講, 佢地的想法都唔會改變, 所以都係保持禮貌, 不作回應, 由得佢講, 希望佢快d講厭啦, 不過又會開第二個topic了, 始終她的寄託係哂你地度, 都好難stop佢的熱情
唔好嬲..老人家有時係咁煩.. 我99 都會咁..總之煩喇... 你有時當佢唱歌算喇~
回覆刪除[版主回覆02/23/2009 00:01:00]過左就無事啦,只係當日聽完覺得好煩lor~
我由舊年八月到而家都換左3個工人; 起初有個未完約但要返印尼, 最終都無返, 跟住請個係香港完約即時上得工, 點知吾夠一個月我要換, 佢駁咀兼比面色我睇, 仲要係一定換個oversea返黎
回覆刪除請個醒ge佢又諸多要求, 請個吾醒ge, 又勞氣...直頭貼錢買難受, 真係吾係個個咁好彩請到個好工人, 就算佢頭兩年好, 可能續約後就衰, 真係估吾到 好似我個妹先慘, 請個未黎個香港兼只係去個亞拉伯做野ge印印, 睇video以為好好就請佢, 誰知黎到吾夠一個月, 吾單只比面色我個妹睇, 我個妹抱住bb係走廊, 佢竟然吾讓路, 反而要亞妹讓返佢轉頭; 前兩日我亞妹仲要去報警, 因為佢個工人趁我亞妹一家出街, 佢就即刻執野走, 而且都吾知佢去邊, 連agency佢都吾搵 (因為之前個agent用印尼話鬧佢吾聽僱主說話), 可能個印印覺得連agent都吾幫佢。 不過今日就峰迴路轉啦 ! 佢竟然派個印尼領事館職員前去agency取回passport (不留都係agency keep), 但自己就吾現身.....家陣吾知佢想玩乜, 驚佢老屈其他野, 例如屈比人打等...你地可以吾駛請工人就最好啦 ! 我都係因為要輪班工作, 加上而家呢個仔始終吾係而家老公親生, 有時間我都想陪多d個仔, 家務就迫於要工人做
(總而言之: 工人真係信吾過, 就算由老人家睇住都係咁, 佢地好古惑ga)
[版主回覆03/24/2009 23:19:00]我咪係怕呢d case lor...所以都係唔好煩,死都唔請~