Dinner@UCC Cafe

2012年2月4日,星期六

食完下午茶,囡囡嚷著要去公園,於是我們便帶她去沙田公園玩!

沙田公園都幾大架,我地今次去左北園個邊既遊樂場,囡囡除左玩滑梯呢類例牌野,最鐘意就係玩呢度特別設計既城門!其實唔係話好特別,只係有條旋轉梯行上城門上層,又有其他路徑可以上,亦有小山洞咁穿黎穿去,就係咁就已經令小朋友玩得好開心.....其實我地都好鐘意同囡囡去唔同地區既公園,唔知有無機會去晒18區呢,哈哈~

玩左成個下畫,決定食完晚飯才回家!今次囡囡選擇食西餐,於是我地去左UCC Cafe!因為我想玩個自助沙律吧,哈哈哈!

我們6時前入座,剛好還可以叫tea set,於是先叫了一份雪糕夾餅配橙汁,然後要了一份兒童餐(跟熱牛奶、雪糕甜品和禮物一份)

吳爸爸則要了個鐵板什扒(跟蒜蓉飽),另加$20有餐湯、自助沙律吧和餐飲

我同囡囡出去畢沙律,我砌多一層咋,我見人地真係砌得好高,好有那些年係pizzahut砌沙律吧既情景!

怕且都應該只得UCC Cafe仲有得玩呢個玩意,希望會一直保留,等我得閒想玩下呢個沙律吧時可以黎食~

好豐富又好好玩的一餐

食得相當飽,二百多也算差不多吧!